Ka Nupepa Kuokoa, Volume LV, Number 22, 1 June 1917 — NA LONO LIKE OLE E PILI ANA I KE KAUA MA EUROPA [ARTICLE]

NA LONO LIKE OLE E PILI ANA I KE KAUA MA EUROPA

NEW YORK, Mei 17—Ua hoikeia mai ianei ka hoea ana aUu o na pualikoa Kepani i Palani. Ua hoopaeia aku iua Marseilles, Palani, na pualikoa Kepani mua loa i hoounaia aku ai, raa ka la 29 o Aperila, e like me ka lono i hoea mai i keia kulanakauhale. Ma ka mea i manao ia e ka lahui maloko o Parisa oia keia e hoonohoia aku ana na Kepani e hakaka j)u me kekahi o na mahele koa Rukini e paa mai la i kekahi o na mahele o na kahua kaua ma Palani no kekahi mau mahina i hala. Hakaka me na Mokuluu TOKIO, Mei 28—Ua hoolahaia ae e ka Haku o ka Aha Hookolokolo Moana ma ka la i nehinei he aumoku wawahi topido' Kepani ke ukali ana i ka mokulawekoa Pelekane Transylvania i ka wa i topidoia mai ai ka moku lawekoa a hoopiholoia e ka mokuluu. Ua hakaka na mokuwawahi topido me ka mokuluu, a ma ka manao wale ia ua hoopiholoia ia mokuluu. Mahope o kela hakaka ana ua hoopihaia na moku wawahi topido me ka hana ma ka hoopakele ana i ke ko-lu o ka moku lawekoa mai ka moku mai e piholo iho ana.- Ua mahalo na aupuni hui i na moku o na luina Kepani. Makaukau o Berazila KIO DE JANEIRO, Mei 28—Ua hoomakaukauia e ke komite maluna o na hana o ko na aina e o ke Aupuni Brazil ma ka la i nehinei kekahi bila kanawai no ka waiho ana aku imua o ka ahaolelo e apono ana i ka hoopau koke ana i ko Berazila ku ana he aupuni i komo ole i ke kaua i hoopukaia ai ma ka la 25 o Aperila. E apono ana ke komite i ka hooholoia a lilo i kanawai o ka kila e hoamana ana i ka Peresidena e lilo i mea mana na kanawai kupono ma o kekahi hana la e hoopau ana i ko Berazila ku ana he aupuni komo ole i ke kaua. E komo pu ana maloko o keia ka hoohanaia ana o ka oihana kaua aina ame moana. Ua manaoia me ka maopopo loa e hooholoia ana ka bila e ka hapanui o na hoa, a o ke keehinahana mua e hoea aku ai i ke kukalaia ana ae o ke kaua me Kelemania ke laweia ana. Aia ma ka Aoao o na Aupuni Hui MADRID, Mei 28—He ahakanaka o iwakalua-kumamalima kaukani ka nui ka i hoakoakoa ae ia lakou iho a hooholo iho la i kekahi olelo hooholo e kakoo ana ma ka aoao o iia Aupuni Hui me na manao ohohia a ulumahiehie, e noi ana i ke aupuni Sepania e hoike aku i kona manao aloha ma ka aoao 0 ria aupuni hui. Ua kaheaia maiwaena mai o na kanaka o na aoao like o ka lahui iloko o ke kulanakauhale i ikeia ko lakou mau manao e kakoo ana ma"*ka aoao o na aupuni hui he halawai i oi aku ka piha mamua o ka ka poe na lakou i hoala ia halawai. 