Ka Nupepa Kuokoa, Volume LVI, Number 1, 4 January 1918 — E HUI PU MA KE KOKUA ANA I KE KE'A ULAULA [ARTICLE]

E HUI PU MA KE KOKUA ANA I KE KE'A ULAULA

Iloko o keia kikina o ka makahiki, o keia kekahi o na kikina i halii iho ai na poino ame na popilikia ma na aupuni i nohoaliiia e ka hau, he mau kaukani o na kaukani, o ka poe ilihune i nele me na mea e hoopakeleia ae ai lakou mai ke anu mai; e komo pu ana iloko o ia poe he mau kaukani o ko kakou mau koa, ame na makaainana o na aupuni i komo aku iloko o keia kaua; a oiai, ke hoalaia nei ke Ke'a Ulaula ma na wahi apau, a hoea wale mai ia kakou nei i keia manawa, ua konoia mai kakou e lilo i poe kokua ma keia hana no ka pono o ha'i. Malia paha eia no iwaena o kakou kekahi poe popilikia, a kekahi poe e oleīo mai ai, ma o ko kakou.poe la ka mua e nanaia aku ai; o ko kakou mau pilikia o ia ano, he mau pilikia ia i hiki 110 ke palei.i aku, ina i loaa i ka lehulehu ka ike no ke kumu o ia māu pilikia; a keia pepa e manao nei, he mau pilikia ko kekahi poe, mamuli mai o ka malama ole ia ana o na hookupono ana, a i ole ia, mamuli mai o ka makemake ole e kokua ia lakou iho, ma o ka hooikaika ana e hoopakele ae ia lakou mailoko mai o ka pilikia; ma ia ano, ua kaokpa loa na pilikia e koiia, mai nei kakou e kokua aku, mai na pilikia ae iwaena o kakou iho. . Ke lu wale nei he heluna nui o ko kakou poe i kekahi mau huina dala mahuahua ma na mea ano ole loa, me ka ike ole ia o kekahi waiwai a pomaikai paha ma ia mau hana hoomaunauna wate, oiai nae ina i haawiia aku ia mau kokua ana no ke Ke'a Uiauki, he mea e ka lilo o ia mau mea liiHi i waiwai makamae, e hoohauoliia aku ai ka manao o ka po.e iloko o ka pilikia i'o. Me he mea la, ma ka oluolu. ke kokua, ka lokomaikai ame ka piha nookipa, aole he lahui kanaka pookela ma keia mahele, e loaa tnai kakou na Hawaii. Pehea ka malihini o kekahi mea, me ka nana ole i kona īahui, i ka manawa e hoea mai ai ma ko kakou mau ipuka hale, a nonoi mai i na kokua ana, ua hamama ko kakou mau home no lakou; ua haawi aku hoi i na mea apau e hoopauia ae ai ko J?»kou mau pilikia; i keia manawa, eia iinua o ka-

kou e uiia mai nei e loaa dk\\ he mau kokua. ana; e ku aku anei kakou a nanamaka, me ka haawi o!e aku he mau kokua no ka poe popilikia o na makaainana o na aupuni i kaa aku he luahi n% ke kaua, a i ko kakou mau koa hoi, e molia mai la i ko lakou mau ola no kakou aine ke aupuni? Eia na lahui e noho pu nei me kakou, ke hooikaika nei ma keia hana he Ke'a Ulaula, aole anei hoi o kakou kekahi na liawaii, e hui pu aku, a lawelawe like i keia hana, ma ka hookahua ana o ko kakou mau ahahui o na kane ame na wahine Hawaii i waihona o keia ano; ko kakou ma,u ekalesia paha, o keia kekahi o na hana i pili loa aku i ko kakou kulana hoomana Akua ana, e hoike i ko kakou mau ano oiaio apau ma ka hana, aole hoi m;i ke kamailio wale no.