Ka Nupepa Kuokoa, Volume LVI, Number 2, 11 January 1918 — LOKAHI KA AHAHUI KALEPA E HOOKAPU I KA WAIONA [ARTICLE]

LOKAHI KA AHAHUI KALEPA E HOOKAPU I KA WAIONA

Ma ka Poakahi aku la i hala> | hoike ae ai na i kanaka lawelawe oihana oloko o kēia kulanakau- i ha!e, ma o ka Ahahui Kalepa la, i ka lokahi o ko lakou manao, e hookapu loa ia ke kuaiia ana o ka waiona ma Honolulu nei iloko o keia manawa o ke kaua, a ke Kuokoa e manao nei, o keia kekahi o na alahele kaulike i laweia ae e kela ahahui, o ka hana wale no i 'koe, o ia ko ka Peresidena W ilson h<M..k<j mai i keia manao hookapu ame ka ole, he kuleana kaokoa ia i kau aku maluna ona ame ka aha >lelo lahui. Maloko o ka olelo hogholo i waihoia ae imua o ka halawai a ka ahahui kalepa o keia kulanakauhale. a i aponoia hoi me ka lokahi, e noi aku ana ia i ka Peresidena o Amerika Huipuia, e hoohana aku oia i ka mana i haawiia aku iaia e ka ahaolelo laliui, ma ke kukala akea ana ae, ua hookapuia ka waiona ma Oahu nei iloko o keia wa o ke kaua. la kakou i nana aku ai i ke kaulike o ka hooka]>uia ana o ka waiona i na kanaka o ka oihana kaua aina ame kaua moana, a hoonoa ia hoi i na makaainana i komo ole aku i ke kaua, aia he ano kapakahi, he kaulike ole, a elike me ka loihi o ka hamama mua ana o ka waiona i na makaainana, pela no auanei ka loihi o ka loaa ana aku o ka waiona i na koa. me ka nana ole ia ae o na rula ame na kanauai kakau-hā i kauia mai maluna o na kanaka o ke aupuni federala, elike no hoi me ia a kakou e ike nei iloko o keia mau la, a i kau aku ai kekahi mau hoopa'i ko'iko'i maluna o na makaainana, na lakou i haawi aku i ka waiona i na koa. L'a like no ka lilo o ka waiona i mea ino i na koa. a i mea maikai paha ia lakou, elike me ia i loaa aku ai i na makaainana; a o ka hooneleia ana aku o ka loaa ana o ka waiona i na koa, me ka manao, he mea ia e hooiia ae ai ko lakou mau ano kupono, iu» ke aku imua o na enemi, pela no auanei e lilo ai kakou i poe kokua aku ia lakou, no ke pio o ka enemi iloko o keia manawa kupilikii e l>ahola nei. maluna o ka aina. Ua makemake i'o kakou e loaa ke kulana kupono iloko o na koa ma keia kaua, a ina e wehe hamama ia ka ipuka o ka waiona i na makaainana, e lilo ana ia i kumu hoowalewale ikaika i na koa, e hooemiia mai ai ko lakou ano kupono, no ka oihana a lakou i koh'o ai; a ma ka manawa auanei a lakou e ku okoa aku ai imua o na enemi, e lilo ana ka waiona i mea kokua nui aku i ka holopono o ka nee ana mai o ka enemi imua o lakou. (j ka hooneleia ana ona koa ika waiona, mamuli o ka hookapuia ana ia lakou, o kekahi ia o na puupuu ikaika loa i halawai aku me lakou, aka nae ma kekahi ano, ua hooiia ae ko lakou kupono, a o ia haawina hookahi e loaa ana ia lakou, o ka haawina hookahi no ia e pahola iho ana maluna o kakou, o ka oi aku nae o ka poe e hoopomaikaiia, ina nei no ka hookapu holookoa ia mai o ka waiona i na makaainana, o ia no ka poe i lilo i luahi na kela kupuino, e hoea mai ai i ka la a na makaainana e haawi ac ai i na hoomaikai ana, no keia keehina a ko Ho-1 nolulu nei poe, e makemake nei e hanaia mai e ka I Peresidena Wilson. I O keia keehina i laweia ae e ka Ahahui Kalepa o ka poe lawelawe oihaiia o keia kulanakāuliale, aole ia ma ke alahele e hooikaikaia nei e ka ahahui ku-e waiona, no ka mea he manaoio ko kekahi mahele nui o na niakaainana o kakou, o ka ninau hookapu waiona holookoa, he ninau ia i pili aku i ko kakou ahaolelo kuloko, aka o keia hookapuia o ka waiona e manaoia nei, no keia manawa wale no ia o ke kaua, mamuli o ka makee ana aku i ka oihana koa ma Hawaii nei, no ka mea iloko no o keia manawa i hookapuia ai ka waiona i na koa, ke loaa nei no nae ka waiona ia lakou me ka maalahi, oiai he hana paakiki na ka oihana koa, a na ka oihana makai ka hookolo ana aku mahope o ka poe ku-e a hakihaki kanawai, oiai e wehe hamamaia ana ka ipuka i na makaainana e hele e kuai i ka waiona iiu lakou; ao ka poe kakaikahi i paa ae ika hopuia, lie mahele uuku wale no ia, o na makaainana e hoolako nei i ka waiona i na koa, no ko lakou poinaikai iho. Ina e maliu mai ana ka Peresidena Wilson i ka uwalo a ko Honolulu nei poe, me ke kanalua ole ke olelo ae, e hapaiia ae ana o Honolulu nei ma kekahi anuu kiekie ae no ka maikai, a e hoopakeleia ae ana hoi he heluna nui o ko kakou mau makaainana, mailoko mai o na hana uhauha wale, a o na dala a lakou e hoolilo aku ai no ka waiona, c lilo ana ia i mea kokua aku i ko lakou mau ohana, a e hoopau ae hoi i ko lakou mau pilikia. He puupuu ikaika nae keia a ka ahahui kalepa s palukuluku aku ai i ka oihana kuai waiona ma Hawaii nei. he mea ole nae ia ke hookukuia ae me na hopena inaikai e loaa ana i ka hapanui; nolaila c kau aku kakou i na manaolana ana, no ka hooko mai o ka Peresidena Wilson, i kekahi hana kaulike ana i ike ai he pono, a kakou hoi e ahewa ole ai i keia keehina a ka ahahui kalepa i lawe ae ai.