Ka Nupepa Kuokoa, Volume LVI, Number 10, 8 March 1918 — Page 6

Ka Nupepa Kuokoa

KE KILOHANA POOKELA NO KA LAHUI HAWAII.

 

HE MOOLELO NO BEDERA

Ka Moi o Peresia AME KO GIOHARE

Ke Kamaliiwahine o ke Aupuni Samanadala

 

            Ia ike ana mai o ka moiwahine, ka makuahine, i ke kau o ke kalaunu maluna o kona poo. ku ae la oia a holo mai maikai me ka hoike pu mai i kona iini nui e ukaliia na la apau o kona nohoalii ana e ka hauole ame na pomaikai he nui ahiki aku i ke kanikoo ana, elike me ko kona makuahane ola ana, a no ia mau olelo ana kulou iho la ke keiki a honi iho la ma kona lae.

            "E kuu makuahine aloha," wahi ana. "ua hoopiha mai oe i kuu naau i ka hauole; no kau mau leo pule a no kau mau a'o naauao i kahapai ae ia'u ma keia kulana'au no e ike nei i ko'u aie nui ia oe," alaila kulou hou iho la e hone.

            Hoko o ka makahiki mua o ka nohoalii ana o ka Moi Bedera ua lawelaweia na hana apau o ke aupuni me ka naauao ame ka mahalo nui ia e ka lahui kanaka ma i o a o o ka aiana.

            Maluna o na mea e ae a pau ua makaala mau oia i ke a'o naauao i ka hapai ae ia'u ma keia kulana a'u n oe ike alahele e holomua ai ka noho ana o ka lahui ma ka waiwai ame ka naauao a e loaa pu mau ai ka maluhia.

            Ua a'o mau aku oia i kona mau luna aupuni e hoonaauao i ka noho ana o na kanaka; e hooikaika mau ma ka oihana mahiai a ma na hana kalepa huli waiwai e loaa mau ai ka hauoli i kona mau makaainana.

            Ma ka lua mai o ka makahiki o kona nohoalii ana, mahope iho o kona kukakuka ana me kona aha kuhina a mau luna aupuni e ae iloko o kana ahakukakuka, a mumuli hoi o ke aponoia ana mai e kona makuakane, ka moi mua o Peresia. haalele iho la oia i ke kapitala malalo o kekahi hana e hele ana oia i ka hahai holoholona, he okoa no nae kana hana i manao ai.

            Ma ka mea oiaio, he makemake oia e kaahele mawaena o na panlaau o kona aupuni i mea nona e ike aku ai i ke ano o ka hookeleia ana o na hana o ke aupuni maloko o ia mau wahi, a pela hoi me ka noho ana o na makaainana maloko o ia mau apana. a i mea hoi nona e ike maopopo ai i ka oiaio o na hoopii lehulehu i waihoia mai imua on a no kekahi mau luni aupuni, a noke a'o ana aku hoi e malama mau ia ka maluhia maloko o ia mau aupuni, a no ka hoopau ana aku hoi i ua manao kipi o na alii e ae o kekahi mau aupuni e hoao mai ana e hookomo i ke aupuni iloko o ke kaua hookahekoko. e hoopoinoia ai ke ola o na makaainana, mamuli oko lakou ike mai iaia e hoea aku ana ma ko lakou mau palena aina.

            He makahiki hookahi ko ka Moi Bedera hooikaika ana e hookuono iaia iho i hiki ai iaia ke hooko aku i na hana i kupono iaia e hana aku no ka lehulehu.

            Aole i loihi loa mahope iho o kona huli hoi ana mai kana huaka'i makaikai mai i na panalaau apau o ke aupuni, ua loaa iho la ka moi, kona makuakane i ka ma'i nawaliwali loa, a no ia ma'i ua manaoia me ka hopohopo nui o na mea apau aole oia e pohala hou mai ana. a he mea oiaio ia.

            No ka oi elemakule ua nana aku oia i kona hopena me ke kaniuhu ole, no ka mea, ua ike iho oia ua loaa kona panihakahaka ma kona wahi, o kana mea nui wale no oia ka hoike mau aku i kona manao i na kuhina ame na alii apau o ka aina e noho kuikahi lakou me ka moi, kana keiki, a e hooikaika lakou e hookele i na hana o ke aupuni me na manao lokahi me ka moi.

            Ua haawi hou mai lakou i ka lakou olelo hoohiki imua on a i na manawa a lakou e hele aku ai e ike iaia, e hana ana lakou pela, me ko lakou mau manao maikai, elike me ia a lakou i hoike mai ai mamua, a ka moi no i ikemaka ai i ko lakou hooko pono i ka lakou mau hoohiki mamua aku.

