Ka Nupepa Kuokoa

KE KILOHANA POOKELA NO KA LAHUI HAWAII.

 

CLOTHING FOR MEN & YOUTHS ON CREDIT THE MODEL

 

Kauka T. Mitamura

________

Keana Hana: 1412 Alanui Nuuanu, Kihi Alanui Vinia. Tel. Keena, 1540: Tel. Halenoho, 2613. Pahu Leta, 842

 

He mea Malama Ma’i o ka Halema’i o ka Kula Kiekie o Kyto ka i hoolima umaia no ka hoohanau keiki ana, na hiki no e hoolakoia he rumi hoohanau keiki.         3501

 

 

WILLIAM KAUHI POAI.

 

Agena Hoaie Dala, Agena Kukulu Hale, Mea Imi Aina, a he Mea Kuai Aina.

Keena Oihaua, ma ka Waity Building, Rumi Helu 3, Alanui Moi, mawaena o Alanui Betela ame Papu.

TERITORE O HAWAII.

 

Keena o ka Puuku, Honolulu, Oahu.

            Ma ka hana e hoopau ana i ka HAWAIIAN ISLANDS PACKING COMPANY LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waiho ia mai iloko o keia keena he palapala noi no ka hoopau ana ia ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.

            NOLAILA, ma keia ke haawiia aku nei ka hoolaha i kekahi mea, a i na kanaka no apau he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na ku-e ana no ka ae ia aku o ka palapala no ii oleloia maloko o keia keena, mamua ae a ma ka hora 12 awakea o ka la 19 o Maraki, 1918, a o kela ame keia kanaka e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike, mai i ke kumu, ina he kumu kekahi, i wahi e ae ole ia aku ai ka palapala no ii oleloia

C. J McCARTHY,

Puuku, Teritore o Hawaii.

Honolulu, Dekemaba 28, 1917.      

6276—Jan. 4, 11, 18 26; Feb. 1, 8, 15,

 

HOOLAHA.

UKU ANA I NA AUHAU WAI.

 

            I kulike ai me ke Kauoha Kanawai Helu 63 elike me ia i hoololiia ai e ke Kauoha Kanawai Helu 91 ame 102 o ke Kulanakauhale a Kalana o Honolulu, o ka poe apau e paa ana i na pono wai malalo o na auhau mita, ma keia. ke huikeia aku nei ka lohe, o na auhau wai no ka manawa e pau ana i Feberuari 28, 1918 ua hoea mai i ka wa e uku ai, a e  ukuia ma ka la MUA o Maraki, 1918.   

            O ka uku ole ana i ua mau auhau wai la iloko o KANAKOLU la mahope aku, e kaua no he kaki paku’i o Umi Pakeneka.

            O na pono wai apau e koe ana no lakou na auhau i uku ole ia mahope aku o ka la l o Aperila, 1918, e pani koke ia no.

            E ukuia ae na auhau apau ma ke kkeena o ka OIHANA WAI O HONOLULU, Hale Kapiolani.  Honolulu, Hawaii.

F. G. KIRCHHOFF,

Lunanui Laula, Oihana Wai me Sua o Honolulu.

 

HOOLAHA.

 

I na Ona Kuleana o Honuaula, Maui.

            O ka poe apau he mau kuleana ko lakou a i kuleana paha iloko olaila, maloko o ka Apana o Honuaula. Maui, ke noiia aku nei e hele mai e ike, a i ole e kakau mai ia

J.M MONSARRAT,

Loio ma ke Kanawai 501 Hale Stangeuwald, Honolulu,  Kelepona 5889.

 

 

NA AINA AUPUNI NO KA HOOKUONOONO.

 

WEHE ANA I NA AINA A AUPUNI NO KA HOOKUONOONO ANA MA KA

MOKUPUNI O MAUI.

 

            Ma keia ke haawiia aku nei ka hoolaha o ka aina aupuni e hoakakaia aku ana mahope ae nei e weheia aku ana ia uo ka hookuonoono ana elike me keia; i kulike ai me ke kanawai, me ke kuleana e unuhi hou mamua o ko lakou kohoia ana:

            1.  Kahi i Waiho ai o ka Aina.—O ka aina e weheia aku ana aia ma ka Mokupuni o Maui, a i ikeia ka Aina Hookuonoono o Waiakoa Mauka, ka Aina Hookuonoono o Waiakoa Makai a@ ka Aina Hookuonoono a Alae 3 ame 4, ka Mahele Waena, aia apau loa maloko o ka Apana o Kula.

