Ka Nupepa Kuokoa, Volume LV, Number 25, 22 June 1917 — Nuhou Kuloko [ARTICLE]

Nuhou Kuloko

Ma ka la mua o ka makina ae nei o lulai e hoomaka ai ka uku ana i na aiihau wai me sua o ke Kulanakauhale a Kalana o Honolulu nei. Eia o Kohēla" Samuel Parker ke waiho mai nei.;po iloko o ke kulana maikai ole o kopa ola kino, elike no me ia iioko o na makahiki ekolu ae nei i hala. I kulike ai me kekahi mau lono ma na la aku la i hala e hoomahuahuaia ae ana ka ukuhana o ka poe e noho hana nei iloko o ka oihana leka, ma keia mua aku. ī kulike ai me kekahi mau lono i hauwawa ae i kela mau la aku nei, he ahaaina luau ka ka aoao Demokarata e malama ae ana maloko o ka halekoa, ma keia Poaono iho, ke ole e loaa na kuia. Eia maloko o ka halekuai o Aberahama Fernandez, i ikeia ma ka inoa Hako'ilaui, e ku nei ma ke alanui Moi, ka awa ona kaulaau o Puna; malaila e hoolawaia ai ka makemake o ka poe apau e kipa ae ana e ike no lakou iho. Oiai e hana hou ia anna na hale ma ke Alanui Hokele, ua nee mai nei ka halekuai Hub, mai kona wahi mua i ku ai, a i ke Alanui Moi, e kupono ana ma ka aoao mauka mai o ka Union Grill. Ma ke Alanui Vinia ma ka Poalua nei i hoohuiia ae ai o Hamuel Nakea ame 01ivia K. Kaululaau ma ka berita oka maīe. Na ka Rev. D. P. Mahihila laua i hoolilo ae i hookahi. He maikai ka mare no na mea apaul Ma ka Poalua ae nei, ka la 26 o keia mahina,. e noho mai ai ka aha paeaina maloko o ka luakini o Kawaiahao, me ka akoakoa ae o na kahu ame na elele o na. ekalesia ma ia manawa no na hana o ka aha makua i keia makahiki. j Ma na lono hope i loaa mai uei i keia kulanakauhale, aole e lawe koke ana ke aupuni o Amenka i na mokuahi Maui ame Matsonia, elike me na mea i manao mua ia ai, he nuhou hauoli keia i na kanaka kalepa o Hawaii noi. Mamuli o ka pau pono ole ana mai o na keiki paani polo q ka hui o Kauai, no ka hookuku i pianaoia ma ka Poaono aku nei i hala, ua ulele' hou ae ka hui polo o Maui, me ko Oahu nei, a aha'i hou o Maui, i ke eo no ka elua o ka manawa. E alawa ae e na poola, i ka hoolaha e puka aku nei ma kekahi wahi o keia pepa, no ka waiho inoa, no na lunanui o ka Ahahui Kokua ame Manawalea o na Poola, e malamaia ana ma ko lakou hale halawai mau, raa kē ahiahi o ka Poakahi, lulai 2 e hiki mai ana. E noho ae ania ! ka halawai a na Lahainaluna ma ka home o W. C. Aehi, ma Kapalama ae nei ma ka hapalua o ke ahiahi o keia Poakahi ae, lune 28; a pela mau aku, ma na Poakahi hope o na mahina apau. Ua iini nui ia na Lahainalua apau e hiki ae ma ia halwai.