Ka Nupepa Kuokoa, Volume LVI, Number 5, 1 February 1918 — Page 7

Ka Nupepa Kuokoa

KE KILOHANA POOKELA NO KA LAHUI HAWAII.

NUPLEA RUOROA, HONOLULU, T. H., POALIMA FEBRUARI 1, 1918

HE MOOLELO NO NA

Hoahanau Ekolu

AI OLELO

Hawaila ke Koa, a o Magarita Ka

Uʻi ka Manu Nunu Ahiu

            "Ma kaʻu mau mea e hoomaopopo aku nei ia oe e kuu kaikamahine, ua hele oloko ou a hakahaka, nolaila e hookomo wahi ai oe, i piha aku ai ka lua o ka inaina, a mahope ke kamailio ana no na mea e pili ana ia oe ame aʻu."

            "Ae, e ka lede maikai loa, ua hele au a pololi, e haawi iʻo mai oe i mau meaai uaʻu," wahi a Magarita i pane aku ai, me ka pilia hoihoi, no kela lohe ana aku i ka manao o ka wahine luahine, e haawi mai i mau meaai nana.

            Eleu aku la ke Kilokilo Monika, a lawe mai la he omoomo palaoa. he iʻo dia maloo i hoomoʻaia, a he kiaha waina, a haawi mai la ia Magarita, a oiai ua hele ua kaikamahine nei a pololi maoli, o ka lalau aku la no ia a hoomaka iho la e ai i na meaai a kona kamaaina lokomaikai i pance mai ai imua ona.

            O o Magarita ai hoi ia ahiki i ka maona ana, akahi no a mohala maikai mai la kona mau maka, a u noho iho la hoonanea ma ke kamailio ana, me ke kaa ana mai nae ma ka aoao o ke Kilokilo Monika, ka oehu mua ana i na hoohele olelo ana mawaena o laua:

            "E Magarita kuu kaikamahine, ke manao nei au, aole oe i hoomaopopo mai nei i kaʻu mau olelo i kamailio aku ai imua ou, i na minuke aku nei i hala?"

            "Ae, aole he mea aʻu i hoomaopopo iki," wahi a Magarita i pane aku ai me ka leo oluolu.

            "Ae, no ka mea iaʻu i kamailio mua aku nei ia oe, o ka nana mai no o kou mau maka, a e li-o wale ana no i o a ia nei, ia wa i loaaʻai iaʻu ka ike, ua paa oe malalo o na umii ana a na anela o ka poli, aka ua hala aku nae ka pilikia a ua olino mai hoi ka malamalama, me ka hoi hou ana mai o kou mau @oonoo maikai apau.

            "O kou pilikia nui wale no i koe aʻu e ike aku nei, o ia ka wiwi o kou kino, eia nae, he mea hiki wale no ke hoihoi hou ia mai kou ano mua, a piha pono mai no hoi kou mau papalina, elike me ka nui akku o kau mau mea eʻai ai, a manua nae o ko kaua noke ana aku i ke kamailio, ke makemake nei au e loaa hou ia oe he hooluolu maikai ana ahiki i kek ahiahi, he nui loa ka manawa no ke kamailio, o ka mea nui ea, o ia no ka loaa ana i kou kno o ka oluolu me ka ikaika pu."

            No kela kauoha a ke Kilokilo Monika, ua haule hou aku la o Magaria hiamoe, aole no hoi o ka hiamoe a ala koke mai, o ka hiamoe no ia ahiki i ka poeleele ana, a iaia i puoho ae ai, e a ana ka ihoiho kukui iloko o ka hale, a hoomanao mai la oia, eia ka ua poeleele.

            la ala ana ae o Magarita a noho iluna, o ka mea mua loa ana i kamailio aku ai ia Monika no na mea no ia e pili ana ia Hawila me ke koi okoa ana aku hoi i ua luahine nei, e hoakaka mai oia i kekahi alahele nona e hui a halawai koke ai me kana aloha, a pela hoi ko laua hoohui koke ia iloko o ka berita o ka mare.

            Ua lilo kela noi a Magarita, i mea no ke Kilokilo Monika e noonoo nui ai, alaila kulou iho la kona poo ilalo, a i ka hala ana o kekahi mau minuke o kona noonoo ana, ia wa i aea mai ai kona poo iluna, a i maj la i ka pane ana mai:

            "E Magarita kuu kaikamahine, ke ike nei au ua ikaika loa kou manao e hoohui koke ia iloko o ka hipuu o ka mare, me ka mea a kou puuwai i aloha ai, aka no ka haawi ana aku nae i kaʻu pane, no ka hoea mai i ka hookoia ana o ia iini ou, e haawi mai oe i manawa noʻu e nana hou ai i na ouli o ka lani i keia po. pela auanei e hiki ai iaʻu ke hoike aku, i ko na Kerubima ame ko na Serabima manao paa e pili ana no olua, alaila kauoha mai la oia ia Magarita e puka laua iwaho, a e hakilo aku i na kahoaka o ka lani, o ko magarita ae aku la no hoi ia, a u haele like aku la a noho ana mawaho o ka hale.

