Ka Nupepa Kuokoa, Volume LVI, Number 4, 25 January 1918 — IMUA E KA MEIA FERN NO KA PONO O NA MAKAAINANA [ARTICLE]

IMUA E KA MEIA FERN NO KA PONO O NA MAKAAINANA

Mc lie mea la ? o ka manao o ka Meia Fern o ka hoike ana ae maloko o na nupepa namu oloko nei o keia kulanakauhale, i na la mua o keia pule, e ahe\va ana i ka poe kuai i'a o ka makeke,. no ka hoopipii i ke kumukuai o ka.i'a iloko o keia wa; o ka manao hookahi no ia o. kekahi mahele nui o na ma'kaainana', o ka oi loa aku o na Hawaii, no ka mea aia maluna o ka i'a ko lakou kauka'i ana i kekahi mahele nui o ka lakou mau meaai; e pono i'o ai e lawelaweia ae kekahi mau hana, *e hoopakeleia ai na makaainana mailoko mai o kekahi kulana kupilikii, elike me ia e ikeia nei i keia mau la. 1 ka nana maoli ana no i na mea oiaio loa i pili i ka oihana lawai'a, aole no he mau kumu kupono no ke kakiia ana o ka i'a i keia wa, a papalua, a papakolu iho ke kumukuai, i ko-na mahina ae nei i hala, koe wale no ka hoohalikelike aku o ka poe e kuai nei i ka i'a ma ka makeke, me na kūmukuai o kekahi mau meaai e aē, oiai nae, aiā lfe mau kumu maikai, no ia hoopii ana ae i na'meaai, mamuli mai o na hoolilo nui hewahewa o ka hookomoia ana mai i Houolulu nei. No ka i'a, aole no he mau hoolilo niji ma ka aoao o na kaiiaka lawai'a, koe wale no na makaukau no kela oihana; me-ka loaa ana aku ia lakbu ma ke ano averika, ma kahi o ka umi keneka o ka paona no ka i'a; ika wa nae e lilo mai ai i ka poe oka makeke, e kau iho ana lakou 'ūko, kumukuai ma kahi o ka papalua a papakolu i ke kumukuai i ukuia aku i ka poe lawai'a, a ma kekahi olelo ana ae hoi, 0 ka poe kuai o ka makeke, ka i ohi i na pomaikai nui hewahewa, e hoopilikia maoli mai ana no i ka poe ai i'a, a i na kanaka Hawaii hoi, ame na lahui e ae e ai nui ana i ka i'a. O ke kuelalaia o ka i'a, kekahi mea kupono ole loa, o ke kudala, ka mea nana i hapai ae i ke kumukuai o ka i'a.a kiekie, a pa aku hoi i ka poe hoopukapuka, pakela loa aku ka pipii, me ka liiki ole no ke k'uai aku i ka i'a i kekahi manawa. liia i'o he aaana iloko o ka Meia Fern e hana aku 1 wahi e kaohiia mai ai ke kuaiia o ka i'a me ka pipii, e hookō aku ia mana, a o na makaainana pu mahope ou ;a he mea maikai no hoi, ka hui pu ana ae me Senatoa Chillingworth, kekahi mea kuleana 9oko o na hui lawai'a; e lilo laua i mau alakai ma keia hana imi e hoēmi mai i ke kumukuai o ka i'a; no ka pono o na Hawaii.