            Aole i liuliu loa ma ia hope mai ua lele loa ae la ke aho o ka moi elemakule, na noho kanikau ke aupuni nona no hookahi mahina ; no ka mea, he moi oia i aloha nui ia e na makaainana.

            Ua akoakoa pu ma keia manawa i make ai ka moi ka Moi Seleha, ka moiwahine. ka makuahine ame na kamaliiwahine apau; ua nui ke kaumaha i kau iho maluna o lakou ia manawa, a malalo o na hooponopono ana a ka Moi Seleha na hana apau e pili ana i ka hoolewa o ka moi a waihoia aku kona kino maloko o ka hale kupapa'u o ka ohana alii. me na alii i hala e aku mamua ona, me ka hanohano nui i kupono i kona kulaha.

            I ka pau ana o na hana hoolewa no ka moi make, ua hoomau ia aku ka manewanewa ana a ka lahui no kekahi manawa loihi ma ia hope mai, a Hoko o ia manawa. aole ka Moi Bedera i ae aku e ike mai na makaainana iaia, o ke kuhina mai wale no. no ka mea. ua hoopaa loa ka ohana alii ia lakou iho maloko o ka halealii oiai lakou e kumakena ana a ke kuhina nui ka hookeleia ana o ke aupuni ia mau la.

            Mai hoomau loa aku paha oia i ka noho kanikau ana no kona mkuakane in a aole oia i hoolohe i ke alakai a kona lunaikehala e hawanawana mau ae ana iaia e makaala oia i na hana o ke aupuni, aole pono iaia ke hoolilo loa i kona noonoo maluna o kona makuakani i make.

            I ka hala ana aku o na la kupouli loa a ke aloha ua hiki ole i ka moi ke hoopaakiki iho i kona manao, oiai ke kuhina nui ame na alii e ae o kona ahakuka e noi mau mai ana iaia e hoopau i kona hoopaa mau ana iaia iho maloko o ka hale alii me ke kanikau ana, aka, e hoike aku oia iaia iho mamua o kona mau makaainana, a e lawelawe i na hana o ke aupuni elike me ko mamua aku.

            Ua hoike mua aku oia i ke kuhina nui i kona makemake ole e hoike koke aku iaia mamua o na makaainana, a oia ka ke kuhina nui o ka pane ana mai.

            "Mai hoohalike oe ia oe iho me ka wahine ka hoomau aku i ke kumakena ana, e hoomanao iho oe, o oe ka moi a he hana nui a koikoi kau e lawelawe ai no kou mau makaainana i keia manawa. a e pono oe e hooko aku i ko lakou makemake, oiai ke makemake loa mai nei lakou e ike ia oe a e lohe hoi i kou leo.

            " Nole o makou kanalua ua loaa no ia oe ka ike me ka hoomaopopo no keia mea, a ma na ano apau aole no oe e hahai aku ana mahope o ia kumuhoohalike kupono ole.

            Aole loa e hiki ana i kou mau waimaka a i ko kakou pu no hoi apau ke hoihoi hou mai i ka mea i hala e ola hou ae ai oia. in a e hoomau aku ana akakou i ka uwe ana nona no ke koena aku o ko kakou mau la.

            "No ko makuakane he moi oia i aloha nui ia, aohe kahalua ana no ia mea: ua hana oia i kana hana a ua hoopau pono. a ua hala aku la ma kela aoao. ke alahele mau o na mea apau.

            "Eia nae, aole hiki ia kakou ke olelo ae ua nalohia loa aku oia. oiai makou e ike hou aku ana no iaia ma o kou mau helehelena la.

            "Aole pu on a kanalua nona iho i ka manawa on a i make, ai, e ola hou ana oia ma ou la; nolaila, na ka moi ia e hooiaio iho aole oia i hoopunipuniia, no ka mea, ua ikemaka oia i kou lawe ana i kona wahi, o oe kana keiki, a o oe no hoi ka moi nui o na aupuni huiia o Peresia nei, a ua moe aku la oia me ka maha ame ka hauole hui o kona naau."

            ua hiki ole i ka Moi Pedera ke alo ae i nei mau olele maikai a ke kuhina nui o ke noi ana mai la iaia, no ia kumu ua hoopau ae la oia i kona hoomau ana aku i ke kanikau ana no kona makuakane.

