Ka Nupepa Kuokoa, Volume LV, Number 23, 8 June 1917 — Nuhou Kuloko [ARTICLE]

Nuhou Kuloko

E hoomanawanui mai no e na makamaka no na palapala i hoounaia mai no ka hoopuka ana aku maloko o ke Kuokoā nei, mamuli o ka piha loa o ka nupepa i na kanawai o ka ahaolelo. O na Repubalika, e paa mai nei i na kulana oihana hookohuia, i keia wa e ka meia, ke hoomakaukau e mai nei lakou, ia lakou iho, no ka lawe ae o na Demokarata i ko lakou mau kulana. Ma ka la o Kamehameha ae nei, e wehe hamamaia ana no ka hale hoikeike o na mea kahiko, ka Bishop Muaeuaa, elike me na la e ae, aole hoi e paniia, no ka makaikai ana o ka lehulehu. Ua makemakeia na lala o ka Ahahui ka Hale o na Alii Hawaii, e hele ae i ka pule ma Kawaiahao i keia Sabati iho, a pela hoi ke komo ana ae ma na hana hoomanao no ka la o Kamehameha. Ma ka Poaono aku nei i hala, i pauaho mai ai ka Lunakanawai John Lot Kaulukou i keia ola ana, maloko o ka* halema'i ma Kealakekua, mahope iho o ka wailio ana iloko o ka ma'i no hookahi mahina a oi. Mamuli o ka nui loa o na kaa otomobile hoolimalima ma ke Kakina o Kauai, e kauohaia aku ana na kiakaa otomobile hoolimalima apau, e kau i mau pihi, elike ine na kalaiwa o na kaapio o Honolulu nei. Ma ka Poakahi ae nei ka la o Kamehameha, ka Na'i Aupuni, e malamaia ana he kaihuakai o na ahahui elike me ka maa i na makahiki aku nei i hala,' ,a' he mau keihei lio hoi ke malanmia ana mawaho o Kapiolani Paka ma ia la. O na kuaua e haule liilii mau iho ana ms,v ka la koho baloka aku la i liala, wahi a na D;emokarata, o na hoai'lona hikimua iho la ia, o ka lanakila o na moho ano nui o kela aoao kalaiaina, ma ke koho baloka, no na luna oihana o ke Kulanakauhale a Kalana o Honolulu nei. Maloko o ka Ekaleaa o Kawaiahao, ma keia !Sabati iho, e malamaia ae ana he ahaaina hoomanao no ka la o ka Na'i Aupuni Kamehameha, a elike me ka mau, e hoea aaa ka Ahahui Kamehameha ame Kaahumanu ma ia anaina pule hoomanao. Ma ka Poakahi mua o ka mahina ae nei o lulai, e lawe ae ai na luna oihana hou o ke Kulanakauhale a Kalana o Honolulu nei i ko lakou mau kulana pakahi, no ka hoonee ana aku i na hana o ke aupuni imua, no na makahiki elua e nee aku nei. Ua lilo i mea hookahaHa loa aku i -ka manao o na ftepubalika, ka haule ana o John C. Lane, ame Charles Hopkins, ma ke koho baloka o ka Poalua nei; a -he nuhou hoohauoli hoi no na Demokarata, ka lilo hou ana o Jos. J. Pem i Meia no Honolulu nei, me ke komo ana he elua mau Demokarata, i hoa noloko o ka papa lunakiai. No ka hoopu'ipu'i ana ae i na pualikoa e hoomoana nei ma keia mokupuni, e hoea mai ana lie ehiku haneri koa hou, maluna mai o ka mokulawe koe mua loa e ku mai ana no keia awa. Iloko aku la o ka mahina o Mei i hala he 235 ka nui o na lia'nau, he 122 make, a lie 73 mare, elike me ia i lioikeia ae ai ma ke keena o ka papa ola. no ka apana o Honolulu nei. Oiai, ua makemake ke aupuni Ame)rika, e hoopaa i ka inoa o na makaainana apau, no lakou na makahiki mawaena o ka iwakalua-kumamakahi ame ke kanakolu, ua hoike ae o Kiaaina Pinkham ma ka Poalua aku la i hala, e waihoia na hale koho baloka, ma na mahele like ole, i mau wahi no na lunaoihana e kohoia mai ana no kela hana, no ka hooko ana aku iloko o kekahi manawa pokole ma keia mua iho. Mamuli o ka pipii loa o ka ukumoku, pela hoi ka nui o na lilo o ka malama ana aku i na lala o keia kau o ka Ahahui Paeaina, ma o keia kaua e holopapa mai la ma Europa, ua hoopauia ka noho ana mai o na Ahahui Kula Sabati, ame ka Ahahui C. E., aka e malamaia ana no ka aha makua, ma ka la 2G o keia mahina, a pau ma ka la 20. a o ke kahu me liookahi wale no elele i makemakeia e hoea mai, o kela atne keia ekalesia apuni ke Teritore. SAN DIEGO, lune s—Elua mau mo kulele a ka oihana koa i hookui kekahi me kekahi ma kahi he 500 kapuai ke kiekie i ka lewa i ka wa e hoi iho ana ilalo ma ka Mokupuni North . Brother. Aohe mau poino koikoi i halawai me na kanaka manu.