Ka Nupepa Kuokoa, Volume LV, Number 24, 15 June 1917 — KUU KANE ALOHA KELIIKANAKAOLE UA HALA. [ARTICLE]

KUU KANE ALOHA KELIIKANAKAOLE UA HALA.

Mr. Lunahooponopono o ka Nupepa Kuokoa, ke Kilohala Pookela a ka Lahui Hawaii, Aloha kaua a nui:—E ae mai kou puuwai ahonui, ame ka lokomaikai, iio'u hoi ano ka'u wahi puolo waimaka a ke aloha, e kau ae la maluna, kekahi keena kaawale o ka papa oneki o kou moku lele kaapuni honua, a nana hoi ia e lele mama aku, a hoea i na welau o ka hikina i ka puka ana a ka la i Kumukahi, a pulelo loa aku hoi i na welau komohana; ,i ka welono a ka ld i ka ilikai o Lehua, a hooipo loa'aku me Kuhaimoana i Kaula i ka mole o na moku; a na o'u mau kini makamaka hoi ia e ike mai, na hoaloha hoi ame ka ohana, na kaikaina, na kaikuahine o kuu mea aloha he kane, ua wehe, u£ hookoo i ka pili a maua; aia la ke naue la i ke ala polikua a kane, ke hoaikane ae 4a me Hiku i Kanahele, -e walea no paha i kana puni i ke kui lei lehua i ke anu o Kalehuamakanoe, a haalele iho' la kela ia'u, me kuu kaikaina ame na keiki a makou, me ka ukana luuluu he waimaka, e paiauma aku nei nona, o ka'u ia e huli ao nei, aole oia i loaa. Imi au ia oe e ke aloha la, Ma na paia aala o Puna, Ihea la oe i nalowale iho nei, Hoi mai no kaua e pili, Ua hala, ua nalo, ua puanuanu ka hale, aolie kanaka oloko, Ae, e Kekaha aina kaulana i ka makani Moeahua, aole na maka o kuu mea aloha he kane e ike hou i kou mau aekai, no ka mea, ua lilo 'oia i ka manw inu waipua, he manu punua na ka la i hanau mai na maua no i honai a nui i kanahele, ua paweo na maka, o kuu aloha ike ole mai. Ae, e Mana e, aina leaulana i ka maikani anu he Puukapele ame ka wailiula o Kaunale\tfa e liaale nei i kuu lihilihi, aole e ike hou kuu aloha ia olua. Nohili i ke one kani ame ka rahapaha lei o Polihale, aole loa e lei hou leuu mea alolia he kane i ka welii kaulana o ka aina, aole hoi e lohe liou i [ 'ke kani hone ae a keia one hookalakupua. E Waimea e ika Waiulailiahi ame kft waikea o Makaweli, i ka makani anu he Waipao, ua pau ke kiei lia-lo ana o» leuu aloha ma kou mau kaiaulu aloha.