            2.  Ke Ano o ka aina.---O ka aina maloko o keia mahele aina he aina mahiai me ke kula.

            3.  Na Kumu Aelike me na Ano o ka Hoolilo Ana.---O ka poe i kuleana e lawe i ka aina i oleloia, e hooholoia no ia ma ka huki ana a i ole ma ka hoonohonoho ana paha.  Ua hiki i ke kanemare a i ka wahine mare paha, aole o laua like a elua, ke waiho mai i palapala noi no ke komo pu ana iloko o ka huki ana.

            Ua hiki i kela ame keia mea ke lawe i hookah apaua.  E laweia keia mau apana ma kea no Pono o ka Hoolimalima Kuai wale no, o na kulana o ka hoolimalima elike no ia me ia i kauia e ke nanawai.

            E haawi koke ia no ke kuleana e noho, koe na Aina Hookuonoono o Alae 3 ame 4, Mahele Waena, e haawiia aku ia mahope aku o Aperila 3, 1918.  O na hookoe ana ame na hookaawale ana e hanaia no ia no na hawai e ku ana, na auwai, na lua wai hooki’o, na kahawai, laiua uwea me paipu, na alanui, moali alanui amen a alahao.  Aole e kuaiia kekahi apana ma ke ano he mau aina wai, me ka loaa o ka pono wai,  Ua hookaawaleia na wai no ka pono ame ka ponaikai o ka lehulehu.

            4.  Palapala Noi no ke Komo Pu Ana ma ka Huki Aina.---O ka poe apau i hookuponoia e lawe i na aina hookuonoono, ua hiki ke waiho ae ma ka Poalua a mamua ae paha o ia manawa, Maraki 5, 1918, ma ka hora 4 p.m., aole mahope mai olaila, imua o ke Komisina o na Aina Aupuni, Honolulu, ma ka leka maamau nei, aole ma ka lawe kino ana ae, a i ole ia ma ka leka i hoopaaia, a ma kekahi ano e ne paha, i na wa-hi leka i silaia, maloko olaila ka lakou mau palapala noi no ke komo pu ana iloko o ka huki aina i hoakakaia maloko olaila; aka nae aole kekahi wa-hi leka e oi aku mamua o hookahi palapala noi, a i ole pepa e ae paha mawaho o ka palapala noi, a aole hoi e waiho mai kekahi mea a oi aku mamua o hookahi palapala noi no keia huki ana.

            E hanaia na palapala noi apau maluna o na pa’ihakahaka i hoolakoia aku e ke Komisina o na Aina Aupuni a e kona akena paha, a he mea pono e hoike i ka inoa piha, kahi e hoouna ai o ka leka, ka makahiki, ke kiekie, ke kaumaha am eke kama o ka mea noi, a ina paha he mea mare ole oia (kane a wahine paha) a i ole mareia, a e hoohikiia eia, (kane a wahine) imua o ka hope akena o na aina aupuni, noteri no ka lehulehu, lunakanawai, a luna oihana e ae paha i hoamanaia no ka lawe ana i na hoohiki, a he pono ke hoounaia ma ke ekeleka moloko o na wa-hi leka i hoolakoia aku e ke Komisina a e kekahi paha o na akena.

            O na wa-hi leka apau e pa’iia maluna o lakou kahi uoho o ke Komisina amen a huaolelo “Palapala Noi, Huki Aina no ka Apana o ………….., “ o kahi waiho hakahaka me ke kaunakoma e hoopihaia iho me ka apana i waiho ai o ka aina i makemakeia; a aole kekahi wa-hi leka e hoike i ka mea nana ia i waiho mai a i hoouna mai paha ma ka leka, a e hoike ana paha i kekahi ma-ka e hiki ai ke ikeia iho.  E silaia na wa-hi leka apau me ka paa, a e kauia hoi na pooleka kupono, mamua o ko lakou hookomoia ana ma ka leka.

            O kekahi mea e waiho mai ana a oi aku mamua o hookah palapala noi no keia huki aina ana, a o kekahi palapala noi e ae paha ma ka inoa o ka mea okoa mawaho ae o kona inoa oiaio, aole e ae ia e komo pu ma ka huki aina ana. O na wa-hi leka apau e hoike mai ana i ka poe na lakou i waiho mai a i oia hoouna mai ma ka leka, e wehe koke ia no i ka wa e loaa mai ai, a e hoihoi hoa ia aku ka palapala noi maloko olaila, i ka mea noi.