            Oiai laua nei e noho ana mawaho o ka hale, ke namunamu wale la no ke Kilokilo Monika, a e kuhikuhi ana i na lima i o a ia nei, a i kekahi manawa e kuhikuhi mai ana no i kona mau maka, a no na hora elua paha kela noho ana a laua e kakali o ka hoea mai o kekahi kahoaka iluna o ka lani, ia wa i huli mai ai ua o Monika a pane mai la ia Magarita:

            "Eka Lede Magarita, ma ka ike i loaa iaʻu no na kahoaka o ka lani, ke hoike aku nei au ia oe i ka mea oiaio loa, he hoea mai ana no i ka hookoia ana o ka mare mawaena ou ame ka mea au i aloha ai, aole nae ia iloko o ka pupuahulu ame ka wikiwiki, aka iloko noʻo ka manawa a na anela i koho ai, nolaila o ka mea i hoopaa kahiko ia no olua, he hana paakiki i ke akamai ame ka ike o ke kanaka, ke hooloi ae."

            I ko Magarita lohe pono ana i kela mau hoakaka a ka wahine kilokilo, ua kulu iho la kona mau waimaka, a hoopuka @koa ae la i keia mau olelo kaukau:

            "He keu aku maoli ka ke kupaianaha, he keu no la hoi @ i kuu kaawale ana mai nei i kahi kaawale, e hiki ana la iaʻu ke apo koke aku ma ka a-i o kuu mea i aloha ai, ka mea hoi @@na na hoomaewaewa he nui i hookauia aku ma oʻu nei, eia ka aole e hooko ia ana ia manao ana oʻu, a eia ka hoi ka mea chacha, o koʻu hoohewahewa aku iaia, a pela hoi oia e houl@laia ai iloko o keia ululaau kanaka ole.

            "Ina paha e ike mai ana oia iaʻu ame ke ano o kaʻu hana iaia, heaha ana la kana mea e manao iho ai noʻu, e kapa mai a@a paha oia iaʻu i ke aloha ole, a i ka lokoino," alaila kaulono pono mai la ka nana ana a ua o magarita maluna o Monika.

            "Ua ike mua au i kau mea e kamailio mai ai e kuu kaikamahine, aka i hoike aku no nae au ia oe ea, aole loa he manama ka honua nei nana e pale ae i ka mea a na and@a i hoo@olo ai no olua, o ia hoi e komo ana olua iloko o ua la o ko olua hoopaʻiia, ka mea a makou na kilokilo i kapa ai, na la no ko olua hooluolu ia, a ma kekahi olelo ana ae hoi, he mau la ia no ka mihi, i ka olua mau hana hewa imua o kou makuakane.

            "Ke hoomanao nei no oe i ke kanawai paa i kauia no na keiki ame ko lakou mau makua, o ua kanawai la, ua hahaki ia e oe, ua pale ae oe i ka mana o kou makua, a hana aku la mamuli o kou makemake iho, aka nae, mai hookui-he i kou noonoo, no ka mea aia a hala ae na la o ko olua hoaoia, ia wa auanei e olino mai ai ka manaolana no ko olua hauoli; o na anela no ka poe na lakou e hana mai i keia mau mea no olua.

            "O ka pono e kuu kaikamahine, e ae haahaa aku oe i ka makemake o na lani, elike me ia a olua i waiho aku ai i ko olua mau kino, me ka laelae e hana mai ko makuakane, ame na @nemi o olua i ka lakou mau hana o ka lokoino ame ka hoomaewaewa maluna o olua pakahi, a na ia mana hookahi no auanei e hoauhee aku i n ao hoopoluluhi o na popilikia apau mai ia olua aku."

            No kela mau hoakaka a ke Kilokilo Monika, ua hoopau honua wale ae la no o Magarita i kona hooku'iku'i olelo ana mai, o ko lana nei ku ae la no ia iluna, a huli hoi aku la noloko o kahi pupupuhale, a ala hou aku la me ka hoohala ana i kekahi mau hora ma ke kamailio ana, me ko iaua ai ana no hoi i kekahi ma@ meaai mama i hoomakaukauia mai e Monika.