            Iaia i kahiko hou iho ai iaia iho me na aahu apau e hoike ana i kona kulana moi, hoomaka hou aku la oia e nana iloko o na hana e pono ai kona aupuni ame kona mau makaainan pakahi, elike me kona ano mau mamua aku o ka make ana o kona makuakane.

            No ke kulike loa o kana mau hooponopono aupuni ana me ka na moi mamaua aku, ua hiki ole i na maainana ke ike i ka lolo o kana hookele aupuni ana ame ka kona mau mua aku maluna o ka nohoalii.

            No ka maikai o kana hookele ana i ke aupuni me ka naauao. ua nana mai ka lahui kanaka iaia mai o a o ma ke ano oia ka Hoola. no ka mea, iloko o kona au ua holomua loa ka loaa o ke aupuni, ua lehulehu na halekula i kukuluia, ua hoonaauaoia ka lahui ma ke ano laula, ua maluhia ke aupuni a ua hauoli maoli ka noho ana o na kanaka.

 

MOKUNA VIII

            O ka Moi Seleha i hoi hou aku ai no kona aupuni maloko o ke kai, me ka moiwahine, kona makuahine, ame na kamawiiwahine, mahope iho o ko Bedera lawe ana i ka mana hookele o kona aupuni iloko o kona lima, ua hoi hookahi hou mai la oia no ke aupuni o Peresia i ka hala ana o ka makahiki, e ike i ke keiki, ka Moi Bedera o Peresia ame kona makuahine Gulenare, a ua pha loa laua i ka hauoli i ko laua wa i ike hou aku ai iaia.

            Ma kekahi ahiahi, mahope o ka pau ana o ko lakou paina ahiahi, a hoi nui aku la a loko o ka rumi hookipa, ua hoohala ia kekahi manawa e lakou ma ke kamailio ana; o ka Moi Seleha ka mea kamailio nui o lakou e mahalo aku ana no hoi i ko ka moi, kana keiki hookele ana me ka naauao i ke aupuni, a pela aku.

            Ua nui kona mahalo i ka naauao o ka hookele ana a ke keiki, ka moi hou o Peresia, i ke aupuni, wahi ana i ke kaikuahine, a no ko ka moi opio naauao a hui pu me kona hoopono a piha aloha i na makaainana, elike me kana mau mea i lohe mai ai mai na makaainana, elike me kana mau mea i lohe mai ai mai na makaainana, a mai na luna aupuni mai, e haawi ana i ka mahalo i ka moi hou ua kaulana aku keia mau ano maikai apau o ka moi opio mawaena o na moi o na aupuni e aku e pili kokoke mai ana, a ma na aupuni mamao loa aku kekahi.

            No ka makemake ole o ka Moi Bedera e lohe mau aku i na makua i ka pai ma i iaia, a i ka laua mau mea hoi i lohe mai ai nona, a ua lilo maoli i mea hoouluhua i kona noonoo, huli mai la oia ma kekahi aoaoa o ka punee a hilinaimai la iluna o ka uluna me he mea la e hiamoe ana, a hoololohe aku la i na mea apau a na makua e kamilio mai ana.

            Oiai ka moi opio e hoololo ana a ua manao maoli no na makua ua kaia loa ia oia i ka hiamoe i ka la ka Moi Selha i ka moiwahine kaikuahime:

            "Ui maoli no hoi ka helehelena ame ka onei o ka kaua keiki. he u'i oia i hui pu ia me ka naauao ame ka hoopono i loaa ole ka lua maloko o kekahi o na aupuni o ke kai:

            "Ea, e kuahine." wahi hou ana ma ke ano hoohikilele, "no kona u'i au no i ike ai nou iho, elike no hoi me a'u e ike nei aole paha oe i haawi i kou noonoo ma ana no ka hoohui ana aku iaia ma ka mare me kekahi kamaliiwahine?

            "Ke ole au e koho hewa o ka piha ana keia o na makahiki he iwakalua o kona ola naa, he manawa kupono loa keia nona e hoohuiia aku ai ma ka mare, i hii wahi moopuna aku hoi paha kaua, oiai kaua e ikaika ana, a i loaa ai no Hoi i kokoolu nona, loaa ka hoakuka ma na hana apau o ke aupuni.

            "No kou noonoo ole no ia mea ke manao nei au na'u ponoi e hoolala aku i kahi hana no ia mea; na'u e huli aku i kekahi moiwahine nana mawaena o na kamalii wahine o ko kakou mau aupuni, a ke manao nei ho au aole no e nele ana ke ko o ko'u makemake, ke haawi mai nae hoi oe i ka mana apau o ia hana iloko o kou lima."