            5.  Ka Huki Ana ame ka Haawi Ana i ke Ano e Wae Ai.---I ka manawa e loaa mai ai o ka wa-hi leka i kakau pololeiia a i kakaukua pololei ia elike me ia i koiia mai ai elike me maluna ae nei, e hookomo aku ke Komisins ia mea maloko o kekahi wahi waiho kupono, iloko olaila wale no, e waihoia ai na wa-hi leka apau i kakaukua pono ia no ka huki ana; a e hanaia kahi waiho a e malamaia me kea no e hiki ole ai ke laweia na wa-hi leka i hookomoia iloko olaila, me ka ike ole ia, ahiki i ko lakou wehe akea ia ana ma ka la e hanaia ai ka huki ana ame ka hoonohonoho ana.

            Ma ka hora 9 a.m. ma ka Hale Kapitala. Honolulu, ma ka Poakolu, Muraki 6, 1918, a i ole mahope koke mai paha elike me ka mea e ikeia ae ana, e wehe akea ia kahi waiho no ka huki aina ana, a e hoohuikau pono ia na wahileka apau maloko olaila, alaila e laweia ae i hookah i ka manawa, ma kea no pololei a hoopilimeaai ole, mailoko ae o kahi waiho, a o na palapala noi maloko o ia mau wa-hi leka, ina ua pololei ma kea no ame ka hanaia ana, e kau helu ia ma kea no ka’ilike, ma ke ano i laweia ae ai lakou, e hoomaka ana me ka helu ekahi, a o na helu i hookaawaleia, pela iho la no ka hooholoana i kea no a ka poe no lakou ka unoa i hoikeia maloko e wae ai a e lawe a ii na apana.

            E kauia ka papainoa o ka poe no ii haawiia aku ai na helu, e hoike ana i ka helu i haawiia aku ai ia lakou pakahi, a e hoolakoia aku i na nupepa no ka hoolaha ana ma kea no ke meahou, a e hoounaia aku no ka hoike no ka helu i haawiia ame ka manawa ame kahi ana e hoea ae ai no ka wae ana, ma ka leka ma kahi noho elike me ia i hoakakaia maloko o ka palapala noi a kela ame keia mea i haawiia ka helu.

            O na palapala noi apau loa i pololei ole ma kea no ame ka hana ana, e makaia no “Hooleia, Pololei ole ka hanaia ana,” a e waihoia aku no ma kea no i hooleia ai lakou, a e hoikeia aku no ka hoolaha no ia mea i ka poe na lakou i waiho mai ia mau palapala noi.

            6.  Ka Wae Ana i na Apana.---E hoomaka ana ma ka hara 12 awakea, ma ka Poaono, Maraki 23, 1918, ma ka Hale Hookolokolo, Wailuku, Maui.

            O ka poe e paa ana he mau helu i haawiia aku ia lakou, no kekahi o keia mau huki aina ana, ua hiki ke hele ae e wae i na apana i weheia no ka wae ana a i makemakeia e lakou ma kea no i kau helu ia ai ka lakou mau palapala noi no ka wae ana.

            Ina e hiki ole ae kekahi mea i haawiia aku e helu ma ka huki aina ana, a hana i kana koho, i ka manawa e hoea aku ai i kona helu a ua kaheaia mai hoi kona inoa, e hala kona kuleana koho, ahiki i ka pau ana o ka poe noi e ae i haawiia aku ai ko lakou mau helu, ia manawa e kahea hou ia ai kona inoa, a ina aole oia e hoea ae ana a koho, e manaoia ua haalele oia i kona pono e koho.

            7.  Hooiaia ma ka Manawa o ka Wae Ana.---Ma ka manawa e hoea ae ai oia no ka wae ana i kona apana, e hoomakaukau kela me keia mea noi e hoike mai i kona mau hookupono no ka hiki e lawe i aina hookuonoono, ma ka palapala hoohiki ma kea no i hoakakaia e ke Komisina, a ma kekahi ano okoa ae paha.  Ina aole he makaainana kekahi mea noi no Amerika Huipuia ma ka hanau ana, he pono oia e waiho mai ma ia manawa hookah, ina paha o ka palapala kumu, a i ole o ke kope i hooiaia, o kona manao e lilo i makaainana, a i ole, ke kauoha paha a ka aha e ae ana iaia i makaainana; a ina e koi mai ana kekahi mea i hanau ole maloko o Amerika Huipuia i ka pono makaainana, mamuli o ka hookkupaia ana o kona makuakane, oiai oia malalo o ka iwakaluakumamakahi makahiki, he pono iaia ke waiho mai i kekahi kope i hooiaia o ke kauohe a ka aha, e ae ana i kona makuakane i makaainana.

