Ka Nupepa Kuokoa, Volume LVI, Number 8, 22 February 1918 — KA LA HANAU O KEOKI WAKINEKONA [ARTICLE]

KA LA HANAU O KEOKI WAKINEKONA

| Ma keia la e' komo ae ai ko Honolulu nei poe ' iloko 0 na hoomanao ana no ka la hanau o Keoki Wakinekona, ka Peresidena mua loa o Amerika Huipuia, a oiai ua lilo ke komo kino ana aku o ke aupuni iloko o ke kaua, i mea nana e hoololi ae i ko kakou kulana,. mai ko na makahiki aku nei i hala, i ka naua aku, e kiola aku ana ko ke kulanakauhale nei i na hoomanao ana no ke k&ua no kekahi mau la pokole, a kahiko iho i na manao makee, no ka hookau ana aku ia Honolulu nei maluna 0 kona kulana ulumahiehie mau, o na hoomanao ana no keia la i keia makahiki. Ua hiki ole ke hoihoiia mai na hoohalikelike ana no na hoohiwahiwa no keia la, i keia makahiki, me ko na manawa aku nei i hala, oiai ua papalua, a papakolu ia ae kā pipii o na'mea e hiki ai ke hoohiwahiwa aku, e u'i ai ka nana ana, o ka mea nui no nae, o ia ka huliamahi ana ae o ka lehulehu, a hoike e hoi i na manao ohohia, ma na hana apau i hoolalaia no keia la; ame na hana no apau iloko o keia mau la i hookaawaleia no ka hanohano o ka Peresidena mua loa o Amenka Huipuia.