            "He manao kena ou, e kunalie, i hoohali mai la a'u i noonoo mua ole ai. akahi wale iho la no; nani ia nau no kena manao i hapai mai la, heaha la hoi auanei, aohe a'u keakea ana aku i kou manao. no ka mea. ke ike aku nei au he manao maikai ia ou, nolaila ke haawi aku nei au ia hana iloko o kou lima, a nau ka huli ana aku i moiwahine nana.

            "Eia nae, ahiki mai la i nei manawa aole ke keiki la i hoike iki mai ia'u i kona makemake e mare, a aole no hoi wahi mea a haupu iki ae iloko o'u no kona mare, e hoohali aku ai la hoi au iaia no ia mea, he oke loa, aka, e kunane, ke hauole nei au i kou noonoo ana mai la no ia mea,

            "Eia paha auanei ka mea e holopono ole ai ka a kaua mea e kuka nei o ke kulike ole o ko kaua manao me kona, ka mea nana e mele ana, aka, aia wale no maluna ou ko'u bilinai no ka holopono o keia mea a kaua i kuka iho la, nau ia e noi aku iaia, in a no kona ae mai o ka holopono ana no ia o nei manao, a he manaloana no ko'u e holopono ana no kau hana."

            O. e holopono ana!" wahi a ka Moi Seleha, me ka leo liilii Ioa. aRa. mamua o ko'u hoike aha aku ia oe no ia wahien, e noi aku ana au ia oe e nana mua ae oe i ke keiki a kaua, ua liiamoe i'o loa paha, a i ole ke lioololo wale mai nei no paha. o lohe mai auanei i ka kaua mea e kamailio nei.

            "E hoikie aku ana au ia oe i ke kumu o ke kupono o ko'u makaala mua'ana no keia mahope aku. aole i nei manawa."

            No keia olelo aku la a ke kaikunane kiei i'o mai la ke kaikuahine, a i kona ike ana mai ia Beera e hiamoe ana me ka nonolo o ka pukaihu, he hoailona o ka hiamoe loa e lohe ole aku ai i ka laua olelo, a e loaa ole ai no hoi kekahi hoohuoi no kona pauhia loa ole i ka hiamoe, i mai la i ke kaikunane "ua hiamoe loa oia."

            Eia nae ua koho hewa laua. No Bedera ia manawa e lohe aku ana no oia i ka laua mau mea apau e u kamailio mai ana, a no kona makemake e lohe mau mea apau e u kamilio mai ana. a no kona makemaek e lohe pono aku i na meae apau a na makua e kamailio ai, hoololo loa i'o iho la oia a hooikaika loa ae la i ka noonolo ana o kona ihu. Owai hoi ia mea puni ole ke ike mai i kekahi mea e hoololo hoopunimakua o ke kamailio ana i lohe ole ia e Bedera.

            Mai hoohopohopo oe, e kunane, i ka hoike mai i kou manao apau ia'u. aole oia e lohe mai ana ua hiamoe loa, mai hopohopo iki oe no kona lohe mai."

            "He mea maikai ole, " i pane aku ai ka Moi Seleha, "e lohe mua aku ka moi, kuu keiki, i ka'u mea e kamailio aku ana ia oe; no keia kumu ma ka lohe wale no kekahi poe la ea, hoomak e ke aloha; aole o'u makemake e komohia mua aku ke aloha iloko on a no ka lede a'u e hoakaka aku ana ia oeno mea mea, ke ike mua aku nei no au he pilikia nui ke hoea mai ana maluna on a, mahope hiki pono ole iaia ke noonoo hui no na hana o ke aupuni.

            "O kekahi kumu a'u e hopohopo nei aole paha ma ka aoao o ke kamalii wahine aka. ma ka aoaoa o ka moi. kona makuakani, no ka mea, he moi huhu oia. O ka'u wale no e hoike aku ia oe i nei manawa o ka inoa o ua kamaliiwahine la o nadala."

            "Pehea kau i kamailio mai la e kunane/" I ninau mai ai ka Moiwahine Gulenare, "aole ka i mare ke Kamaliiwahine Giohare?"

            "ke hoomanao nei au i ka'u ike ana iaia he manawa pokole mamua aku o kuu haalele ana aku ia oukou; ia manawa, aneane he umu-kumamawalu wale no on a mahina ke oo. a eia nae, iloko no o ia opiopio loa on a ea. he u'i maoli i'o keia ua kanaka makua loa kau la.

            " He keu aku ka hikiwawe o ka ulu o kona kino in a ua wahine aku la oia. no ka mea. he mau makahiki kaikahi wale ae nei no i hala ko'u kaawale ana mai nei i nei aupuni, aole no hoi e nele i'o aku Ia kona u'i.

