Ka Nupepa Kuokoa, Volume LV, Number 26, 29 June 1917 — MAKE O JOHN LIKIKINI MA LEAHI HOME. [ARTICLE]

MAKE O JOHN LIKIKINI MA LEAHI HOME.

Mahope iho o ka waiho ana i ka ma 'i 1010 no na makahiki loihi ae nei i hala, ua pauaho niai la o ,Tohn Likikini. mawaho ae nei o ka Home Leahi, ma ke kakahiaka o ka Poakahi aku la i hala, kekahi o na Hawaii i ike nui ia iloko 0 na hana kalai aupuni ma Hawaii nei, 1 ke au o ke aupuni Moi. Mahop'e koke'iho o ka halawai ana o Mr. Likikini me kona hopena, ua hoike ia aku la ka lohe i kana wahine ame na kaikamahine ma ke kelekalapa uweaole ma Maui, no ka hoea mai, e ike hope iho i kona kino wailua, mamua o ka nalo ana ak-u no ka manawa mau loa. Ua hanauia o Keoni Likikini, ma Waikapu, Maui, i ka la 15 o Dekemaba, 1853, nolaila, ua piha iaia na makahiki lie kanaono-kumamakolu me na mahina eono, me na la keu he umi, ma ka ma'nawa o kona pauaho ana mai i keia ola ana. He keiki o John Likikini na ka Lunakanawai Kaapuni John Likikini; a i ka manawa uuku no o John Likikiui, i liala aku ai kona makuakane ma kela ao, a kaa iho la ka hanai ame ka malama ana ia Mr. Likikini malalo o kona makuahine hanauna, Mrs. Thomas W. Everett. Ua noho makai nui o Mr. Thomas W. Everett no Maui no kekahi mau makahiki, a i ka nui ana ae o Mr. Likikini, ua liookohuia mai la oia i hope makai nui, malalo aku o kona makuakane lianauna Mr. Everett. Ua a'o o Mr. Likikini i ka oihana loio a iaia i lilo ai .he hoa no ka papa loio Hawaii, ua hoomaka koke no kona lawelawe ana i ka oiliana loio ma Maiii, me kona komo pu ana no hoi iloko o na oihana imi waiwai iloko o kela mau la e holo ana ke koko iloko o ke kannka opio. Oiai e lawelawe oihana ana nona iho, ua lilo oia i ona no kekahi aina hanai holoholona ma Maui, a i ona hoi no ka halelio ka Bismark Stables, ma Wailuku. Oia no ka mea nana i kukulu ika Hui Hawaiian Fruit &Taro Company o Maui, me kona kohoia ana i peresidena, a i luna hoohana no ka hui. Iloko o ka makahiki 1884, ua kohoia o Mr. Likikini, i hoa noloko o ka hale o na lunamakaainana. mai Maui mai, a iloko mai o ka 1887 ame 1888, ua kohoia oia i hoa no ka hale oluna, o ia hoi ka hale o na 'lii, ia au. I ka man'awa i pii ae ai ka Moiwahine Liliuokalani, ma ka noho kalaunu o Hawaii nei, ua hookohuia aku o ifr. Likikini i konela iloko o ka oihana koa, a ma ka manawa i kailiia ae ai ka nohOalii. mai ia Liliuokalani mai o Mr. Likikini kekahi o na komiaina i hui pli aku me J. Kaulia, J. Aul<3, David Kolauokalani, ka makuakane o Kakauolelo David Kalauokalani, a holo nui aku la no Wakinekoua ,no ke koi ana e hoihoi hou ia ae ka Moiwahine Liliuokalani, ma ka noho kalaunu o ke aupuni Hawaii Iwaena o kela mau komiaina, i hooikaika aku no ka pono o ka nohoalii o Hawaii nei, o Likikini ka mea hope loa 0 lakou, i haalele iho la i keia ao inea, ua hala e aku ka nui o lakou, ma kela aoao o ka honua nei. He elua manawa i mare ai o Mr. Likikini i ka wahine, a ua waiho iho oia 1 kana wahine elua mahope nei, me kana mau keiki lehulehu, e kanikau aku me na manao luuluu a kaumaha, no kona liala ana aku la ma kela ao.