Ka Nupepa Kuokoa, Volume LV, Number 27, 6 July 1917 — Nuhou Kuloko [ARTICLE]

Nuhou Kuloko

ila na lono i loaa mai i keia kulanakauhale, aia ka Madame Pele, ke haūa mai la i kana hana iloko o*keia mau la ma Kilauea. No ka mahina o lune aku la i hala, ua papalna iho ka nui o na hanau imua 0 na make, no ke Kulanakauhale a Kalnna o Honolulu nei. Ma ka kapalua o ka hora ehiku o keia a'hiahi, e noho hou ae ai ka halawai a ka papa o na lunakiai o ke Kulanakauhale a Kalana o Honolulu nei. Hoomanao ko ke kulanakauhale nei poe i ka Pokiulai, ma ka Poakolu iho nei, me ka nui o na hana lealea i malamaia mawaho ae nei o Waikiki, a ma na kahua kinipopo. iīamuli o ka hiki ole ana mai o ka Meia Fern, ma ka halawai a ka papu lunakiai ma ka po o ka Poalua aku nei, ua lawe ae ka Lunakiai Arnold i ka noho hoomalu ana o kela halawai. E hooinānawanui mai no e ko ke Kuokoa poe heluhelu aole no he nui o ni kanawai i koe e puka aku ai, o ka pau no ia o na kanawai o ka ahaolelo o ka 1917 i ka hoolahaia aku, alaila hoi ae kd nupepa, a kona kulana mau. Ua oili ae kekahi lono ma kela mau la aku nei i hala, no ko John I>ane lilo aku i hoa no ke komite hoeueu, he kulana hoi i manaoia, ua kupono loa iaia, no ka hoohoihoi ana aku i na malihini, makaikai honua, e kipa mai i Hawaii nei e makakai ai, Mahope iho o ka noho ana iloko o ka oihana makai no na makahiki he umikumamalima a oi, ua hookiekieia ae o Kakiana M. L. Needham ma ke kulanakapena ku-uwaki no na makai kuhuina, ma kahi o Kapena Kamahu i waiho mai 1 ka noho ana iloko o ka oihana makai.

Ma ka Poakahi aku la, ka la elua o keia mahina, i ukuia ae ai iloko o ka waihona puuku o ke Kulanakauhale a Kalana o Honolulu nei, no na auhau laikini, ka liuina o umi kaukani me na haneri dala, ka huina kiekie loa, i ikeia 110 ka la hookahi i ukuia no na lakini. Ma na mea e hoomaopopoia aku nei, ma ka la liope o keia mahina, e noho ae ai ka papa hoopaainoa, ma na wahi koho like ole apuni keia Teritore, no ka hoopaa ana i na inoa, o na kane apau 0 na lahui,like ole, Hiawaena o ka iwa-kalua-kumamakahi ame ke kanakolu-ku-mamakahi makahiki. • Oiai e hoao aku ana e kau maluna o ke kaa uwila, i ka manawa no e holo ana i halawai ae ai he keiki Pake, ka ulia poino, mamuli o ka hapa o kana hehi ana aku i ka papa mawaho o ke kaa uwila. Ma ka halema'i o na ulia poino, i haawiia ae ai na lapaau makaala ia ana nona. Ahiki mai i keia la, aole he »ea i noonoo hou ia no na hookohu oihana a ka Meia Fern i hana ai, e ka papa o na lunakiai, aka ke waiho mai' nei ia ma ka papa, me ka paa no o ka poe apau i hookohuia e ka papa Bepubalika ame ka Meia Reubalika, i kō lakou mau kulana pakahi. He koa mahuka ka i kiia aku i ka pu a make, ma Leilehua, ma kela mau la aku nei, mamuli o kona ae ole e ku mai, 1 ka wa i kauohaia aku ai oia e ku iho, he ekolu mau poka i ku pono aku ma kona kino, a ua manaoia, he koa kela i lilo i kiu, ma ka aoao o ka enemi o ke aupuni o Amerika.

Iloko o ke kulana nawaliwali maoli, i lawe ae ai ka Meia Fern i kona kulana oihana, ma ka Poakahi nei, ma ke poo o ka hookele aupuni kulanakauhale, me ka hoomanawanui maoli; arhe kulana ma'i kona iloko o keia mau la, e hnla ai he manawa loihi, mamua o ka loaa ana o ka ikaika, kupono iaia, no na hana o kona keena. Ma na hana a ka papa lunakiai o ke Kulanakauhale a Kalana o Honolulu noi i hoonee ae ai, ma ka halawai kumau o ka papa, ma ka po o ka Poalua aku la i hala, i hoike mai ai na hoa Repubalika o ka papa, i ko lakou noho mana ana, ma na hoonee ana apau, i pili i na hana o ka lehulehu, me ka hiki ole i na hoaDemokarata ke hoonahoa mai. Ma keia Sabati ae, lulai 8 e malama ae ana ka Ekaleaia o Kaumakapili i ka Ahaaina a ka Haku, a e bapetizoia iana na keiki liilii, me ka hookomo hou ia mai o kekahi poe i mau hoahanau no ka ekalesia. Ua makemakeia na hoahanau apau o ka Ekaleaia o Kaumakapili, e hoea ae no ke komo pu ana ma n.i hana e malamaia ana ma kela la. Ma ka wanaao o ka Poalua nei, i ku ae ai he keiki Kepani o kolu makahiki, a pela me kona makuakane, i ka poka, i ki ia aku ia laua e ka mea malama i ka halekula o Kaiulani ,oiai laua e ohi manako ana me ka ipukukui. O ke Kepani keiki ka ka mea i kukonukonu loa ka poino i loaa aku iaia. Ua paa ae ka mea malama halekula i ka hopuia.