Ka Nupepa Kuokoa, Volume LV, Number 23, 8 June 1917 — KA LUNAKANAWAI JOHN L. KAULUKOU [ARTICLE]

KA LUNAKANAWAI JOHN L. KAULUKOU

He mea na Hawaii nei, e minamina nui ai, i ka haalele ana mai o ka Lunakanawai John L. Kaulukou i keia ola ana, ma ka Poaono o ka pule aku la i hala; no ka mea, maiwaena mai o na kanaka Hawaii i loaa ia lakou ka hoona&nao maikai ia, na helu ia ka Lunakanawai John L. Kaulukou, ma ke ano, he Hawaii i hapaiia ae, ma na anuu kiekie, e haaheo ai o Hawaii nei, ma ona i&. a ua waiho iho oia mahope nei, i kona moolelo, he buke hamama, ua kakou e heluhelu aku ai i ka moolelo o kona ola ana; e lilo ai ia moolelo, i kumu alakai, h i kumu hoohalike na kakou, e hoao aku ai e alualu, elike me ka liiki ia kakou ke hana. v Iloko o na makahiki mua o kona komo ana aku iloko o ke ola ana o ke kanaka opio, ua kukulu ae oia i ka pohaku paepae no kona mau wawae e keehi Iho ai. ma ka hooikaika kino maoli ana, e huli i ka ike ame ka naauao, ma ka oihana loio: a he mea oiaio. ua lilo kona makaukau leanawai, i une nana e hapai ae iaia, mai kekahi anuu a i kekahi, iloko o ke au o ke aupuni moi o Hawaii nei, ka haawina hoi i hiki ole i ka nui ame ka lehulehu o na kanaka Hawaii, ke hooko aku, elike me ia i loaa i ka Lunakanawai Kaulukou. Iloko o ka nui ame ka lehulehu o kana mau kulana oihana i paa ai, me ka hanohano, o kana hana pookela hope loa o ka lawe ana ae a hooko aku, o ia no kona lilo ana, i mea hoike aku i ka olelo a ke Akua, imua o kona mau hoa kanaka; he hoike oiaio hoi, o kona makee ana, i ka pono o ka uhane o ka hoa kana"ka, mamua o na oihana hoohanohano, no ko keia ao mau luhiehu he nui Ma ka launa ana, ma ke ano hookaau olelo, a pili oihana paha, ua lieluia ka I.unakanawai Kaulukou, ma ka papa o ka poe ike i na rula maikai apau o ka lanna ana, a ma kekahi mau mea pili i ka oihana pa'i, a hoopuka manao ana. ua aie nui ke Kuokoa nei, i kekahi mau hoakaka naauao mai iaia mai, mamuli o kona makee, i keia nupepa, e lilo i kukui hoomalamalama, no na home Hawaii. Aole he mea uuku ka nalohia ana o kekahi Hawaii, elike me ko ka Lunakanawai John L. Kaulukou ano, ua kamaaina oia ma na wahi apau, o keia Teritore. ua nui a lehulehu kona mau hoaloha, iwaena o na lahui like ole, mai ka poe kiekie a ka poe haahaa, nolaila, o kona hala ana aku ma kela aoao o ko ke kanaka ola ana7he haawina kaumaha, a luuluu ia i li iho maluna o ka poe apau i kamaaina iaia; a o ke Kuokoa pu kekahi, me ka ohana o ka mea i hala, iloko o na hoomanao poina ole ana nona ame kana mau hana maikai apau i waiho iho ai mahope nei, he poina ole, na ka poe ola e hoomanao hi nona. .Me ke aloha no! :o: E hoomanawanui mai e ko ke Kuokoa poe heluhelu no ka lilo nui o kekahi mau aoao o ka nupepa i ke Kanawai, he hana hiki ole nae ia.makou ke alo ae, mai ka hoopuka piha pono ana aku i kela ame keia kanawai, ma na puka ana apan, a no ia kumu, ua kaomiia na manao e ae, me ka manaolana mau no nae ma ko makou aoao, e hoolawa aku i na nuhou makamaka hou loa imua o ka khulehu i ka wa pono e loaa ana ia makou.