Ka Nupepa Kuokoa, Volume LV, Number 23, 8 June 1917 — KA HOPENA O KE KOHO BALOKA KULANAKAUHALE [ARTICLE]

KA HOPENA O KE KOHO BALOKA KULANAKAUHALE

f Ma ka Poalua aku la i hala, i hoea mai ai kakou i ka hopena o kekahi paonion» kalaiaina hahana, i ikeia ma ka moolelo o na haoa kalaiaina kuloko ma ke Kulanakauhale a Kalana o Honolulu nei, he hopena hoi i hookahahaia aku ai ka manao o kekahi mahele. nui o na makaainana; a i hooiaioia ai hoi na ana a ka poe i ike, a i kamaaina iloko o na hana kalaiaina o k&koo, bo ka oili io mai o kekahi mau moho, elike me ia a ka hapanui o na mak&ainana koho haloka, i hookau aku ai i ka hanohano maluna o lakou, no ka hookele ana aku i ke aupuni, iloko o na makahiki elua e nee aku nei. O ke kahaha mua loa i hoomaopopoia, o* ia no ke koho hou ia ana o Joseph J. Fern i meia no Honolulu nei, mahope iho o ke kaili ana ae o na mana koho i kela hanohano mai iaia mai, iloko o na makahiki elua aku nei i hala a oi, a hookau aku maluna o John C. Lane, ka mea a na Repubalika i manaoio ai, ua kupono io oia ma ke poo o kc aupuni kulanakauhale, eia nae he okoa loa, ka makemake, ame ke koho ana a ka lehulehu; elike me na mea oiaio i oili ae nei, ma ke koho baloka o ka Poalua aku la i hala. Mamuli o ka haule ana o John C. Lane, a kaa ka lanakila ia Joseph J. Fern, i hiki ole ai ia kakou ke hoohewahewa aku, i ka hoalaia ana aku o na manao maikai ole, iloko o ka poe i hooikaika, no kekahi mau moho ītepubalika o. ke kau koho wae moho aku.nei i pau i ka haule; o ka oi loa aku, o ka poe i haawi i na kakoo ana mahope o J. C. Cohen, ua koho pku lakou, no ka lanakila o Joseph J. Fern, i pana'i kupono, no ka haūle ana o ka lakou moho o ka noke ana*i ka hooikaika. Ua hooiaio ia mai no hoi kekahi mau hoonee kalaiaina ana a na Demokarata, no ke kokua ana o kekahi heluna nui o lakou ma ke kau tvae moho aku nei. e loaa ka lanakila ia John C. Lane, maluna o J. C. Coben, ma ke koho ana iaia ma ia koho baloka; mamuli o ko lakou manaoio ana, he hana maalahi ka hoohaule ana ia Lane ma ke koho baloka laula, mamua o ka hoohaule ana aku ia Oohen; ma.keia ano paani ana nae, i pulapuia aku ai kekahi o na mana koho. elike me kekahi poe he nui. i hoike okoa ae ai i ko lakou manao, mamna o ka la koho, no ka loaa o ka lanakila ia ī.ane, mamuli o ka hilinai ana, i ka heluna baloka kiekie i kōhoia nona, ma ke kau wae molio, eia ka auanei, he mau hua makani wale no, aohe keiki oloko, a oili pulelo ana kona hoa paonioni mamua, ka mea nae i kanalua loa ia, no ka hiki iaia ke kii hou aku, a kili mai i kela hanohano, i lilo mai iaia aku. M"a keia hana nae he kalaiaina, e loaa ai ka ike ia kakou, ua like ia me kekahi ao eleele panopano, ia kakou e manao aku ana, e liaule iho ana be kuaua koikoi, aole nae he mea o ia ano i ikeia, a i ka manawa hoi i upu ole ia aku ai e hanle iho ana he kuaua, o ka wa iho la ia a ka ua e haule iho ai me ka ikjaika, a he pulu kolaila, no ka mea ua hemahema, me ka mea e malu ai, a e palekana ai, mai ka poino mai. No ke kulana makai nui, aole loa he kanalua iki no ke koho hou ia o Charles H. ,Bose, ua loaa aku ka manaoio iloko o kekahi poe Eepubalika no ia mea, a oa koho aku no lakou iaia, me ka nana ole ma ka aoao kalaiaina, a hui pu iho me ka makee maoli o na Demokarta, e mau ka noho mana ana ma kela keena, ua huliamahi ae lakou, ma ke koho ana i ka moho a ko lakou aoao kalaiaina. No na hoa hoi o ka papa lunakiai i kohoia, aole na DemokaTata ame na Bepubalika i hoohewahewa no ka lilo o McC!iella*n ame Petrie, o laua kekahi mau hoa o ka papa hou, ma o ko laua haole ana, ua ikeia keia ma na mahele o na haole, a hui po iho hoi me ke koho pololei ana a na Hawaii Demokarata i na moho apau o ka aoao kalaiaina, ua hoomahuahuaia ae ko laua mau haloka mamna o na moho Demokarata e ae e holo like ana, i mau hoa no ka-papa lunakiai, a haule okoa he elua mau moho Repubalika, na moho hoi i haawi piha ole aku ai na "Repubalika, i ka lakou koho ana, elike me ia i na moho Repubalika e ae. . Ua hala aku.la nae keia kau koho baloka o ke Kulanakauhale a Kalana o Honolulu nei, a ua hoea mai la hoi kakou, f ka pahu hopu o ka hoouka kalaiaina, no na luna oihana o ke aupuni kulanakauhale, no keia mau makahiki elua e nee aku nei, o ka kakou wale no e nana aku ai, o ia ke ano o ka hooneeia aku 0 na hana o ke aupuni, malalo o na luna oihana, a ka hapanui o na* mana koho baloka, i waiho aku ai i na hana o ka lehulehu iloko o ka poho o ko lakou mau lima; o ka kakou e upu aku, e hoomauia aku ke kulana o ka nee ana o ka hookele aupuni kulanakauhale, ma na anuu, e hapai mau ia ae ai o Honolulu nei iluna, e loaa ole ai he mau mihi ana ma ko kakou aoao, no ka mea a kakou 1 hana aku ai ma ka Poalua nei. He mea oiaio no, ua hoalaia aku na manao maikai 'ole iloko o kekahi poe o kakou, no ka loaa ole ana o ka lanakila i na moho a lakou i hooikaika ai, o ka ke Kuokoa e kauleo 'aku nei ia lakou, o ka oi loa aku, i na Repubalika, e hoao e hoopoina i na manao maikai ole apau, a e nana aku ma ka aoao maikai e hoea mai ana, me ka lilo o keia mau makahiki elua e nee aku ai, i manawa nui kupono. no ka hoomakaukau ana, no kekahi hoouka kaua kalaiaina, o na luna oihana kulanakauhale, e kono hou ia mai ai kakou, e ku aku -imua o ke kahua mokomoko, a paio me na lako ame na makaukau e pio ai, ka hoa paonioni.