Ka Nupepa Kuokoa, Volume LV, Number 26, 29 June 1917 — Ka Ninau Kiaaina no Hawaii Nei [ARTICLE]

Ka Ninau Kiaaina no Hawaii Nei

Ma ka paina luau a na Demokarata o Honolulu nei. o ka haawi ana ae, ma ka Poaono aku la i hala, i apono lokahiia ae ai kekahi olelo hooholo, e kākoo ana ia Polopeka Bryan, ame L. L. McCandless (Likana Eliwai) i mau moho no ke kulana kiaaina o Hawaii nei, ma kahi o Kiaaina Pinkham, e waiho aku ana hoi, na na mana ma Wakinekona, e wae i kekahi o laua, 110 keia kulana ano nui ma Hawaii nei. He keehina maikai no keia i laweia ae e'na Demokarata, ma ke apono lokahi ana e kakoo i na inoa o kela mau alakai koikoi iloko o ka aoao kalaiaina'Demoarata kuloko, o ka pilikia wale no, ke ole ke Kuokoa e kuhihewa, o ia ka hoohuikau pu ia ana aku o ka inoa o L. L. McCandless me ko Poropeka Bryan, 110 ka mea i ka hookohu ole ia. ana mai o McCandless i kiaaina no Hawaii nei, iloko o na kakoo he nui, nona i waihoia aku ma Wakinekona o ka wa ae nei i hala, e lilo auanei paha ia, i kumu alalai, i ka malaelae o ke alahele no Poropeka Brvan e lilo io mai ai i kiaaina no kakou.