Ka Nupepa Kuokoa, Volume LVI, Number 2, 11 January 1918 — EIA ANEI NA KIU O KA ENEMI ME KAKOU? [ARTICLE]

EIA ANEI NA KIU O KA ENEMI ME KAKOU?

1 kulike ai me na mea oiaio i loaa ae i ka Ilamuku Amei'ika ma na la aku la i hala, ma o kekahi palapala. la, i hoounaia aku iaia e kekahi mea i huna i kona inoa, eia ka na enemi o ke aupuni o Amerika me kakou, a ke ohumuhumu mai nei ma ko lakou mau punana, me ka malu loa; ina pela i'o, he mea pono e hua'iia ae'ka lakou mau meahuna i ke akea, a e hookauia aku hoi na hoopa'i kupono maluna o lakou. Ue mea oiaio o na Kelemania e noho nei me kakou, aole e poina aiia na_ hoomanao ana ia lakou no ko lakou aina, a ina ua hoike okoa ae lakou ma ka olelo, a ma ka hana paha, i ko lakou ku-e i ke aupuni o Amerika, ua ili jho ke ko'iko'i maluna o kakou, ka hoike ana ae i ka lakou mau hana; a e hookaawaleia aku lakou, ma kahi e kau ole mai ai na hoopilikia ame na hoopoino ana maluna o kakou. He mau makaainana Amerika kakou apaū i keia la, a i ko kakou ike ana i kekahi mau hana ohumuhumu, ma ka olelo, a ma ka hana.paha, ma ka aoao o na enemi o Amcrika, he hana na kakou, tna ke ano he mau makaainana, ka hoike ana ae ia poe imua o na luna oihana federala, a imua paha o na aliikoa e nolio pu nei me kakou maanei, aole hoi 0 ka noho mumule wale no, o lilo auanei kakou i poe kokua aku i ka lakou mau hana. Eia o Amerika iloko o ke kaua no ka lanakila, e molia ana hoi i kona mau makaainana, ame koiia waiwai no ke kinai ana aku i kekahi o na hana ku 1 ke ano pegana ma ka aoao o Kelemania, o kakou kekahi i kono pu ia mai ai e kokua aku, ma na ano apau e hiki ana ia kakou, no ka hookoia o keia hopena; a ina eia i'o he poe kumakaia iwaena o kakou, ua hoea mai i ka manawa e uhuki ai i ke kkkalaioa, mamua o ka nui loa ana ; a e kinai hōi i ke ahi oi uuku, mamua o ka lalapa okoa ana ae, e lilo ai i hana nui ke kinai ana.