            "Ua oi aku kona mau makahiki i ko kuu keiki nei, nolaila ma ia ano aole e hoopaneeia ana ko laua hoomare kokeia ae in a no ka holopono nei o ka aeia mai ma kela aoao. ua kupono loa laua kekahi na kekahi. Heaha na pilikia au i hoakaka mai nei?"

            "E kuahine." i pane mai ai ka Moie Seleha. "o ka pilikia a'u i olelo mua aku nei ia oe ea, he ano maikai ole ko ka Moi o Samanadala noonoo no'u. pela ko'u hoomaopopo.

            "He alii hookiekie a haakei loa oia, ua nana iho oia iaia iho me he mea la oia ka oi ae maluna o na moi e ae apau o ke kai a i ka nana aku mamuli o ia ano haakei on a, me he mea la aole on a makemake e hoohuiia kekahi o kona ohana me kekahi ohana alii e ae.

            "Eia nae, e hoao aku ana no au e hui me ia a noi aku i ke kamaliiwahine o Samanadala, ke kaikamahine ana, e haawi mai i wahine na kuu keiki, a in a no kona hoole mai, alaila hoike hou mai au ia oe, a ia manawa kaua e keka ai noila kona mea e lilo mai ai:

            "Aole pono keia mea e hoike ike ia aku i ke keiki. no ka mea. aole i maopopo ka lilo mai: e kali ahiki i ka maopopo mea. aole i maopopo ana o ko ka Moi o Samanadala ae maikai mai.

            "Eia hou." wahi a ka Moi Seleha. " he hopohopo ko'u o lilo ke aloha nui o ke keiki i ke Kamaliiwahine Giohare i mea nui iloko on a a holopono ole hoi ka kaua mea e kuka nei e lilo mai ke Kamaliiwahine Giohare ia kaua.:

            No kekahi manawa hou aku ko laua hoomau ana i ke kamalio no keia kumuhana, a mamua o ko laua hookaawaleia ana. ua hooholo like laua e hoi koke ka Moi Seleha no kona aupuni kai a hele aku e noi i ka lima o ke Kamaliiwahine Giohare na ka Moi o Peresia.

            No ka loaa ole o kekahi manao kanalua i loko o ka Moiwahine Gulenare ame ka Moi Seleha no ka hiamoe loa o Bedera. ua hoala aku la laua iaia ia laua i makaukau ai e hoi aku e hiamoe, a ala ae la no hoi ka Moi Bedera, me he mea la ua kaia loa ia i ka hiamoe kuliplip ka hooninipo no kekahi manawe e kikookoo ai ahiki i ke ku ana ae, a olelo mai la i na makua, "Eia ka ua hiamoe loa ia iho nei au."

            Ma ka mea oiaio maoli aole oia i hiamoe; aole wahi hua olelo hookai a na makua o ka u kamailio ana i lohe ole ia a i paanaau iaia. o ke kii o ka helehelena a na makua i kahakaha ia ma ka laua kamailio ana no ke Kamaliiwahine Giohare ua paanaauau loa iaia mai ka mua a ka hope, a ua hooniia ka noonoo o ka moi i ke aloha, he mea ano hou loa i komo mai la iloko o kona noonoo i loaa ole kahi mea o o ia ano iaia mamua kau.

            Mamuli o kona lohe ana i na mea apau a na makua e kamailio ana no ka u'i o ke kamaliiwahine, a no ka hele aku o ka makuakane e noi i ka moi o ke Aupuni Samandala, me he mea la ia manawa e kuokoa mai ana no na kaoaka o ke kamaliiwhine imua on a.

            O ka manaolana, o ke kuko, o ka makaalahia, oia mau mea ka ukana nui a kona naau e noonoo nui ana. a no ka ikaika loa o nei manao iloko on a e lilo mai ke kamaliiwahine o ke aupuni kai iaia. ua hoohalaia ka hapanui o ia poe ia me ka noonoo nui, hele mai la la loko a paila kolohala i ka waipuna.

            No kekahi la ae ka Moi Seleha i hoolala ai no kona hoi aku i kona aupuni kai. No ka maopopo mua i ka Moi o Peresia e hoi ana kona makuakane, aole no kekahi hana e ae, aku, no ke noi wale ana aku no ia i ka lima o ke Kamaliwahine (Hohare e lilo mai nana. ua hiki ole iaia ke hna i kona hauoli, me ka lolo mau o kona helehelena, he hauoli hoi na makua i haoaho nui ai aka. nou. e loa mea heluhelu, ua ike mua ae nei oe i ke kumu, ua eha loko i ka hana apiki a ke aloha.