E Hanapepe e ame Wahiawa, i ka makani anu he Puukolu, ua pau ka liehi hou ana o kuu aloha ma kou mau alanui. E Kalaheo e ame Lawai i ka uka anu o Halemauakua, hoea loa aku i ka Uanoe o I£oloa e, ua pau ka hoopulu ana o kou mau kilihune ua liilii i na papalina nohea o kuu alpha. ' E Htaupu mauna Kilohana ame Lihue i ka ua kenikeni e, ua pau Ua maaJo ana 0 kuu aloha ma kou mau paia aala i ka hala. E Kapaa e i leekee, nalu o Makaiwa ame ka lulu o Waimehanalua e, ua pau ka ike hou a"na 0 kuu niea aloha lie kane i ke kula laula o Kapaa, aine ke kalukalu moe ipo o Kewa, aia paha ka uhane o kuu leane i ka uka o Pihanaakalani, ke hooipo la paha me Kaililauokekoa, e walea ana paha i ke kaui a ka ohe a Kanikawi. E Kealia e, i ka i'a inamai a kiei loa aku i Anehola i ka pali kaulana o Kalalea, ua pau ka ike hou ana o kuu aloha i kou mau hiona nani. E,jNaniua 1 ke ala a Kaiole, i ka ulukukui o Koolau, a hoea loa aku i Kilauea i ka laau haale o ka Hilikolo, pulelo loa aku i na kalihi elua, hoea loa aku i ka Ualoku 0 Hanalei i ke one wali o Mahamoku, 1 ka limu ka -kanaka o Maunakepa, na ohia o Kupakoili ame na pua hala ai a ke Kinau; ua pau ka ike ana o kuu aloha i ka uluwehi o ko oukou mau kualono. E Wainiha i Kaumaka, e Haena i ka laehala o Naue e au nei i ke kai, a hooipo loa aku me Lohiauipo i ka Lauae o Makana e, ua pau ka ike hou ana o kuu aloha i kou mau kualono uliuli. E Hoolulu i ka wai Kuauhoe a a Kalalau i na ko a ka Aalahina, a hoea i ka Haka lewa o Nualolo i ke kai e, ua pau ka ike hou ana 0 kuu mea aloha he kane i kou mau pali hauliuli. Ae ua pau, ua hala, ua nalo aku la na maka o kuu mea aloha he kane, kuu kane mai ka makani Naulu -o Niihau ,i hapaiia mai e ka Mikioi o Kawaihoa, aloha na la wela o lea Makalii, ame ke anu oka hooilo. Luuluu wale ke aloha o kuu kane i kuu manawa e loku nei! Ma ka hora 1 a. m. o ka Poaha, Mei 17, 1917, i pauaho mai ai i keia ola ana kuii mea aloha he kane, ma ko fnaua home ponoi ina Kualukaheka, Kekaha, Kauai. Ua hanauia oia mai ka puhaka mai o Kapiioho (w) kona kuahine ame Aipoalani (k) kona makuakane ma Pokii, Kekaha; apana o Waimea, Kauai, i ,ka malama o Dekemaba 2, 1860, a ua piha iaia na makahiki 56 ame na mahina 4 ame na la he 17 o ka hanu ana i na ea oluolu o keia ao, sc moku iho la ke kaula gula maemae o ka berita mare mawaena o maua, a ko iho la ka olelo a ka Haku 1 hoike mai ai ma ka Buke Nui, e hoi

ke kino i ka lepo a o ka uhane e hoi aku me ka mea nana i hana mai. Ua awaiauluia maua ma ka berita maemae o ka mare i ka makahiki 1887, uā piha ia maua na makahiki he 30 o lia noho mare ana. Ua hanau mai na keiki he 9, eha i make aku, elima e ola nei; ua loaa ia mana na moopuna 4 mai ka puhaka mai o ka maua mau keiki. He mau hoahanau no kona e ola nei-, ua pau aku ka nui i ka hala raa ke ala hookahi no a aloha, he kane i hele aku la, a koe elua e ol4 nei. O ka'u ia e hoomaikai ae nei i kd kakou Makua ma na lani kiekie loā, a he malu ma ka honua nei, he aloha no i kanaka. Ke hooki nei au me ka mahalo nui i ka Lunahooponopono, ame na keiki hoonoho hua kepau o ka papapa'i ko'u welina aloha, owau iho no me kuu pokii ,ame na keiki a maua auwe luuluu wale! Mrs. Kaluawai Keliikanak^aole. ME KA OHANA, Kekaha, Kauai, Iune 4, 1917. ' LONDON, lune 9—Mahalo i ka x hoea koke ana mai o na lako ai mai Amerika mai, o na la o ka make i ka pololi o na Pelekane ua kaahope aku la. O keia ka mea i hoikeia ae ma ka la aku la i nehinei e ke Kapena Bathurst, o ke keena haawi ai o ke aupuni iloko o kona wa e haiolelo ana maluna o ke kulana kupilikii o ke aupuni no ka pilikia i ka ai.

LONDON, lune 11—O ka moku halihali ai John Bakke, i piha me ka ukana he palaoa no ka lahui pololi fielgian 8 , ka i manaoioia ua hoopiholoia e ka mokuluu Kelemania.