Ka Nupepa Kuokoa, Volume LV, Number 50, 14 December 1917 — MAKE HE HAOLE MAMULI O KEKAHI ULIA MA'UWALE. [ARTICLE]

MAKE HE HAOLE MAMULI O KEKAHI ULIA MA'UWALE.

O Quarterback Irwin o ka hui o na koa o ka papu Kamehamoha a o kekahi hoi o ka poe he umi-kumamakahi e paani popo peku wawae ana, a i eha ai i ka wa e paani ana ma ka Poaono aku nei ma Kamoiliili mawaena o keia hui ame ko ka Y. M. C. A., ua make oia ma ia po iho ma ka halema 'i o na koa ma Kahauiki. Ma ka hapaha hopa o ka paani ana i halawai ai o Irwin me keia ulia. Ua ikaika loa kona kaia ana iluna o ka lepo a i hapai maoliia ae oia a laweia mai ke kahua paani aku, ua koikoi ka eha i loaa iaia, pela ka mea i ikeia ma ia manawa, aole nae hoi i manaoia he aha ia nona e make aku ai He koa oia no ka puali pukaa eiwa o ka Papu De Russy ma Waikiki, eia nae ua hoololiia aku oia no ka manawa no ka Papu Kamehanieha no ka paani ana aku me ka hui kinipopo peuk wawae Oahu. He 20 no ona makahiki a oia no hoi kekahi o na keiki i manaoia he akamai loa i ka paani ana ma ka aoao o na koa. Aole keia o ka makamua loa o ka mea i make mamuli o keia ano paani. He haumana Kepani no ke Ku la Nui o Hawaii, o Kawamoto ka inoa, kekahi i make he mau pule kakaikahi wale aku nei no i hala, mamuli o ka hooku'i ana me ka ikaika me kekahi o na keiki o ke Kula Kamehameha. O Irwin ka lua o na mea i make i keia kikina mamuli o na palapu i loaa i nei ano paani. He nui okoa aku kekahi poe i eha mamuli no o nei ano paani, haki ka wawae o kekahi, haki ka iwihoehoe o kekahi; aole maanei wale no leeia poino I ikeia, aka, ma na aina e pu kekahi poe I make i nei ano paani no. Nui na ulia poino i ikeia i nei kikina mamua o na makaliiki e ae i hala. .