Ka Nupepa Kuokoa, Volume LV, Number 25, 22 June 1917 — Ke Karaima i Hanaia Maluna o na Keiki [ARTICLE]

Ke Karaima i Hanaia Maluna o na Keiki

No na manawa elua. i hookolokoloia ai o Keawe Keaw,ekane, no ka hewa pepehikanaka, i manaoia ai, oia ka mea nana i hookau aku i ka make maluna 0 na keiki liilii elua a Kano»a, mauka ae nei o ke Awawa o Makiki, ma ka mahina, o lanuan aku nei 1 hala, no ka elua no o na manawa, a ke kiure i hookuu aku ai iaia, me ka pili ole o ka hewa pepehikanaka ,maluna ona; ,he mea keia e hoike mai ana ia kakou, i ka lawa ole maoli o ke aupuni, me na ike, e paa ai ka hihia; a he hoike maopopo loa hoi, no ka lawe ole ana ae o ka oihana makai i na makaala apau, no ka hooiaio ana i ka pili o ka hewa i ka mea i hoopiiia.

O ka hanaia ana o ke karaima pepehikanaka e Keawe Keawekane, ame ka ole, he ninau okoa ia, ma o na ike maopopo la. ame na oleloike a na hoike, malaila wale no ka ke kanaiwai e nana ai; a i ka hiki ole ana i ke aupuni ke hooiaio i ka hewa o ka mea i hoopiiia, ke kumu hoi o kona hookuuia ana, ua ili iho maluna o kakou, na manao minamina maoli, no ka hiki ole ana i ko kakou oihana niakai ke huli me ka ikaika, i na hooiaio apau, no ka paa o ka mea pepehikanaka.