Ka Nupepa Kuokoa, Volume LV, Number 26, 29 June 1917 — E Hoopauia Ana Anei ke Alakai o ka Bana? [ARTICLE]

E Hoopauia Ana Anei ke Alakai o ka Bana?

Mamuli o kekahi mau wa olelo o keia mau la e nee nei, i hoala mai la ke Kuokoa nei, 1" ka ninau maluna ae: "E hoopauia ana anei ke alakai oka bana?" He ninau hiki pono ole paha keia ke paneia ae i keia manawa, ma o kela mau wa olelo la, oiai aole i lawe ae ka meia i kona kulana. a pela hoi ine ka papa lunakiai, ka poe i kuleana maoli i keia ninau; aka e ike aku ana 110 nae kakou i na'mea oiaio, ma keia mua iho, i ka manawa e waiho mai ai ka meia i kana mau hookohu oihana apau. Ma ka moolelo o ko kakou bana puhiohe. aole he manawa e ae i kaa ai ke alakai ana i keia bana, malalo o kekahi keiki Hawaii, elike la me keia wa, i ka manawa i pii ae ai o Mr. Peter Kalani, a lawe ae i ke kulana alakai i paaia e Kapena Berger no kekahi mau makahiki loihi; koe wale no kekahi mau manawa, e noho ana o Mr. Kaululehua Naone he hope alakai 110 ka bana; nolaila, he hanohano nui keia i loaa ia kakou, ma o ka lilo ana na kekahi keiki Hawaii e alakai i ko kakou hana puhiohe. Ma na mea i hoikeia mai i keia pepa, iwaena o na kanaka Hawaii apau i lawa ka ike huamele. ua helu ia o Mr. Peter Kalani, ma ka papa kiekie o na loea ike himeni, iwaena o kekahi mau lahui kaulana o ke ao nei; a o ka oi loa aku, ma ka haku ana i na mele hou loa, ke kalena hoi i hiki ole i ka nui ame ka lehulehu o ko kakou maii keiki Hawaii; ina pela io iho la ke kulana oke alakai o ko kakou bana e alakai nei i keia manawa ; he liana ku anei i ka naauao, a i ka makee ia kakou Hawaii, ke kapae ana ae iaia, a hoonoho ae paha, i kekahi mea hapa ike. a hapa i ka makaukau, mamuli Wale mai 110 o ka ninau kalaiaina? He mea pono, e hookaokoaia ae ka ninau alakai i ko kakou bana, mai na hana kalaiaina ae, koe wale 110 paha, ina he mau heinahema ka i ikeia no Peter Kalani, he hoohemahema paha i kana oihana, a i ole, he malama ole i ka hanohano ame ka ihiihi o kona kulana; ina lie mau mea kekahi o ia ano K alaila e kukuluia ae ia mau kumu hoohalahala e ku-e ana iaia imua o ke akea, a e loaa he manawa nona e kupale ai iaia iho. Ma ka manao o ke Kuokoa nei, he hana na ka meia ma kona ano Hawaii, a pela hoi me na hoa o ka papa lunakiai, ma ke ano, aia ke koko Hawaii ke holo la iloko o kekahi poe o lakou, a aia hoi ka makee no na Hawaii iloko o na'hoa ili keokeo o ka papa, ka hoomau ana aku i keia Hawaii, i alakai no ko kakou bana puhiohe, e hapai aku iaia iluna, ma ke kulana ana e paa nei i keia manawa, a e ikeia mai hoi, aia no ka he polopeka iloko o ka lahui Hawaii ma, keia mahele ano nui, iloko o na ike like ole o ko ka honua nei poe. Malia paha, he hana maalahi wale no. i ka mahao ana o kekahi poe, ka lawe ana ae i ke kulana alakai 110 ka bana, ina 110 ka hookohuia aku ma ia kulana, o keia nae ka mea a na haole i olelo ai, he liana maalahi wale no ka olelo ana, aka he paakiki nae ka hooko ana aku; 110 ka mea, āia wale no a ike kekahi i ka haku ana i na mele, e hoonohonoho ana i na huamele o kela ame.keia ohe, e hiki pono auanei iaia ke lohe i ka maikai ame ka maikai ole o ka paaniia ana o na mele, a e hiki pu ai iaia, ke imi aku i na loina, e kaulike ai ke kani ana o na leo apau. E hoomau aku ia Mr. Peter Kalani i alakai no ko kakou bana puhiohe, a ke Kuokoa e manaoio nei, o ka manao hookahi iho la no ia o ka lehulehu, e kau aku nei, ma ka manawa a l ka papa lunakiai hou ame ka Meia Fern e lawe ae ai i ko lakou mau kulana, e lokahi like ana lakou, ma ka hookau hou ana mai i ka hanohano ana e paa nei i keia wa, no na makahiki elua e nee aku nei.