Ka Nupepa Kuokoa, Volume LV, Number 25, 22 June 1917 — O IUNE PU KEKAHI MAHINA LEHULEHU O NA OKIMARE [ARTICLE]

O IUNE PU KEKAHI MAHINA LEHULEHU O NA OKIMARE

No ka mahina o lune ahiki mai i ka la ekalii ahiki i ka Poakalii iho nei lie iwakalua-kumamalua ka nui o na hoopii okimare i komo ae iloko o ka aha kaapuni maanei o ka piha ana ia o ka 163 mau hoopii okimare i komo ae iloko o ka aha kaapuni mai ka la mua mai o keia makahiki. O keia malalo nei ka poe na lakou na hoopii i hookomo ae: Mrs. Annie Gorman vs. ia Pery Gorman no ka malama ole i ke ola; ua mareia laua ma Honolulu nei ma ka» la 26 o lulai, 1911, e ka Rev. Stephen J. Alencastre a he ekolu a laua mau keiki; Mrs. s Margarita Suarex vs Casimiro Suarex, no ka kewo, haalele loa, mp.reia ma Honolulu nei i Augate 22, 1914 e ka Rev. Doremus Scudder, aohe keiki; aia ka mea i hoopiiia i ka aina mamao; Mrs. Margaret Enoka vs. William Enoka, no ka hewa pepehi mau, ame Mrs. Isune Kobayashi vs. Sesuke Kobayashi no ka malama ole i ke ola.

Elua mau hihia okimare i aeia mai e ka Luiiakanawai Heen, a e mana ana ko laua hooko-oia māhope o ka hala ana o na la he kanakolu, oia ko Abel Kia hookaawaleia mai ia Mrs. Elizabeth Kia mai, no ka ona mau, a o Mra. Lucy Brown mai ia Eddie Brown mai no ka malama ole i ke ola me ka haalele loa ana. O na palapala hoopii ma ka hihia okimare a Mrs. Maria Maby Marcallino e ku-e ana ia Antonio C. Mareallino i hookomoia mai ai i ka alia maanei ma ka la 9 o īune a i hookoia aku ai maluna o ka mea i hoopiiia ma Waimea, Kauai ma ka la i3 o lune, ma ka Poakalii iho nei ka ka hoihoiia ana ae imua o ka aha. He malama ole ike ola ka hoopii. Ua mare ia na Marcallino ma Hilo i ka 1906, e ka Rev. W. H. Hill, aohe a laua keiki. Ua noi ae ka mea hoopii e aeia aku oia e hoihoi houia mai kona inoa mua Maiia Maby.