Ka Nupepa Kuokoa, Volume LV, Number 43, 26 October 1917 — KAU KA PILIKIA MALUNA HO KA MEA KUAI WAIONA. [ARTICLE]

KAU KA PILIKIA MALUNA HO KA MEA KUAI WAIONA.

He Pake o Ah Kou ka inoa ka i hopuia no ke kuai waiona me ka laikini ole maniuii o kekahi palapala hopu i hoopukaia mai ka aha mai e na luna aupuni federala ma ka Poakahi nei, a hW»pirxa ae ma o ka palapia hoopii hoalu'wa la a ke kiure kiekie no ko l<uai ana i ka waiona i na koa Amerika, a hoopaa ia ae iloko o ka halepaahno ma ia po iho. Ma kekahi manawa i hala koke aku nei ua hoopa'iia oia e ka aha hookolokolo hoomalu no ia hihia he $250 me na koina o ka aha, a ua hohalahala ae oia i ka olelo a ka aha hoomalu imua o ka aha kaapuni ma o kona loio la Joseph Lightfoot, iloko o ka aha kaapuni, ua hoopa'i hou ia mai oia be $100 hou iho. No keia hoopa'i hou ia ana ona e ka aha kaapuni ua hoohalahala hou oia i ka olelo hoohoJo a hoopii loa aku la i ka aha kiekie.