0 na olelo hooholo i hoounaia nku i ke Kuhina nui he mau olelo ikaika loa a e hoakaka ana i ka heluna o na m»ku ame na ola a na mokuluu Kelemania i hoopoino ai a Sepania e kupono ai ke ku-e aku ia Kelemania. I ole ai e ala mai he mau haunaele ua papa muaia mai e na luna aupuni ka hoalaia ana ae o kekahi nau hana hoohaunaele e ku-e aku ana i ka poe kokua i na Kelemania, oiai e hoolalaia xina kekahi halawai e ka poe e aloha ana 1 na Kelemania, i manaoia he halawai ia e ku-e mai ana. Hoauheeia aku na Kelemania NEW YORK, Mei 28—He mau kaua laula ka i hooukaia ma na wahi apau e pili ana i na kahua kaua o ka Aiane ame champgne ma ka la i nehinei, ma ka aoao o na koa malalo o ka Hooilina Kalaunu ka lele mua ana mai ma ka hopena o ke kaua o ia la ua hoauheeia aku na Kelemania a pau me ka m&u no o na Palani i ka paa ana i na wahi apau i lilo ia lakou. Ua hoohanaia na pukuniahi ma na aoao a elua, a ua kai mai la na koa helewawae Kelemania mahope o ke kiia ana mai o na poka pa-hu e ka poe ki pu Kelemania, no kekahi ua hoea loa mai na koa Kelemania ma na auwaha a na koa Palani e paa ana a no kekahi manawa ua koiia mai na Palani e kaua aku. Mahope iho o ke kaua ana me ka hahana loa, a loaa ole ka lanakila ua kai aku la na pualikoa Palani i hoopuipui hou ia aku, a lilo hou mai la ia lakou na auwaha i lilo aku ai i na Kelemania, me ka paa pio pu o kekahi heluna nui o na koa Kelemania. Hamau ke kahua kaua o na Pelekane, aole mau kaua a na koa helewawae malaila i hoouka aku maluna. Lilo mai Kekahi Mau Pu NEW YORK, Mei 2&-—Oiai e kiola mai ana i kekahi mau puupuu ikaika lehulehu no ka ulupa ana i na kahua e paaia ana e na Auseturia ma na wahi e pili ana i ke kahua kaua maluna o ke kiekiena Carso ma ka la i nehinei, ua hoauhee muaia aku e na pualikoa a ke Kenerala Cadorna na koa Auseturia ihope, alaila ia wa i hooleleia aku ai na poka pa-hu mamua o na laina auwaha a na Auseturia a lilo i mea ole, a kaiehuia aku na koa Auseturia e kupale mai ana īa Frieste a holo pua-a me ke auhee ana i o a ia-nei. Ma ka hopena loa ua lawe mai ka la i ka lanakila kiekie loa e kaukai ana maluna o ka ikaika o na mea kaua a na ltalia.

He umi-kumamalna haneri paahao a me umi-kumamakahi mau pukuniahi nunui, me kekahi heluna nui o na poka ame na lako kaua a lako ai i lilo pio mai iloko o na lima o na koa Italia. Hakaka me na Eleu Pu Maloko o keia apana o Carso, ua lilo pio pu mai i na Italia he heluna ,nui o na kahua ma na mauna a na Auseturia ma ka akau aku o Gori2ia. Aneane no e like me ia ka holopono loa o ke kaua ana a na* Italia ma ka hema aku o keia kahua kaua, mawaena 0 Jamiano ame ke kapakai ua lilo hou mai i na Italia kekahi kahua ikaika mamuli o ke kaua hahana i hooukaia aku malaila. He puu keia i hoopuniia me na papu, he wahi i manaoia e ke kenerala Auseturia e hiki ole ai e aaia aku e ka eiiemi. Oke kaua i hooukaia malaila he aneane no e loaa ole ka manaolana no ka lanakila, eia nae, i ka hope loa ua hioloia mau papu paa i na Italia, a he ewalu haneri mau paahao 1 laweia mai malaila me umi mau pukuniahi. Ma kahi kokoke i Plava ua lilo mai i na koa Italia na kiekie rna ke poo 0 ke Awawa Pallisva, ma ia ano iho la 1 huiia ai ka lakou mau laina ma na Mauna Cucco me na laina ma ka Puu 363. I