            O ko kaua nei ala ohi ia ahiki i na hora kuli'u o ke aumoe, ia wa i kauoha aku ai o Monika ia Magarita e hoi noluna o ka punee e hiamoe ai, a no kahi nae o ua kilokilo nei e hooluolu iho ai, aole o Magarita i maopopo, he hookahi no ana mea nana o ka loaa o kona wahi moe, aia ka pono o ke ke ao ae ma kekahi la mai.

            O ko Magarita hiamoe hoi ia ahiki i ka puoho ana ae make kakahiaka o kekahi la mai, a iaia i lele mai ai mailuna mai o kona punee, e waiho aku ana he pawa holoi maka, he kawele ame kekahi mau lole komo; o ko ia nei holoholoi iho la no ia i kona mau maka a pau, komo iho la i na lole e waiho ana, a o ka mea nana i hookahaha loa aku i kona manao, o ia no ke kupono o kela mau lole iaia, o ia no oe o kekahi lole ana i hele maoli ai e ana imua o ke tela lole, ke au la kana nana ana ma o maanei, aole on a wahi mea a ike aku ia Monika, a komo iho la ka manao hoohuoi iloko on a, no ke kumu o ka nalowale ana o kona kamaaina.

            @ ka paa ana o na lole hou o Magarita me kona piha haaheo maoli no kela mau lole; ia wa i puka okoa aku ai oia iwaho, a nana aku la i ke ano o ka aina, aia hoi ma kahi mamao mai iaia aku, i halawai aku ai ka ike a kona mau maka me monika, e huli hoi mai ana ua luahine nei, e hii ana hoi mamua o kona alo. i kekahi ie nui. a e lawelawe ana hoi he mau hue ili mamua a mahope o kona kua; o ka mea nae nana i hookahaha loa mai i ko ua o Magarita noonoo, ma kahi o ka luahine o Monika, o kana e ike aku la, me he hole ana kana a kekahi kino kane, aohe wahi mea a ka'uka'ulua iho, aole i lilo kana mau ukana e halihali mai ana i mea nona e lolohi ai ka hele ana, mamuli o ke kaumaha ame ka luuluu.

            No ko ua o Magarita makemake no hoi e hele holoholo ua hele okoa aku la oia ma ke alahele a Monika e huli hoi mai ana, a aole no hoi i loihi ia wahi ana o ka hele ana aku ua halawai ae la laua i kahi hookahi, me ke kaa ana mai ma ko Monika aoao ka haawi ana mai i kona aloha kakahiaka, a pana'i aku la no hoi o Magarita, o ke kauoha mai la no ia o Monika, me ka pane ana mai:

            "E hoi aku kaua noloko o ka hale, a e hoomakaukau aku au i mau meaai nau no kou aina kakahiaka, aia hoi a pau kau ai ana, alaila hoakaka  hou aku au ia oe i ka'u mau mea i ike no Hawila, ke kanaka opio au i aloha ai, a pela hoi me kekahi mau mea e ae."

            Aole no a Magarita kamailio aku ma Kona aoao, aka huli mai la oia hoi no kahi hale, a i ko laua komo ana aku iloko, ua eleu koke aku la no o Monika ma ka hoomakaukau ana mai i mau meaai na kana malihini, a ku ana iluna o ke pakaukau, me ke kauoha ana mai ia Magarita e nee aku e ai , a oiai hoi o Magarita e paina ana i kona aina kakahiaka, ua noho pono mai la no o Monika mamua o kona alo, a hoomaka mai la e kamailio:

            "Pehea la, e kakali anei kaua a pau kau ai ana, alaila ha@le aku kaua kamailio, a i ole o keia no paha ka wa kupono loa, aia mai ia i kou manao e kuu kaikamahine?"

            @Ua hele au e noho aku la a piha me ke kuaki, e ake no e lohe i na mea e pili ana no Hawila, no ka mea ua ike no oe, ua aloha au iaia, a oia hookahi hoi ke kanaka opio nana i hoohina i kuu kupaa ka mea a'u i kaena ae ai imua o na kanaka opio apau i hoao mai e pahele i kuu noonoo, i keia opio nae, ua haulehia ko'u  kupaa malalo on a.

            @"Ina he mau mea kekahi au i ike nona, a i makemake ai hoi e hoike mai imua o'u, aole he manawa hou aku a kaua e kakali ai, oiai o ka iini, o kuu puuwai e noho aku la, o ia no ka hoohikiwaweia o ko maua hui ana, i hookahi ke kaunu ana i Waialoha."