            Aole e aeia kekahi mea i ikeia kona kupono ole e lawe i aina hookuonoono, e koho, e loaa aku iaia na palapala kupono, e loaa aku iaia na palapala kupono, a i ole e lawe a paa aku malalo o kona malu i ka apaua i waeia.

 

APANA O KULA, MOKUPUNI O

MAUI.

Apana                                                              Iliaina, Eka                                          Waiwaiio

 Helu                                                       (Oi aku a emi mai)                           i Kohoia

Aina Hookuonoono o Waiakoa,                                                                      Mauka.

 

    39                                                                18.15                                                     $91.00

    41                                                                18.12                                          91.00

    42                                                                19.90                                                     100.00

    44                                                                14.15                                                      71.00

    48                                                                21.04                                                     105.00

    49                                                                21.21                                                     101.00

    51                                                                11.43                                                      57.00

 

Aina Hookuonoono o Waiakoa,                                                                                   Makai.

 

     8                                                                 41.00                                                     410.00

    10                                                                28.70                                                     287.00

 

Na Aina Hookuonoono o Alae 3 me 4,

Mahele Waena.

 

Mahope aku o Aperila 3, 1918, e haawiia aku ai no ka noho ana.

 

      8                                                    32. 90                                                   494.00

      9                                                                39.50                                                   474.00

     10                                                   36.00                                                   432.00           

     11                                                   31.60                                                   316.00           

     12                                                   42.60                                                   426.00

     13                                                   37.40                                                   337.00           

     14                                                   39.10                                                   352.00

      15                                                  39.00                                                   351.00

 

B.G RIVENBURGH,

Komisina o na Aina Aupuni.

 

Aponoia:

            LUCIUS E. PINKHAM,

                                    Kiaaina o Hawaii.

     Honolulu, Dekemaba 2, 1917.

 

            Ma keia ke haawiia aku nei ka hoolaha o na Apana Helu 39 ame 42, ua unuhi hou ia mai ka hoolaha mai maluna ae.

B.G. RIVENBURGH,

Komisina o na Aina Aupuni.

 

MOOLELO  O  KA  AHA  EUANELIO AHAHUINA  O  KA  MOKUPUNI  O HAWAII.

 

              La Hana 1, Ianuari 28, 1918.

            Halawai ka aha me ka luakini o Kauahaao ma Waiohinu, Kau i ka 8:30 a.m.  Malamaia ka hapalua hora haipule e ka Rev. C. M. Kamakawiwoole; noho ka aha me Rev. J. N. Kamoku ma ka noho; W. M. Kalaiwaa, kakauolelo; hoomaopopoia na lala.

            Ekalesia o Kalapana, Rev. J. Kama, kahu, J. L. Ahia, elele; Opihikao, J. Kama, komite,  D.  Kahananui, elele; Puula, J. Kama, komite, E. K. Kaulupali, elele; Olaa, Rev. S. L. Desha, komite, E. P. Waiaiole, elele; Haili, S. L. Desha, kahu, J. Keale, elele; Onomea, Rev. Lonoehu, komite, Mrs. Punohu, elele; Hakalau, D. Lonoehu, komite, Mrs. B. Paakonia, elele; Laupahoehoe, Rev. C. M. Kamakawiwoole, komite, Mrs. Emma Laeha, elele; E. Hamakua, C. M. Kamakawiwoole, kahu;  W. Hamakua, Rev. L. K. Kakani, kahu, Mrs. Bila Akana, elele; N. Kohala Huiia, Rev. W. M. Kalaiwaa, kahu, Mrs. Lioe Kaanaana, elele; Kekaha, Rev. J. Upchurch, kahu; Mokuaikaua me Helani, J. Upchurch, komite, W. K. Kalaiwaa, elele; Kona Waena Haole, Rev. A. S. Baker, kahu, Mrs. Baker, elele; Lanakila me Kealakekua, Rev. Z Mahaiula, komite; Milolii, Rev. J Kamoku, komite; Waiohinu ame Kapaliiuka, J. N. Kamoku, kahu; Hilo Pukiki, E. G. da Silva, kahu.

            Na lala mau--- Rev. H. P. Judd, Rev. J. P. Erdman, Rev. S. K. Kamaiopili Na keiki a ka aha---T. S. K. Nakanelua, G. P. Kamauoha, Mrs. Mc Dougall.

            Na H. P. Judd i waiho mai i na kumuhana, he 25, a aponoia.  Na A. S. Baker i ka hoike o na manawa hane o na aha ekolu, hora 6:30 a. m.; halawai haipule o na C. E., hora 8:30; halawai haipule o ka Aha Makua, hora 9-12; halawai hana o ka Aha Euanelio, hora 1:30-3:15 p.m.; Aha Kula Sabati, hora 3:15-5.