            No ka nui loa o kona aloha ua hiki ole iaia ke hoomanawanui me ka ike ole aku i ka mea a kona noonoo i kaunui ai, ua hiki ole iaia ke kali ahiki i ka holopono ana o ka aelike no ko laua hoohuiia ae ma ka mare.

            Hooholo iho la oia e noi aku i ka anakala. ka Moi Seleha, e lawe pu iaia i ke Aupuni Kai me ia. a oiai oia e makemake ana e hunakele loa ia manao hele on a i ka makuahine i mea e hiki ai iaia ke kamailio ma-lu aku i ka makuakane noo iho la oia e kamailio oia i ka makuahine e hele ana i ka hahai holoholona no elua a ekolu la, alaila  hoi mai me kekahi o kona mau kanaka. Ma keia ano oia i hooholo ai i makuakane no ko laua hele pu aku i ke Aupuni Kai.

            I ka holopono ana o keia manao a oiai oia ame ka anakala. ka Moi Seleha. ma kahi ma-lu a ua lehulehu no hoi na manawa o ko laua hui ana o laua wale no, ei nae, aole loaa iki iaia ka manao aa e kamilio aku ai i ka anakala, elike me kaua i noonoo a i hooholo ai me ka paa o ka manao e noi aku no ko laua hele pu.

            I ka wa i ikeia aku ai o ka nui o na holoholona ahia u hahai aku kela ame keia o ko lakou poe i na holohona a lakou e makemake ai, ma ia hana ana ua kaawale ka Moi Seleha mai iaia aku. aohe hookahi o kona mau liikoa a mau ukali i noho mai me ia; ia manawa lele iho la oia ilalo mai kona lio iho. ma kahi kokoke i kekahi kahawai, a i ka paa ana aku o kona lio i kekahi kumulaau iloko o kekahi uluaau, a hina iho la iluna o ka mauu. a malaila oia i noke ai i ka uwe me ka hookahe aku i kona mau waimake.

            No kekahi manawa loihi kona moe ana malaila me ka noke mau ana i ka uwe; o kona noonoo apau aia wale no i Manua, i ke kamaliiwahine nani ana i ikemaka ole ai o ke Aupuni Samandala, me ka hoopuka ole i kekahi uaolelo hookahi.

 

MOKUNA IX

            E waiho iki kaua e ka mea heluhelu iaia malaila e uwe haanipo ana a e huli ae ka kaua nana ana i ka Moi Seleha me ka nui o lakou e uhai la mahope o a holoholona ahu.

            Ua loihi loa ka manawa i hala i ka Moi Seleha o ia hahai ana mahope o kona holoholona ahiu poina loa oia no ke keiki ka Moi Bedera.

            Me he aha la ia haupu ana ae ana. i huli mai kona hana ihope aole ikeia mai o ka Moe Bedera. no kona ike ole mai ua hoopihoihoi loa ia kona noonoo no kona hopena aohe no hoi he kanaka a ae ma kahi kokoke mai iaia e hiki la hoi ke ninau aku no ka Moi bedera.

            O kona huli hou mai la no ia ihope a ua loihi no ia wahi ana o ka hoi hou ana mai. o kona ike aku la no ia ma kahi mamo i ke ku o ka lio o ke keikialii iloko o ka ulualaau.

            Ua hoomaopopo oia i ke ano e o ka heluhelena o ke keiki i ka la mamua aku aohe on a hoihoi mai e like me kona ano i ka la mamua aku aohe on a hoihoi mai e like me kona ano mau mamua aku, ka hoihoi mau, a ua lilo no ia ano e on a i mea nana e nalu a e hoohuoi ai.

            Ia ike aua aku no ana i ke ku mai o ka lio hoomau loa aku la oia i ka holo ana ahiki i ke ku ana iho ma kahi kokoke loa. o kona ike aku la no ia i ke keiki iloko o ke kulana kaumaha. elike me ia i hoakaka muaia ae nei. ia wa koho koke iho la oia ua lohe ka paha ka Moe Bedera i ka laua mau mea o ke kamailio ana me ka kaikuahine. ka Moiwahine Gulenare, a ua make ka moi opio i ke aloha no ke kamaliiwahine o ke Aupuni Samanadla.

