Ka Nupepa Kuokoa, Volume LV, Number 24, 15 June 1917 — KA AHAHUI PAEAINA [ARTICLE]

KA AHAHUI PAEAINA

Aole he hui ana o na Ahahui Kula Sabati me C. E. ma Honolulu nei i keia makahiki, elike me ia i hooholoia ae ai e na kakauleka o ka Papa Hawaii, me ke apono pu mai hoi o na peresidena o ka Ahahui Kula Sabati me C. E., mamuli o na kumu maikai i manaoia, he hana hoopilikia wale no ka hoakoakoa ana m.ai i na aha a ekolu iloko o keia manawa pii o ka noho ana, mamuli o ke kaua, a ke Kuokoa e manaoio nei, ua lawe ae na kakauleka o ka Papa Hawaii, i kekahi keehina kupono loa, aole wale no ma ka hoopakele ana ae i ko na kuaaina poe niai na hoolilo nui hewahewa mai, aka i ko Honolulu nei poe no kekahi, mai na hoolilo o ka malama ana aku i na hoa o kela mau aha, no na la a lakou e noho ana ma Honolulu nei. He oiaio, ua lilo na hoomakaukau ana a kekahi poe, no ka himeni hookuku i mēa poho wale, a ua poho no hoi na manaolana o kekahi poe, no ka hoea hou'mai o kekahi manawa a lakou e ike aku ai i na papā himeni o na wahi like ole, he mea uuku loa nae ia, ke hookukuia ae, me na hoolilo o ka hele ana mai no Honolulu nei,.ame ( ka malama ana aku i ko na kuaaina poe mai, no ka mea ua papaluaia ae ka pipii o na meakuai i keia wa, mai ko na ma-. nawa e ae e noho ana ka aha pa«aina ma keia kulanakauhale. . . O ka aha makua wale no ke noho ana i keia kau, mamuli o ka hiki ole ke alo ae, mai ka hooko ana aku i kona kfimu kanawai, no na hana i pili i ka Papa Hiawaii, a oiai nae, he mau lilo mahuahua no ko ka malama ana aku i na hoa o kela aha, he mau lilo no nae e hiki ai ke auamoia me ka maalahi, oiai he uuku kona mau lala, mamua o ka ae ana aku i na hoa o na ahahui e ae e akoakoa mai, e papaluaia ae ai, a e papakolu ia ae ai paha na hoolilo no ke kau holookoa. _