            He mau olelo hookipa na J. N. Kamoku ma ka waiho ana mai i ka maluhia o ka hale (luakini) no na hana o na aha ekolu, a lawe ka aha ia Rev. Jackson Smith i hoakuka he akena e noho ana ma Hamakua.

            Koho ka lunahoomalu i na komite mau:  Komite papahelu, H. P. Judd, Z. Mahaiula, J. Kama.  Komite hoalohaloha, S. L. Desha, T. S. K. Nakanelua, G. P. Kamauoha.  Komite o na Palapala Hoopii, J. P. Erdman, S. L. Desha, A. S. Baker.

            Kumuhana 3.  Hoike papahelu.  Na kela me keia kahu i hoike mai i na hoike o ko lakou mau kihapai iho, ame no hoike a na komite o na kihapai kahu ole.

            Kumuhana 4.  Hoike o na kihapai. Na kela me keia elele i ka hoike o ko lakou mau Ekalesia iho.

            He eha mau hoike kihapai i waihoia i ke komite o na Palapala Hoopii, ka hoike o Kalapana, no ka uluaoa malaila.  Ka hoike o Opihikao no ko lakou luakini; ko Haili, kahi e noho ai o ka aha; ko Mokuaikaua me Helani, e’ua mahele; 1 no ke komite malama ahaaina berena, 2, i ke komite hoalohaloha no J. Kaulukou; ko Lanakila ame Kealakekua, i ke komire hoalohaloha no J. D. Paris.

            Kumuhana 6, oihana kokua kahu ame lulu.  Na A. S. Baker i kana hoike a aponoia, a hapaiia ka lulu, a loaa na dala he $56.  Hoopanee ka aha me ka pule a A. S. Baker.

             La Hana 2, Poalua, Ianuari 28.

            Halawai ka aha, a hora 8;30 a. m. ; malamaia ka hapalua hora haipule a noho ka halawai hana.

            Lunahoomalu J. N. Kamoku ma ka noho, a na ke kakauolelo i kahea na inoa ame ka heluhelu ana i ka moolelo, a aponoia.  Na ke kakauolelo i heluhelu i ka hoike a S. K. Keaki, kekahi keiki a ka aha, no kana hana ma kekahi mau ekalesia.

            Na A. S. Baker i ka hoike o ka leta a Rev. W. Kamau, e hoole ana, aole i ae na hoahanau o Kamaili e hoouna mai i na dalai a A. S. Baker, a ua hoouna pololei aku no o Kamau i na dala $150 i na hoahanau o Kamili.

            Kumuhana 9, Papa Hawaii, Amerika me Misiona Amerika.  Na H. P. Judd i hapai mai i kela kumuhana kahiko, e haawi kela ame keia hoahanau pakahi i hookah dalai  ka waihona o ka Papa Hawaii, i ka makahiki hookahi; ua paipaiia aku na elele e ha’i a hooikaika iwaena o na hoahanu o na ekalesia pakahi me ke aloha.

            No ka Papa Misiona Amerika ame ka Papa Amerika, ke hoouna nei keia pilikia i na aina e kana mai nei, ke make mai nei he mau tausani o na haipule i ka make, a ka pololi, a o ka Papa Misiona ke hoouna nei i na kokua am Ke’a Ulaula.  Ua konoia na elele e hoi a ha’i aku i na kihapai e lulu no elike me ka mea e hiki ana.

            Kumuhana 8, Kula Kahunapule ma Honolulu. Na J. P. Erdman i hoike mai he 12 Haumana e noho ne ii keia wa, a he ekolu wale no keiki Hawaii, ua makemakeia e komo nui main a keiki Hawaii i akamai i ka olelo Beritania.

            Kumuhana 9, na Ekalesia Kahu Ole. Hoopaneeia.

            Kumuhana 10, na hana like ole.  Ua kamailio mai o A. S. Baker no ka nui loa o na dala e haawiia nei i na elele. Pono e hoopololei no ka uku otomobile wale no, a ina he koena e hoihoi hou no i na ekalesia.  Nui ke kamailio o na lala o ka aha, a o ka mea e pono ana i kela ame keia, o ia ka mea e hanaia elike me ke alakai ana a ka uhane. Na S. L. Desha i hoike mai no na Kula Hanai.  No ke Kula Hanai o Hilo, ua makemakeia na keiki Hawaii e komonui i keia kula; ke Kula Kaikamahine o Kohala, he mea pono e hooko na ekalesia i na haawina i haawiia ia lakou.