            @@Ae, he nani hoi ia, e ake loa mai nei oe e lohe i ka'u hoike no Hawila, nolaila mai lilo ka'u mau olelo i mea nou e hooki ai i kau ai ana, aka e noke aku oe i ka ai, a e hoolohe mai no hoi me ka maikai, a o ia keia:

            "O ke kanaka opio au i paulele ai e lawe mai i kane nau, a i makua hoi nou no keia mua aku, aole loa he lua elike me ia, ke kupaa i ke aloha mahope ou, a na ka make wale no e moku ae ia aloha on a ia oe. Ma ka oluolu, ka waipahe, aohe no on a lua e loaa aku, a e lilo ana kana wahine i milimili, a i momi imua on a, e loaa ai ka nohona oluolu ia olua. ma ke ano he kane a he wahine. Mawaho ae o kona mauano maikai he nui, oia kekahi o na kanaka waiwai loa ma Italia apuni.

            "O ua kanaka opio nei au i aloha ai, eia oia maloko o ka ululaau i keia manawa, a aia pu hoi ke Kilokilo SIdida niahope on a kahi i ukali ai i ke ao ame ka po, me ka hoomaha ole, a ma ka ike i loaa ia'u, ua aneane loa kela lio keokeo nana e aha'i mai nei iaia, e hina ilalo a make, me he mea la e hoea mai ana kona, hopena, ma na hora o keia ahiahi, a o ka manawa auanei ia o na lima hoopakele o Sidia e lalau mai ai, a wehewehe ae i na kaulahao  o ka lokoino. i hauhoaia ai ko aloha, a e haawi aku hoi i kekahi laau, e hoi hou mai ai ka noonoo kanaka iloko o Hawila.

            "Ma ka manawa a Sidida e lawelawe aku ai i na hana apau e pono ai ko aloha, ia wa e oili mai ai o Malawalia ma ke ano kamahao loa, a hui pu lakou, alaila kaa aku o Hawila malalo o ka malu o Malawalia kana aikane, a huli hoi aku hoi o Sidia no ke kulanakauhale o Roma, me ka mano e hoike aku imua ou, no ka pakele ana o ko aloha, aka e loaa aku ana no ka ike iaia, ua hala mai oe, a eia hoi iloko o ka ululaau nei, malalo o ka malu o Monika.

            "E halawai hou aku ana no oe me Hawila nia keia mua koke iho, aole nae ia ma ke ano, o ka halawai ana o ka ipo me ka ipo, e loaa ai na kuwiliwili hoonipo ana o kekahi me kekahi, a in a he kanalua kekahi iloko ou no keia hoike a'u, e hoea mai ana no i ka wa e hoauheeia aku ai ia kanalua ana, ma keia po.

            "Ua noonoo nui au no ka'u mea e hana aku ai nou, a ua hooholo iho au, aia kaua a hoea aku no ko'u hale kakela, ka hale i oleloia, ka heieu aiai o Mauna Melodian, alaila e a'o aku no au ia oe i ke ano o ka hololio ana, i lihi launa ole mai na hololia kaulana o keia manawa.

            "Na keia akamai auanei ou i ke kaulio, a'u e a'o aku ana, e hoolilo i keia mau ululaau i home nou, a oluna hoi o ke kua o ka lio kou wahi he hiamoe ai. Aole o ka ike hololio wale no ka'u mea e a'o aku ana ia oe, aka o ka ike pana pua pu kekahi, no ka mea he hana ia na'u i a'o a ailolo, a he kawa hoi na'u i lele a opu, a ua paa kuu manao, ke hele a pau kuu ike ia oe. elike aku ana no kou akamai ma ia hana, me ke akamai i loaa aku i ko aloha. a ia wa auanei e kohu pono ai ka hooheno ana ae, 'he elua wale iho no maua i ike i keia hana noeau, owau no ame ka mea a kuu puuwai i aloha ai.

            @Oiai oe e noho pu ana me a'u, ma kuu hale kakela, ia manawa auanei e hookoia ai ka mea a ke Kilokilo Leidenala i wanana e mai ai nou, o ia hoi ma ka welelau o na leo mele e halawai pu ai oe me ka mea au i aloha ai.

            "Aia hoi a hala ae kekahi mau la mahope mai, e hoea mai auanei i ka hooko piha ia ana o ka wanana eha a Leidenala i hoike mai ai ia oe, o ia hoi ma ka oi o ka makakila e hiipuuia ai olua a lilo i hookahi ma ke apo o ka mare, a o ka hoea ana mai hoi i ka olino ana mai o ko olua noho hauoli ana."

            O kela mau hoakaka apau a ke Kilokilo Monika, e noke aku la i ke kamailio imua o Magarita, ua like pu ia me kekahi o na kaao kamahao o Arabia, i ka noonoo o ua kaikamahine nei, mamuli o kona piha maoli me ka pohihihi, aole mae oia i noke wale mai i ka niele ma kela ame keia mea, aka waiho malie aku la no oia i kona mau pohihihi apau, na ke au no o ka manawa e hoike mai i ka mea oiaio.