            O kona lele iho la no ia ilalo mailuna iho o kona lio. a i ka paa ana o ka lio i ka nakiiia i kekahikumulaau. alaila me ka hoohalulu ole o kana hele ana e puiwa ae ai ke keiki ahii i kona kokoke loa ana aku, lohe maopopo aku la oia i ka moi opio i ka hoopuka naa ae i keia mau huaolelo me ka moakaka loa:

            "O e ke kamaliiwahine nani o ke Aupuni Samanadala. ka mea a'u e lia nei a i moe ole ai hoi o kou po. he kaheaka wale no o kou helehelena ka mea i hoakakaia ma ia'u. koe ko'u ike maka ana aku i kou helehelena. eia nae. ua paa. naau loa kou kii ia'u me he mea la e ku okoa mai ana no mamua o'u.

            "Aohe kanalua iki iloko o'u e like me ka oi aku o ka malamalama o ka la mamua o ko ka mahina ame na hoke hee e ae apau o ka lani, pela no ka oi kelakela aku o kou nani mmua o ko na kamaliiwahine e ae apau maluna o ka ihi honua.

            No ka makemake ole iho la o ke Moi Selha e lohe hou aku, hele aku la oia me ka halulu o na kaina wawae i ike mai ai ka Moe Bedera iaia, a ku iho la maluna pono, a pane iho la:

            "E kuu kieiki, ma ka'u mea e ike aku nei ia oe i loaa @@ la ia'u keia ike ua lohe ka oe i na mea apau a maua i kamalio ai me ko makuahine ma ka la aku la i nehinei no na mea e pili ana i ke kamaliiwahine o ke Aupuni Samanadala nolo hoi o ko mau pukaihu. aole la oe e lohe ana i ka mana mau mea e kamailio ana, eia ka he hiama hoopunipuni wale no kau no kou makemake paha a lohe mai i ka mana mau mea e kamilio ana.

            "O ka hana pono loa ma ko maua aoao oia a makaaha loa e lohe ole ai oe. in a paha maua i haalele ia oe ma @ahe au e hoololo ana a hele aku la maua maloko o kekahi runu ana i nei manawa ua loheia e oe na mea apau, a ke ahew loa nei au ia'u iho no ko'u hooi ole ana aku i ka makaala ma ko'u aoao."

            "E kuu anakala aloha," i pane mai ai ka Moi Bedera. "he oiaio, o na olelo apau a olua e kamailio ana no kela kamalaiwahine. ua lohe ia e a'u mai ka mua a ka hope. aole wai@ huolelo hookahi i nele ko'u lohe, a ma kau mau olelo a pau e hoakaka aku ana no ka u'i lua ole o kela kamaliiwahine na paanaau loa ia'u me he mea la aia mau mamua o ko'u mau maka kona mau helehelena kahi i ka mai ai me he kii la i kahakahhaia.

            "i kaua aku au ia oe e noho iki mai no kuu makemake e hoakaka aku ia oe i ka mea nui iloko o kuu naau a'u e hu poi nei ahiki i nei manawa: ua lehulehu na manawa i hookikinaia ae ai au e kamailio aku ia oe, eia nae. no ka nawaleke honua wale iho no i ke aloha me ka ike maka ole. no ia kumu i upiki loa ai au i kuu mau lehelehe aole i hoike aku ia oe.

            "O ka'u noi ia oe, in a he aloha kou ia'u. mai hoopanee oe i ke noi ana aku i ka moi o ke Aupuni Samanadala e ae mai i ke kaikamahine ana i moiwahine na'u, in a nae he makee kou i kuu ola mai ka make mai, no ke aloha wale mai nona."

            Ua illo nei mau olelo a ka Moi o Peresia i mea hookahala loa i ka noonoo o ka Moi Seleha, no ka mea. o ka holopono ame ka holopono ole o kana misiona e hele aku a iimua.. ka Moi o Samanadala no ke noi ana aku i kana kaikamahine i wahine nana he ninau paakiki ia iaia. e aeiama nana paha a aole paha.

            Aole hiki iaia ke hana me ka holopono ke ole e lawe pu iaia me ia, oiai he mea kupono loa ia e hanaia. oia kona hoea kino aku i kona aupuni, i hiki ai ia ka mea keiki ke ike mau ka helehelena o ke kane, a i ike ai no hoi na mea elua e ma nao ana e hoohuiia laua ma ka mare.

            Noi aku Ia ka Moi Seleha i ka Moi o Peresia e hoomauna ae i kona noonoo alole e hookupouh@ loa ahiki i ka maopopo ana o ka holopono o ia hana. a e hooikaika naa no hoi oia ma na ano apau e like me ka hiki i kona mana ke hana a e kahi i koe, a in a ho ka holopono o ia manao alaila. wahine laua, a i ka wa e holopono ai e hoi hou mai ana oia a hoike mai no ia mea iloko o kekhai mau la kakaikahi.