            Ua kauohaia ke kakauolelo e pane aku i na Ekalesia o Mokuaikaua ame Helani.

            Mamuli paha o ka holo hewa ana o ka makasila a ke kakauolelo, a i ole no ka papapa’i nupepa paha i puka ai ma ka moolelo o ka halawai ma Kohala Akau, he 15 wale no dala ka haawina o ia mau ekalesia.  Ma ka buke moolelo e paa nei he umi dala no Mokuaikaua, a he $16 no Helani.  (O keia ka pane a ke kakauolelo.)

            Kumuhana 11, waihona o na wahine kane make.  Na Mrs. Baker i kana hoike a aponoia, a hapaiia ka lulu a loaa na dala he $34.

            Kumuhana 13, hoomakaulii.  Na Mrs. Baker i hoike mai i kekahi mau manao: 1, No keaha kakou e hoomakaulii ai? No ke kaua ma Europa.  (2) No ka hoopiholoia o na moku ma ka moana.  (3) No ke komo o Amerika i ke kaua.

            (2)  Heaha na mea e hoomakaulii ai. Na meaai, ka palaoa, he ai hooloihi i ke ola ana; ka nala, ke pu, maia, kulina, kalo, ulu, raiki, na i’o, puaa hame, pipi, hipa, kao, rabati.

            Pehea kakou e hoomakaulii ai?  Ma ke kuai ana, i na lawa no i ka i’a hapaha, aole kuai aku i hapalua; e noonoo pono ma ke kuai ana.

            Wahi a S. K. Kamaiopili, o ka poe e noho nei ma na aina kaua, e kaua mai nei, ke ai ne ii ka ili laau ame ka mauu ai a ka lio ame ka pipi, a ke make nei he mau tausani i ka make a ka pololi. Pono e noonoo a hooholoia e hookomo iloko o “Ka Hoku o Hawaii.”

            Hopanee ka aha me ka pule a S. L. Desha.

             La Hana 3, Poakolu, Ianuari 30.

            Akoakoa na lala o ka Aha.  Malamaia ka manawa haipule; ua hoomalu ae o C. M. Kamakawiwoole i ka halawai no ka manawa.

            Ma ka hilinai i ke kakauolelo, ua kapaeia ka kahea inoa, me ka moolelo.

            Kumuhana 11, hoike a na Komite Kumau.  Na H. P. Judd i ka hoike a ke komite o na papahelu.  Na A. S. Baker i ka hoike a ke komite o na Palapala Hoopii.  Ko Kalapana, na J. P. Erdman, e hele e hoopau i na like ole.  Ko Opihikao, e huli mua a loaa ka hapalua o na dala e paa ai ka luakini, a lawe ae i ka hoike i ka aha ma Honolulu.

            Ko Pukaana, e hoihoi hou i ka palapala kahea, a e hoomaluia e ke komite a ka aha, A. S. Baker, Upehureh; e apono i ka palapala kahea, a e hoonoho ia J. Keala, a e nonoi aku i ka oluolu o na haipule e hoopii hou ae i ke ola o ke kahu mai ka $18 a i ka $20 o ka malama.  Aponoia ka hoike ame ka pakui.

            Na J. P. Erdman i ka hoike o na kihapai a aponoia.

            Kumuhana 9, na kihana kahu ole, Opihikao, Puula, Olaa ia J. Kama, Onomea, Hakalau ia D. Lonoehu, Laupahoehoe. C M. Kamakawiwoole; Kaohe, J. Keala; Milolii, J. M. Kamoku.

            Kumuhana 16, na elele i ka Aha Paeaina, L. K. Kakani no ka Aha, D. Lonoehu no na Ekalesia.

            Kumuhana 12, hoole waiona.  Na S. L. Desha i hoakaka mai no ka hana a ka Hui Puuhonua.

            Kumuhana 19, hoike a ke komite ola, No J. N. Kamoku i ka hoike a aponoia.

            Kumuhana 20, lulu no ke kakauolelo. Lulu ia a loaa na dala he $7.50.

            Kumuhana 21, koho ana i lunahoomalu me kakauolelo no ke kau e hiki mai ana, S. L. Desha, lunahoomalu; W. M. Kalaiwaa, kakauolelo.

            Kumuhana 22, komite imi hana.  Kohoia o H. P. Judd me kona mau hoa.

            Kumuhana 23, kahi me ka wa e noho ai ka Aha.  Noho ma Haili, Hilo, i ka mahina o Ianuari, 1919.