            Hele no hoi a pau na mea a Monika o ka hoakaka ana aku, ua maona ae la no hoi o Magarita, a eleu aku la no ua luahine nei, ma ka hoihoi ana aku i ke koena o na meaai noloko o kekahi wahi i hana holowaa ia, a hookaawale pu aku la no hoi i na mea apau mailuna aku o ke pakaukau.

            I ka pau ana hoi o na hoolalau a Monika, kamailio mai la oia ia Magaria i ka pane ana mai: "Manao au, aole a kaua hana e ae o keia manawa, e hele kaua i ka holoholo iloko o ka ululaau, i loaa ai no hoi he manawa nou e hooluolu ai, malalo o ka malumalu o na laau, ae honi aku ai no hoi i na ea huihui a ka makani e lawe mai ana i ke ala waianuhea o ka wao."

            No kela koi a Monika, ua lilo no ia i mea maikai i ko Magarita manao, no ka mea, he kumu ia e kaawale aku ai kona noonoo nui ana no Hawila ma o ka ike ana aku i kekahi mau hiona i malihini iaia maloko o ka ululaau, nolaila, o ko laua mei haalele iho la no ia i kahi pupupu hale. a u hele aku ia i ka holoholo.

            Ma ke ano nui ke olelo ae, aole no he mau mea kamahao a laua i ike, eia nae, no Magarita. ua hoopomaikai loa ia mai oia, ma kela hele ana i ka holoholo, mohala maikai mai la kona noonoo, a hoi pono mai la no hoi ka ikaika o kona kino, a i kana nana iho. me he mea la aia no oia iloko o kela mau la. mamua o kona hahaoia ana aku maloko o ka halepaahao.

            Ua hele no hoi a aui ka ia, huli hoi mai la laua no kahi pupupu hale. a hoomaka koke aku la no o Monika, e hoomakaukau i mau meaai na Magarita. a nona iho, aole oia i ai, no ka mea wahi ana i hoakaka mai ai imua o Magarita he la ai ana i lawe ae ai no ka hookeai ana, elike me ka rula maa iwaena o na kilokilo, he hana hoi e hooiia ae ai ka pipili o ko lakou noonoo no na hana, i loaa mai ai ko lakou ike ma ka oihana kilokilo.

            I ko Magarita maona ana, lawe hoomakaikai aku la o Monika iaia ma na poopoo apau o kahi pupupu hale, alaila lawe mai la he paalole o na kane, me ka i ana mai:

             "Ma keia po, e hoea mai ana o Ma avaiia, no ko kaua home nei, o ka'u e kauaoha aku nei ia oe, e Komo oe i keia paalole, no ka hana ana aku i kekahi hana hoopahaohao iaia." alaila komo iho la o Magarita i ka paalole kane, a ke uana aku iaia, ua kohu kane ua o magarita ma na ano apau, a he hookahi wale no wahi i koe e nalowale ole ai oia, o kona helehelena wahine.

            Nana, mai la o Monika me ke kilohi pono ana ia Magarita mailuna mai o ke poo ahiki i na wawae, alaila pane maila:

            "Ua like loa no oe e kuu kaikamahine me kekahi keikikane opio, a o kou helehelena wale no kahi hiki ole ke nalo, aka nae, ma ka'u koho, aole loa e hiki ia Malavalia ke hoomaopopo mai i kou ano oiaio, aka e hoopuhili ia ana oia; e kakali hio nae oe pela," o ka nalo aku la no ia o ua o Monika, a ia hoea hou ana mai, aia hoi ma kona lima akau e paa ana oia he pahi puhaka, a kaei mai la ma ka aoao o Magarita,

            Hoi hou mai la o Monika a ma kekahi wahi kaawale, nana aku la i ke kulana o Magarita, me ka hooia ana aku, aole he mea hiki ke ike mai o Magarita kela, aka e koho mai ana no ka poe apau e ike mai ana iaia, he kanaka opio kona ano, i piha me ka waipa-he ame ka oluolu, clike me ka olupalu o kona helehelena wahine.

            I mea nae e holopono ai kela hana kolohe a kahi luahine, ua noke mai la oia i ka a'oa'o me ke kuhikuhi ana ia Magarita i kana mau mea e hana ai, i ka wa e hoea mai ai o Malavalia, o ka hooko wale no hoi ka Magarita, a hele no hoi a ahiahi, ua paanaau maoli ia Magarita kana mau mea apau e hana ai, elike me na kuhikuhi a Monika.

