Ka Nupepa Kuokoa, Volume LV, Number 24, 15 June 1917 — MA KAHI ANA O NA KAUKANI KA NUI O NA PIO A KE OLA'I MA SAN SALVADOR [ARTICLE]

MA KAHI ANA O NA KAUKANI KA NUI O NA PIO A KE OLA'I MA SAN SALVADOR

SAN JUAN DEL SERT, June 9—He kanaono kaukani ka nui o na kanaka i hooneleia i na home a he mau kaukani e manaoia aku nei ua make maloko o kahi kulanakauhale uuku o San Salvador, ke kapitala o ka Repubalika o Salvador, e pili la ma ua kapakai o ka Pakipika. O keia ae la ka nuhou hoopihoihoi loa o ka loaa ana mai i keia kulanakauhale, mahope o ka loaa ana mai o ka lono no ka puka ana ae o ka pele ame ka hoonaueue ana a ke olai me ka ikaika nana i ulupa mai la i ke kulanakauhale. Aohe moolelo piha i loaa mai e pili ana no kela poino nui i loaa mai ianei mai ke kulanakauhale poino mai, mamuli o ka lukuia anna o na uweaolelo a ahu iho i ka honua. Eia nae, ua ikeia i nei manawa no kanakolu mile e hoopuni ana i ke kulanakauhale oia ka nui o na wahi i hoopoinoia. Ma ka lono i hoikeia mai aia na kanaka maloko o na paka a ma na walii hamama o ke kulanakauhate kahi i hoomoana ai, a ma kekahi lono hoi e olelo ana he mau kuaua koikoi loa ka i haule iho, he hoomahuahua loa ana iho i ka poino maluna o ka poe i hooneleia me na home. Oiai aole i ike maopopo loa ia i nei manawa, eia nae ua manaoia ua puka hou ae ka pele mai ka Mauna San Salvador ae, o kahi o ke kulanaknuhale i kukuluia ai aia malalo iho ia o kona mau aoao.