Ka Nupepa Kuokoa, Volume LVI, Number 11, 15 March 1918 — WAIHO HOU AE KE KIURE NUI HE HOOPII AHEWA E Hookolokolo Hou ia ana o Owana me Kona Mau Hoa no ka Hewa Ohumu HE MAU HOOPII AHEWA E AE KEKAHI I LOAA I KE KIURE E Hoolohe Hou ia Ana ka Hihia Pepehikanaka o John Kekaula Imua o ka Aha [ARTICLE]

WAIHO HOU AE KE KIURE NUI HE HOOPII AHEWA

E Hookolokolo Hou ia ana o Owana me Kona Mau Hoa no ka Hewa Ohumu

HE MAU HOOPII AHEWA E AE KEKAHI I LOAA I KE KIURE

E Hoolohe Hou ia Ana ka Hihia Pepehikanaka o John Kekaula Imua o ka Aha

Mnhope iho o ka uoho ana ae o ke kiure kiekie o ke Teritore, a noonoo i kekahi niau hihia i waihoia aku imua o kela kiure, no kekahi mau la ae nei i hala, i waiho mai ai ia i kana hoike ma ka Poalima aku nei, e hoakaka ana i ka loaa hou ana o ka liopii hoahewa e ku-e ana ia Mrs. Theresa Owana Belliveau, Rev. Saniuel K. Kamakaia ame •James K. Kealoha, no ka hewa ohumu, ma ua mea e pili ana i ka palapal'a kauoha hooilina a ka Moiwahine Liliuokalani. Malalo o keia lioopii hoahewa i hoihoiia mai e ke kiure k'iekie mamua aku nei, a i hooloheia ai imua o ka Lunakanawai Kaapuni Heen, ua hookuuia ka poe i hoopiiia, malalo o na noi dimara . a ko lakou mau loio, no ka pololei ole ' o ka hoopii hoahewa, a ke manao nei ka aoap o ke aupuni, mahope iho o ka hooponoponoiā una o ; nft wahi i hemahema 0 kela hoopii, e ku ana ka hihia, no ka hoōloheia o •na'crteldike, J 'inā na aoao a elua imua o ka aha, pela pu lioi me ka hihia apuka, i hoolohe ole ia elike me ka hoopii hoahewa kahikō a ke kiure i waiho ae ai ma ka lakou hoike. Kauia ka Hoopii Pepehikanaka No ka hihia hoi o ke koa Paele, o ka hopuia ana, mahope o ka pepehi ana i kekahi haole luina a make, ma o ka hou ana i ka pahi ma ke alanui Kukui me Muliwai, ua loaa i ke kiure kiekie he hoopii hoahewa e ku-e ana iaia, ma ke karaima pepehikanaka ma 'ke degere ekahi. Mawaho ae o kela mau hoopii hoahewa a ke kiure kiekie i hoihoi ae ai e hoike imua o ka aha, ua waiho pu aku ka Loio Kalana Brown me ke kakāuolelo o ka aha i kekahi mau palapala hoohiki, me kekahi mau ike hou, e ku-e ana ia John Kekaula, no ke karaima pepehikanaka. He mauawa pokole wale ,ae nei no i hala i hooloheia ai ka hihia o John Kekaula imua o ka aha, a hookuuia mai oia, mamuli o ua oleloike a na kauka, no ka inake ana o ka wahine a ka mea 1 hoopiiia, malalo o na kumu maamau; aka nae o na ike hou i loaa i ka aoao o ke aupuni, he mau palapala hoohiki, mai kekahi poe i' ike i ke ano o ka pepehiia ana o ka mea i make e John | Kekaula. Maloko o keia ike hou i loaa i ke aupuni, e olelo ana ia, ua pepehi aku o John Kekaula ia Louisa Maluna, ka wahine e noho pu ana me ia, me ke peku .ana iaia, a ma ka la 23 o Dekemaba, i make aku ai oia. He ekolu mau palapala hoohiki o ka i waihoia ana aku imua o ka aha, i ka- | kauinoaia e Kaimiola, Lizzie Kaimiola , ame Mrs. Daniel Kamahu. Maloko o ka KainUola olelo hoohiki, e hoakaka ana ia i konaiike ana i ko John Kekaula pepehi ia Lo'uisa; ma ka Lizzie Kaimiola palapala hoohiki hoi, e olelo ana oia i kona ike ana ia Mr. Kekaula e j pepehi ana ia Louisa, a mahope iho o | ka hina ana aku o ka wahine ilalo, ua j peku aku la no kekahi mau mahawa, a • i kona komo ana mai e ake'ake'a, ua ! huli aku Ja o John Kekaula e hoopilikia i iaia. I Ma ka Mrs. Daniel Kamahu olelo hoohiki hoi ,oia pu kekahi maloko o ka halewai, i ka manawa i laweia aku ai o Louisa, kona kaikaina, a wahi ana, ua make mua kona kaikaina, mamua o ke konio ana aku iloko o ka Halema'i o na Ulia Poino. MANILA, Mar. 4,—Lehulehu na Kelemania i hoohanaia malalo o na Amerika maanei a i hoopauia mai ka hana mai e kipakuia aku ana mai na Mokupun| Pilipine aku. E laweia aku ana lakou maluua o ka nloku lawekoa e ku i hou mai ana.