ka ulii ana mai o na eheu o ka po he oia mau ka na Italia kaua ana ma na wahi apau o ke kahua kaua Gorigia, ma ka hoolele ana i na poka pa-hu me ka hahana loa maluna o na kahua e paaia ana e na Auseturia. Nahaha na Laina o Wotan NEW YORK, Mei 22—Elike me ka hoopuainaweleia ana o na laina koa o Hindenburg mamua o na pukuniahi e palukuluku aku ana ame ka holomoku 0 ke kai ana aku a na koa Pelekane a lilo mai na kualapa o Vimy mamua aku o Arras, pela no me ka laina Wotan, ka hope loa o na laina e hoopakele ana i ke kulanakauhale o Donai, i ulupaia aku ai a ke nanaia aku nei e emi hou aku ana na Kelemania ihope, o keia ka mea i manaoioia ma Ladana a ma Parisa. I keia manawa ua lilo mai i na Pelekane na laina auwaha ma ke poo hema o keia laina ma ka hikina akau aku o Bullecourt, a ke kai aku la na Pelekane i ka akau, me ka nana ole i na kaua lehulehu a na Kelemania manaolana poho e kaua mai la malalo o ke Keikialii Rupprecht. Ma ka akau loa aku, o Fresnoy ame Mericourt, ke kai aku la na koa Kantidian imua me ia ikaika no o ke ku-e mai a na Kelemania, o ke poo akau loa o ka laina a na Kelemania kekahi aia iloko o ka pilikia 1 keia manawa no ka aneane loa e lilo mai iloko o na lima o na Pelekane. • Ma ke kaua a na Pelekane ma ka akau aku o Bullecourt ma ka po Sabati ua lilo mai ia lakou kekahi laina auwaha e kupale ana i ka laina auwaha nui a na Kelemania, a mai keia kahua aku i hana hou ia ae e na Pelekane a lilo i kahua pale ikaika, i hoomaka aku ai lakou e hoauhee i na Kelemania ma ke kakahiaka o nehinei mai ka lakou mau auwaha aku mamua, a ua hooiaioia mai ka hiki ole i na Kelemania ke paa loihi aku ia mau auwaha Ma ka lono kelekalapa mai Berlin mai 0 nehinei i hoikeia mai ai ua haalele ia ka ia mau auwaha e na Kelemana mamuli o kekahi hana i hoomakaukau .mua ia. Mamua o ke auhee ana o na Kelemania ua hoao mai la lakou e lilo hou aku ia lakou na wahi i lilo mai ai i na Pelekane i ka po mamua iho; he mau pualikoa nui ka na Kelemania o ka lele kaua ana mai maluna o na Pelekane, eia nae, aohe manawa a na Kelemania i lihi launa mai ai i kahi a na Pelekane e paa ana mamuli o na pukuniahi ame na pu mikini e luai mau aku ana i na poka me he mau pakaua la a me na koa helewawae hoi i hoounaia aku e luku ia lakou, ua auhee aku na koa Keleinania i pakele, a ahu mo,kaki iho ka poe i make iluna o ka honua. He lono ke hoakaka ana mai Parisa mai i ka lilo ana mai o kekahi mau wahi maloko o ka Apana Champgne 1 na koa Palani, ma kahi kokoke aku I i Moronvillers, kahi o kekahi mau kaua i hooukaia ai a lilo mai he auwaha he hapa mile ka ioa. Elike me ka mea i maa mauia, ua hoounaia mai la he mau pualikoa Kelemania hou ma keia wahi o ke kaua, a no kekahi mau manawa ko lakou lele kaua ana mai, eia nae, o ia mau no ka paa o na Palani i ko lakou mau 'kahua, me ka hoauhee ia aku o na Kelemania ihope, nve 'ka nui pu o na koa i paapio a i pau i ka make.