            MOKUNA XXX.

            O ko lau nei nanea aku la nae ia ahiki i ke kani ana o ka hora ewalu o ka po ia manawa i olelo aku ai o Monika ia Magarita i ka pane ana aku:

            "Ke ike aku nei au. ua makaukau oe ma na mea apau, aole he hemahema i koe nolaila e noho malie iho oe maloko nei o ka hale, a e hele aku au e kahea i ko lio." o ka oili aku la no ia o Monika ma ka puka mahope o ua wahi pupulu hale nei, a lohe aku la no hoi o Magarita, i ke kani ana aku o ka pu puhi a kahi luahine, he wawalo hoi ia oloko o'ka ululaau i ke kani o ka pu o-le, aole no hoi i loihi aku, komo hou aku la ua o Monika iloko, me ke i ana aku i ka lede opio:

            "Ua hoea mai nei o Pomelia a eia oia mawaho kahi i ku ai, i hakalia wale no i kou hoea aku a kau maluna o kona kua, o kona aha'i aku no ia ia oe, ma ke alahele e hoea aku ai no ke kakela kamahao, mawaena o na Mauna Urenia.

            "O ka'u wale no e hoike hou aku nei ia oe e kuu kaikamahine, e hoolohe oe i na mea apau a'u e hoike nei imua ou, a e uumi me ka hoomanawanui i ke aloha kane, aka hoi i hoolohe ole@ oe i ka'u mau kauoha. ehia ka hoi mea aloha o ke kau mai o na poino maluna ou ame a'u, a he hana nui ko kaua pakele ana mai na popilikia mai," a na kekahi leo kahea maiwaho mai i hooki iho la laua me ka hoolohe ana aku i ka leo mawaho i ka pane hou ana mai:

            "Eia ihea kamaaina o keia  hale?" alaila kauoha aku la o Monika ia Magarita e hoi aku noloko o kekahi rumi waiho ukana, malaila oia e noho ai ahiki i ka hoea hou ama aku o ua o Monika, no ke kii ana iaia.

            E noke ana no nae laua i ke kamailio. poha hou ana no ka leo, aole nae maiwaho mai o ka hale, aka iloko ponoi o ke kino o ka hale, a o ko Monika oili mai la no hoi ia a ku a na imua o Malavalia. ka malihini, elike me ka kakou i ike mua ae nei, ma kela manawa a Malavalia ame Hawila, O ka hele ana aku e huli i wahi e hooluolu ai laua ma kela po.

            No na mea i kamailioia mawaena o Monika ame Malavahia, a pela hoi me ke kauaka opio helehelena wahine, a ua o Malavalia i koho aku ai.  ua kulike loa ia me ka helehelena o Magarita, ua ike mua ae nei kaua e ka makamaka heluheluhelu ma na helu i hala, nolaila e nee aku kaua imua ma keia wahi, no ko Magarita hele ana aku a kau maluna o Pomelia, a i ka wa a Hawila i ike aku ai i kana aloha, ua hoomaka aku la oia e alualu mahope on a, pela iho la i ku ai @ Malavalia i kahi o ka hoaa, no ka nalowale ana o kona hoaloha ma ke ano pohihihi loa.

            Ma kela manawa a Magarita o ke kauoha ana mai ia Malavalia e kii i kana aikane e lawe mai noloko o ka hale, ua emi awiwi mai la ua kaikamahine nei no ke keena mahope o ka hale, a wehe awiwi ae la i kona paalole kane e komo ana, a koe kona lole wahine, a Monika i lawe mai ai nona ma ia kakahiaka, o ka oili aku la no ia a ku ana iwaho, me ke kahea ana aku i ka lio o ke Kilokilo Monika, ma ka inoa Pomelia, a iloko no hoi o na sekona pokole loa, ku ana ua lio nei imua o kona alo, me na lako apau, o ko Mgarita kau ae la no ia iluna, me ka pane ana iho i keia mau huaolelo:

            "E. Pomelia, ka lio kamahao o ke Kilokilo Monika, ke kauoha aku nei au ia oe, e lawe pololei oe ia'u no ke kakela o Monika."

            Hakalia no a pau kela mau olelo a Magarita i kamailio iho ai i ka lio, o ka oni ae la no ia o Pomelia, alaila kaohi mai la ua kaikamahine nei i na kaula kaohi, o ka wa no ia i pulelo aku ai ua lio nei, me he mea la, aole i hemo aku o Malavalia mawaho o ka hale.

