Ka Nupepa Kuokoa, Volume LVI, Number 9, 1 March 1918 — KA NINAU I'A MA HONOLULU NEI [ARTICLE]

KA NINAU I'A MA HONOLULU NEI

Iloko aku nei o na la i hala, ua noho mana maoli no na hui lawai'a ame ka poe kuai i'a ma na makeke o kakou, maluna o ka oihana kuai i'a, ma ke kau ana i ke kumukuai o ka i'a a kiekie, ua hiki ole nae i ka lehulefiu o ka poe ai i'a ke alo ae, o ka uku wale aku no i na kumukuai e kauia mai ana, i wahi e loaa ai ka i'a. 0 ka mea i ikeia iloko o ia manawa, o ia no ka lako mau o nn. makeke i ka i'a i kela ame keia manawa, a he kakaikahi loa ka manawa e nele ai o kekahi mau makeke, koe wale.no na manawa inoino mac»li, e lilo ai i hana paakiki na na Kepani J lawai'a. ka hele ana e lawai'a no ka hoolako ana mai i ka makeke me ka i'a. Ua komo mai nei nae ke komisina o na meaai, ka akena o ke aupuni federala a hoohana aku i kona mana, ma ke kauoha ana i ka poe lawai'a ame ka poe kuai i'a, ma ka paona wale no lakou e kuai ai i ka i'a ma keia manawa aku, e kau a"na hoi i ke kumukuai no ka paona hookahi, no kela ame keia ano i'a. a ma ka nana aku, e hoea mai ana i ka wa e loaa ai ke kaupaonaia ana o ka waiwaii'o o ka i'a me ke kumukuai, ma ke ano kupono, aole hoi elike me mamua ka oi pakela aku o ke kumukuai e ukuia ana no kekahi mau ano i'a, a ma kekahi olelo ana ae hoi, ua papalua a papakolu s aku ka pomaikai o ka poe kuai i'a mamua o ke kupono nei. He mea nae na kakou e hoomaikai ai i keia manawa i ke komo ana mai nei o ke kanaka o ke aupuni lederala a hoohana mai i kona mana, e hiki h.»u ole ai i ka poe lawai'a ame ka poe kuai i'a, ke | c»hi i na pomaikai nui a lakou i maa o na wa loihi ac nei i hala; aka e ioaa ana he averika kupono, o ke kumukuai e ukuia aku ana e ka lehulehu, me ka waiwaii'o o ka i'a; a kakou e olelo ae ai ,e lilo keia hooponopono ana i ke kumukuai o ka i'a. i pohaku j-aepae, no ka hoauheeia aku o na hana i maa i na kanaka kuai i'a o na makeke, o na wa ae nei i hala, e pulapu iriai ai i ka lehulehu, me na kumukuai like ole maluna o ka i'a; aka i hookahi a lakou ano kumukuai e kau mai ai no kela ame keia ano i'a, he kuniukuai hoi i hoomaopopoia, e loaa ana ia lakou he puka kupono; a pela hoi ke kupono o ka i'a. a ka mea kuai mai, e uku aku ai. Ma keia hooponopono ana i ke kumukuai o ka i'a, ua hoopakeleia ae ka lehulehu, mai ka pulapu mau ia ana mai e ka poe kuai i'a, e pau ana no hoi ka loaa ana o na manao hoohalahala mai ka lehulehu aku. !ie hookahi mea nana o ka paona; o ka mea kuai 1 a:l ka makeke., e kaki mai ana i ke kumukuai no ka paona, a oi wale aku mamua o ke ana j 0 na kumukuai i kauia e ke komisina, ua hookomo aku ia mea iaia ilio, iloko o ke kulana, e hiki hou ole ai iaia ke hoomau aku ika oihana kuai i'a; 110-' laila, ua hala na la o ke kaa ana aku o ka lehulehu malalo o ka mana o ka poe kuai i'a, aka o ka lehulehu ke noho mana aku maluna o lakou. līe inea maa ma na niakeke i na wa i hala aku nei, ina e nui ka i'a, e oluolu iki mai ana ke kumukuai, aka ina e hapa loa mai ana ka i'a, alaila e hoopiiia ana ke kumukuai a kiekie; a o na i'a makemake nui ia keia e na e kauia mai arta ke kumukuai a kanono; i keia manawa nae, aole e liiki ke hoohanaia kela ano hana, ina no he uuku ka i'a a nui paha, ma ka paona lakou e kuaiia ai, elike me.ke kumukuai o ka paona, i kauia no kela nie keia ano i'a. 1 ka hele ana ma ka makeke e kuai i'a ai, e nana mua maluna o ka papa eleele no na kumukuai i leauia no kela me keia i'a, ina paha me ka unahi, a 1 ole, pau paha i ka unahiia, no ka mea he like ole ke kumukuai ma ka paona o ka i'a i kaha ole ia ka i.pu. mai ka i'a mai i kahaia, a i pau hoi i ka unaunahiia. E makaala loa i ka poe e kuai ana i ka lakou mau i'a mawaho, ke hana nei kekahi poe pela, i loaa ai ke kumukuai makepono, elike me ka hana i maa ia lakou mamua aku nei, o ka poe o kela ano, e hoike ae i ko lakou mau inoa ame ke ano o ka lakou hana imua o ke komisina o na meaai, e ike auanei kakou, aole loa e hiki ana ia lakou ke pulapu hou aku i ka lehulehu. I ka nana aku, eia ka ninau i'a ma Honolulu nei ke hookokoke aku nei i ka hoopauia ana o ka pilikia, koe wale no a hookololohe iho ka poe lawai'a i hele ana e lawai'a, mamuli o ka manao nuha, no ka hoemiia ana mai o ko lakou mau pomaikai, ka mea 110 nae a.lakou i ike ai, ua papalua a papakolu iho ke kumukuai o ka i'a imua o ka waiwaii'o maoli o ka i'a a lakou e kuai ana i ka lehulehu.