            Kumuhana 24,, komite ola---S. L. Desha.

            Hoopanee loa ka aha, ma ke mele ana i ka himeni 132, L. H., me ka pule a C. M. Kamakawiwoole.

W. M. KALAIWAA,

                                                                        Kakauolelo o ka Aha.

 

E HOOMANAO MAI.

 

            I na Ekalesia, na Kula Sabati, amen a Ahahui C. E. o ka Mokupuni o Oahu, e hoomanao mai oukou i ke ola o ka Aha a kakou e noho aku ana ma Waialua, mai ka la 3 a 5 o ke kau o Aperila, 1918, e haawi ae ma ka lima o Rev. S. K Kamaiopilim ko’u hope no ka manawa, no ka mea, aole au e hiki aku ana ma ia halawai o kakou, a penei na auhau:  Ekalesia Kula Sabati ame Ahahui C. E., $3 pakahi; Ahahui C. E. Kuwaena, $2 pakahi; Ahahui C. E. Pokii, $1.50 pakahi.

 

E PALE AKU I KE ANU.

 

 

 

HOOMAKAUKAU  NO  MUA  AKU  NEI

E Hoao e Hōomakaulii Ano- - -E Malama i ke Dala e

                            wehe i Buke Banako Hoahu me ke  

 

CHINESE- AMERICAN BANK

A NANA AKU I KA ULU O KAU DALA

NA PAHU DALA                 $1.00 no ka Wehe                   Kihi o ke Alanui

              no ka Hoolimalima           Ana i ka Hoahu            Moi me Nuuanu

 

                                               Na Makou e Hoolako I Kou Home ma

ka Uku Liilii Ana

OAHU FURNITURE CO.

 

Na Lako Hale, Moe, Pilina, Moena Halii, Etc.

Nui na Lako Hale Hou loa.

1310 Alanui Nuuanu.          Mauka o ke Alanui Kukui.

Kelepona 2805.

 

HENRY F. TAM, Lunanui.

 

WILLIAM C. ACHI, Jr

(WILE ACHI)

Loio ma ke Kanawai imua o na Aha

apau o ke Teritore.

 

HOOLAHA I KA POE PAA AIE O KA

HAWAIIAN HOTEL, LIMITED, HE

HUI I HOOPAUIA.

 

            Oiai ua hookohuia mai ka poe no lakau ua inoa malalo iho nei, ma ke kauoha a C. J. McCarthy, Esq., Puuku o ke Teritore o Hawaii, i hanaia ma ka la 29 o Ianuari, 1918, ma kea no he mau Kahu no ka Poe Paa Aiea me ka poe Paa Mahele o ka Hawaiian Hotel, Limited, i kona wa i hoopauia ai, me ka mana e hooponopono aku i kona mau waiwai i kulike ai me ke kanawai, nolaila ma keia ke haawi aku ne ii ka hoolaha i ka poe apau he mau koi ka lakou e ku-e ana i ka Hawaiian Hotel, Limited, i ole loia, e waiho mai i ua mau koi la i hooiaio pono ia, ma na keena oihana o Smith, Warren & Whitney, na loio no na Kahu malalo iho nei, maloko o ka Hale o ka Banako o Hawaii, ma ke kihi o na Alanui Papu me Kalepa, maloko o Honolulu, T. H., a i ole i kekahi o na Kahu ma ke kino, ma a i ole mamua ae o ka pau ana o kanaiwa (90) la mai ka la aku o keia hoolaha (o ua la la, o ia no ka la o keia hoopuka mua ia ana), o hoole mau loa ia aku.

            Hanaia, Honolulu, T. H., Feberuari 15, 1918.

                                    A. A. YOUNG,

                                                                               C. C. von HAMM,

                                                                                    W. H. BAIRD,

Kahu no ka Poe Paa Aia ame ka Poe

            Paa Mahele o ka Hawaiian Hotel,

            Limited, he hui i hoopauia.

 

OLELO HOOLAHA.

 

            Ma ka noho ana o ka halawai a ka Hui Kokua a Hookuonoono o na Wahine Oiwi Hawaii ma kona halawai hana ma ka la 11 o keia mahina, ua hooholoia e hiki kino main a lala apau o ka Hui Nui ame ka Hui Lala Helu Ekahi o Waianae, ma ka halawai hana o ka la 25 o keia mahina me ka aahu piha o ka hui, a me ka lei kilika, ma keena halawai ma Kawaiahao Club House, hora 10 a. m.

                                                                                                MAIKAI KALEO,

Kakauolelo Hui Nui H. K. H. W. O. H.