            Ma kela manawa hoi a Pomelia i hoomaka aku ai e holo, a kaalo pono ae la ma kahi a Hawila e ku ana me kona lio, ua lele aku la he malamalama mailuna aku o kahi pupupu hale a pa pono ma k helehelena o Magarita, o ka wa ia a Hawila i ike mai ai me kona hoohewahewa ole. i kana aloha, o kona hoomaka aku la no ia e uhai mahope o ka lio nana e aha'i la ia Magarita, o keia iho la ke kumu o ka loaa ole ana aku o Hawila ia malavalia, aia ua aikane nei ana i ka hololio me ka ulua iloko o ka ululaau, a poina hoi ke aloha no ke aikane mahope.

            No kela loaa ole ana aku o Hawila ia Malavalia ma kahi ana i hoonoho aku ai i kana aikane, ua lilo ia i mea hookaumaha loa aku i kona noonoo, a hele wale aku la no oia e huli iloko o ia peoleele, a na keia mua aku o ka nee ana o ka moolelo e hoike mai ia kakou i ka halawai hou ana o Malavalia me kana aikane, e kakali iho no nae kaua a hoea mai i ka wa kupono, @olaila e waiho aku kaua i ke kamailio ana no Malavalia, a e hookolo aku hoi kaua mahope o ka meheu o na ipo, e uhai ana kekahi i kekahi.

            He mea oiaio, ke hookuu pau la o Magarita i ka holo o kona lio. aka nae aia no kona manao aloha no i lawil. me kona maopopo no, eia kana aloha ke alualu aku nei ia@a, a ua kokoke no oia e kaohi okoa mai i ka holo o Pomelia. i hiki ai iaia ke apop aku i ka mea a kona puuwai i aloha ai, kau mai la nae ka weli ame ka maka'u iaia, no na olelo a ke Kilokilo Monika. nolaila hoomanawanui @@ @@ no oia i ka uumi ana i ke aloha me ka hoao ole e @aohi mai i ka holo o kona lio.

            Oiai nae ua o Magarita e holo la mamua. i @ ale iho la no oia iloko on a: "E hawila Kuu moh, eia au ke aha 'iiu nei e Pomelia. ka lio kamahao o ke Kilokilo Monika, au paha e manao mai ai, ua piha nu me na manao lokoino nou, aole pela, ua hele kuu aloha nou e Hawila a kokoke e nahini mawaho. o ka nana ae hoi i ke alahele no ko kaua hauoli. pela wale no au e hoahiuhiu nei mai ia oe mai.

            "Nolaila aia oe a ike ma keia mua aku i ke kumu oiaio o keia hana a'u ia oe, e huikala mai no oe e kuu aloha ia'u, no ka mea aole keia mamuli o ko'u manao ponoi iho, aka pela no na ulia pakalaki e hoopuni nei i ko kaua ola ana, aia nae a hal@ ae na la o ko kaua hoaoia. ia wa e olino mai ai na la o ko kaua hauoli, a na ka make wale no e hookaawale i kekahi o kaua mai kekahi mai."

            No i lawila hoi, ke noke la no oia i ke alualu me ka nana ole ae i ka hihipe'a oloko o ka ululaaau, a no ka nui o kona mau manao pihoihoi. a ui pu iho hoi me kona aloha ia Magarita. ua lilo kona kino nawaliwali ame na mea apau, i mau mea ole loa imua on a. he hookahi ana me a ekau nui aku la o ka halawai kino me Magarita.

            Ni kekahi mau hora kela hoomau ana o na ipo i ka uhai kekahi mahope o kekahi, a ia Magarita i komo aku ai iloko o kekahi ululaau hou o keia ka ululaau a Monika i wanana  e mai ai e haalele mai ana o Hawila iaia, he oiaio ia Hawila no a komo maloko o ua ululaau nei ua aaki paapu iho la ka pouli ma kona mau aoaao apau, a hiki hou ole aku la iaia ke ike i ka mea mamua ona ia wa i kaohi mai ai oia i ka holo o kona lio a koho iho la oia he kino aka wailua kana e alualu ana aole hoi he mea kino me kona hooholo pu ana iho no hoi i kona manao ua make o Magarita maloko o ka halepaahao o kona kino wailua kela ana i kuhihewa ai a i alualu makehewa ai hoi me ka loaa ole o kekahi pomaikai iaia.

            No kela mnaoio o ua o Hawila ua make kana aloha maloko o ka halepaahao, lele iho la oia mailuna aku o kona lio, a noke iho la i ka uwe me ka ehaeha o ka naau o kaua pu paha kekahi e ka mea heluhelu in a o kaua ma ko Hawila wahi e laa kela alualu ana mahope o ka mea aloha ahiki i ka malowale ana, aole ana e nele ke komohia mai o na manao koho elike me ia i loaa aku ai ia Hawila.

