Ka Nupepa Kuokoa, Volume LV, Number 23, 8 June 1917 — KUU WAHINE ALOHA UA HALA. [ARTICLE]

KUU WAHINE ALOHA UA HALA.

Mr. «olomou Hanohano Aloha, kaua: —E oluolu mai kou ahonui, i kauwahi kaawale o ka kaua hiwahiwa, e hookomo iho i keia wahi puolo waimaka i ike mai ai ka ohana, ame ka lehulehu 0 ka'u wahine aloha, e noho ana ma na welelau o ka honua. Ma ka la 21 o ka mahina i hala, hora 11:30, i haalele mai ai ka'u wahine aloha ia'u Mrs. Victoria Cecilia Kamano, i keia ola ana; ua haalele pu iho oia he mau keiki, ame na moopuna he lehulehu. Na ke kelekalapa uweaole i ahai mai 1 ka lono kanmaha, ua hala ua nalo na maka o ka'u mea aloha, aole au i ike i kona hanu hope loa, oiai au e noho hana ana ma ka mokupuni o Maui Auwe ka mea luuluu e Ua hoohuiia maua ma ka mare e ka Makua Rev. Father Clement i hala e aku, iloko o ka mahina o Maraki 15, 1890, nolaila ua piha ia maua na makahiki he 27 o ka nolio mare ana, a hala wale aku la oia, na maua i hanau mai ai 8 keiki, 2 e ola nei, a i hala aku i ka make. Ua hanauia ka'u wahine aloha, ma Kananeue, Kona Hema, Hawaii, i ka la 22 o Mei, ]850, mai ka puhaka mai o Geo. Thornton ame Kapoo (w). Nolaila ua piha iaia na makahiki he 58 o ka hanu ana i na ea oluolu o keia ola ana. O ka'u wahine i hala aku la, he oluolu, he puuwai hamama, a he nui a lehulehu kona mau hoaloha apuui o Honolulu nei, a pela no hoi, na wahi apau, nolaila malnna ae o na mea apau, ke haawi aku nei makou ka ohana, i na hoomaikai palena ole, i ka poe apau i hui pu mai me makou iloko o b wa o ke kaumaha, a pela pu no hoi me na makana pua i haawiia mai e na hoaloha he nui, a pela no hoi me olua e Mr. ame Mrs. D. Kapohakimohewa no ka olua makana i haawi mai ai ia'u, no ka'u wahine aloha, he mea na'u i moeuhane mua ole, e hana mai ana olua i kekahi mea no'u, oiai_.au iloko 0 ke kaumaha ame ka luuluu. Nolaila e oluolu, e lawe aku i ka "makou mau hoomaikai a nui, na ko kakou Haku e, kiai, a e malama ia kakou, a pela pu no hoi oia e lawe aku ai i n& kaumaha ame na luuluu i.waena o makou ka ohana. Ke hooki nei me ka mahalo a nui 1 ka Lunahooponopono ame na keiki oniu hua kepau o kou papapai" ko'u adieu. • .• • O makpu iho no, PETER |CAMANO AME KA OHANA - • —