            Honolulu, Feb. 11, 1918.

 

MIKI KE OWAU I KA HEMAHEMA

 

            Mauka ae nei o ke alanui Liliha, ma ka wanaao o ka Poanono aku ne ii hala, i komo ae ai kekahi mea hoonana a ka maka’u ole, maloko o kekahi halekuai meaai, a nuu aku la i na meaai maloko o ka halekuai, eia nae, mama kona mau wawae i ka holo, mahope iho o ka loheia ana o kona nakeke, e ka ona nona ka halekuai.

            Ma kekahi puka aniani, i paa ole i ke kilou ia, i komo aku ai kela mea maloko o ka halekuai.

            O ka nanea nae ia o kela mea i ka ai, me ka manao he ona ia nono ia hale, ua haule iho la ke puna iluna o ka papaliele; ia manawa i lohe akuai ka ona nona kela halekuai, e hiamoe ana maloko o kekahi rumi okoa aku, a no kona kuhihewa, he popoki paha ka i komo ae noloko o ka halekuke e ai a ii na mea ai, ala mai la oia, a hele pololei aku la no ka halekuke, o ka mea nae nana i hookahaha loa aku i kona manao, o ia no ka ike ana aku i kekahi kanaka kino nui, e noho malie ana e a i kana mau meaai.

KakelameKuke

(KAUPALENAIA.)

            Poe Kalepa ma

                                                ke Komisina

 

--A HE –

Poe Agena no na Mahiko

Mau Apana Aina Kuai

 

            Ma Kapahulu, Kaimuki, Palolo ame Kalihi no ke kumukuai oluolu loa.

            No mea pilikia aina, waiwai o ka mea i make e loaa no na hoakaka maikai ia oukou.

            He hana au i na palapala kuai, moraki, kauoha hope loa a hooilina ame ka hooiaio ana ma kea no noteri.

            Hole mai oukou apau loa i o’u nei!

 

PAULO  KALAUKA

 

(P. E. R. Strauch.)

 

Hui Alahao ame Aina o Oahu

MANAWA HOLO

--

MAI HONOLULU AKU.

o Waianae,  Waialua, Kahuku ame

  na wahi hoolulu ma ke alahao—

*9:15 a. m., *3:20 p.m.

o Pearl City, Ewa Mill amen a wahi

hoolulu ma ke alahao---7:30 a. m.,

m., *3:20 p. m., *5:15 p. m.., @9:30

p. m., @11:15 p. m.,

No Wahiawa ame Leilehua---*10:1@ @

a.m., @2:40 p.m., *5:00 p.m., *11:30 p,m,

MAI WAHO MAI.

Ku i Honolulu mai Ewa Mill ame Pearl

City---@17:45 a. m., *8:36 a. m.,

*11:02 a. m., *1:40 p. m., *4:26 p

m,, *5:31 p. m., *7:30 p.m.

Ku i Honolulu mai Wahiawa ame Lei

lehua---*9:15 a.m., *1:53 p.m., *3:59

*7:10 p. m.

O ka Haleiwa Limited, he kaa o elua

hora (o ka poe wale no o ka papa

ekahi) a haalele ana ia Honolulu

i na Sabati apau ma ka hora 8:3@

a. m. no ka Hokele Haleiwa; hu@

hoi mai, hoea i Honolulu ma k@

hora 10:10 p. m.  Ma Pearl C@

wale no e ku ai ame Waianae.

*Kela ame keia @a.

@ Koe ke Sabati.

NUPEPA  KUOKOA

 

No ka Makahiki (One Year)…..$2.00

No Eono Mahina (Six Months)…1.00

O na Dala amen a Hoolaha Apau e Hoouna Pololei mai i ka HAWAIIAN GAZETTE COMPANY, LTD. wale no P. O. Box 208, Honolulu, T. H. Enterred at the Post Office at Honolulu, T. H., as Second Class Matter.

 

OAKELE  NA  LUINA  O  KA  MAHU-

KONA.

 

            O na lono mamua aku nei, no ka pau ana o na luina o ka mokukalepa Mahukona, i ka wa i ili ai kela moku a pau i ka nahaha ma na kai aku nei o ka h@ ma, ua ikeia ka pololei ole, no ka mea he umi-kumamakahi ka nui o ka poe oluna o kela mokukalepa o ka hoea ana mai no keia kulanakauhale ma ka Poakolu aku la me ka maikai o ko lakou mau ola kino apau.

            O ka poe apau i pakele o ka Mahukona mai ka make mai, oia ke kapena me kana wahine, me umi mau luina mawaho ae o laua.