            No ka nui hoomanao no na wahi a laua i pili aloha ai ko laua komo kino ana iloko o na poino ame na popilikia  keia ola ana ua hiki ole loa i ua o Hawila ke kaohi mai i kona mau kulu pakaua la a me he mea la na auhee loa aku ka makehiamoe mai iaia aku no ka mea ke kau okoa mai la imua o kona noonoo na hiona o na hana a ke aloha i luwaiele ai ia laua o na la i kaahope aku a na ka olino ana mai o ka malamalama  o ka la ma kekahi kakahiaka ae i hoopuiwa mai iaia eia ka ua ao a ua hala aku hoi ka po.

            Holoi ae la oia i kona mau waimaka alaalawa ae la hoi kana nana ana ma o a maanei a ma kana hoomaopopo iho i kona ano ua like pu oia me kekahi kanaka o ka puoho koke ana ae mai kona hiamoe ana a hooho ae la.

            "He oiaia anei he moeuhane ka'u o ka loaa ana ma ka po nei? Aole anei o Magarite maoli no kela a'u o ka uhai ana aku mahope on a ahiki i kona nalowale ana mai ia'u aku?"

            Noho hamau iho la ua o Hawila me ka pane ole no kekahi manawa aka e noonoo nui ana oia no ka oiaio o kana mea i ike ai alaila hoomaka hou ae la e kamaiho:

            "Ina aole o ke kino maoli o kuu aloha ka'u i ike ai ma ka po nei, alaila o kona kino wailua anei ia? Ua halwai anei kuu Magarite me ka make mauli o na hana hoomamoino a na enemi o maua?

            "Me kuu mau maka ponoi no a elua e nana aku ana i ike pono aku ai au iaia e holo ana maluna o kona lio a ua lohe pono hoi ko'u mau pepeiao i ke pohapoha o na kapuai o kona lio o ka mea kupaianaha loa nae hele no hoi @ o ua aloha nei ia a'u pehea la oia i hana mai ai ia'u pela he ku maoli no i ka lokoino me ke aloha ole.

            "He phihihi maoli no nae keia mau mea apau i halawai mai me a'u a in a he mea @iaio ua hala aku kuu alaho ma kela ao alaila ua ahona ka make ana no ka mea i waiwai no ke ola hou ana aku i ka loaa o ka hoae kaana pu ai i na hauoli ame na ohumuhumu ana ma keia ao: alia nau au e pupuahulu ma ka hooholo ana i keia manao @'u, he pono e huli pono aku au i na mea pohihihi apau.

            "Eia la au ihea e noho nei? Hookahi maopopo loa, eia au iloko o ka ululaau. o ka'u wahi nae e holo hou aku ai, ke maopopo ole  nei ia'u. Ihea la e loaa aku ai kuu aikane aloha o Malavalia; i hewa hoi paha i ka maalo ana ae o kela kino hoopahaohao, pela iho la au i uhai mai ai mahope ona. a kaawale ana au mai kuu aikane mai. kuu kokua hoi iloko o ko'u mau la o ka hoehaehaia."

            Ina no e hoomau aku ana ua o Hawila i ka noho ana malaila, aole no he mea e loaa mai ana iaia. nolaila hooho'o iho la oia. he oi aku ka pono o ka hoao ana e hele huli i kana aiakane. malia o hoea pololei aku oia no kahi pupupu hale, o kona halawai hou no ia me Malavalia. in a aole i haalele ua aikane nei ana i kela wahi.

            Me ia manao paa iloko o Hawila. o kona kau hou ae la no ia maluna o kona lio, a hoomaka aku la e hele ma ke alahele ana i manao ai. o ke alanui pololei ia e hoi ai ahiki i kela hale iwaena o ka ululaau.

            E haalele aku kaua e kuu makmaka heluhelu i ka kaua koa e huli hele ana i kana aikane. a e nana iki ae hoi kaua ia Magarita, pehea aku nei la ua kaikamahine hololio hoopahaohao la o ke kuluaumoe.

            Ma kela po hookahi no i hoea aku ai o Magarita no ke Kakela Melodiana, a i ka wa i ike mai ai o na kiai o ua kakela nei, ua hookipaia aku la o Magarita. a i ua kaikamahine nei o ke komo ana aku maloko o ke kakela. nana ae la oia ma o a maanei o na paia o ua kakela la. aia hoi e kakau mai ana na kii o kela ame keia ano, o na kii nui nae maloko o kela hale. o ia no na kii o na naita kaulana o ke au kahiko i hala aku, he poe wale no me ko lakou mau kulan@ @iehie, a o ia ka ua o Magarita i hoopuka ae ai i keia mau olelo

            (Aole i pau).