            Ua huli na pepeiao o ka Moi o Peresia i keiam mau olelo aku la apau a ka Moe Seleha; aohe kuli maoli, aka. aohe makemake e hoohakaliaia ka hookoia nana mai o kona makemake.

            "Aloha ole no ka hoi oe ia'u." wahi a ka Moi o Peresia o ka pane aha ae; "ua maopopo loa kou aloha ole ia'u ehia me ka'u i manao ai. o kou ike mai paha ia'u ua make me keia aloha ka oi aku mamua o kou ae ana mai i ka'u noi mua loa e noi aku nei ia oe iloko o ko'u mau la o ke ola ana @@ hoi e ike koke aku au iaia."

            "ua makaukau au e hooko aku i kou makemake, e ka Moi o na Peresia," wahi a ka Moi Seleha, "aohe hana au i makemake mai ai ia'u e hana aku no kou pono e nele ko'u @@@ aku, aka. no kau noi e hele pu oe me a'u aole hiki ia'u ke ae aku. ke noi mua ole oe i ko makuahine, a ae maikai mai oia aku. ke noi mua ole oe i ko makuahine, a ae maikai mai oia

            "Heaha ana kana e kamailio mai ai no kaua? E ae mau ana anei oia ia oe e hele pu me a'u? E ae mai ana oia ia'u e lawe ia oe? No'u iho. ua makemake au e lawe ia oe ke@@ maikai nae oia. owau no kekahi i makemake e noi aku ia oe aka. nana aku nae au noka makuahie."

            "O e kuuanakala." wahi a ka Moi o Peresia, "aole oe l@ mea naaupo aole e ae mai ana kuu makuahine e haalele iho au iaia. nolaila, heaha ka waiwai o ke noi ana aku iaia me ko ike maopopo mua no i kana pane e haawi mai ana @@kau noi?

            "Nolaila, no keia kumupale au ma kou aoao i loaa aku @@ ia'u ka ike me ka maopopo loa i ka liilii loa o ka noonoo loaa ia oe e hooluolu mai ia'u. Ina he aloha kou ia'u el@@ me kou aloha ia'u i kekahi manawa i hala a'u i manaoia e hoi koke aku oe i kou aupuni a e lawe pu aku ia'u me oe

            Mahope o ko ka Moi Seleha noonoo ana no kekahi manawa hooholo iho la oia e hooko aku i ke noi a ka moi o Peresia, ia manawa wehe ae la oia i ke komo mai kona manao manalima ae, maluna o ia komo e kau ana na inoa i kakaua o ke Akua elike me ia i kakauia maluna o ke sila o ke M@@ Solomona, a mamuli o ia mau inoa i ikeia ai kekahi m@@ hana mana.

            Ma ka manawa ana i haawi aku ai i ua homolima li i aka la: "E lawe aku oe i keia komo a hoopaa iho ma kou ma@@ manalima. A mai maka'u oe i ke kai ame ka hohonu o ia moana."

            Lalau mai la ka maoi o Peresia a hoopaa iho la ma keke manamanalima. a ia paa ana. i hou aku la ka Moi Seleha. "E hana oe elike me ka'u e kauoha aku ai," a ia manao ku like ae la laua iluna a lele like aku la no kahi o ke kai ana loihi loa ia laua u hoea like aku la i ka haleallii o ka Moe @@alii, lawe loa aku la ka Moi Selehu i ka Moi o Persia a hoolauna aku la i ka moiwahine, ka makuahien aoo o ka Moi Selha.

            Kulou iho la ka Moi o Peresia a honi iho la i ka lima o ke kupunawahine alaila apo ae la ke kupunawahine me ka pi a ika hauole no ia ike ana ae i ka moopuna.

            "Aole au e ninau aku ana no kou ola kino, a ke hauoli nei au no ia ike aku o'u i kou ola kinoa ohaha.

            "O ka'u mea e ninau aku ana pehea kou makuhine. kaikamahine. ka Moiwahine Guelnare?" i ninau ae ae ke kupunawahine.

            Ua makaala loa ka Moi o Peresia ma kana pane ana ao e oiaio hoike aku no kona haalelo ana aku i ka halealii me ka ae ole mai o ka moiwahine, ka makuahine aka ua pane al@@ la oia ma ke ano pokole loa ihe maikai ua kona ole kino @@@@@ @@@@@ @@@@ (Aole i pau.)@@@@@@@