Ka Nupepa Kuokoa, Volume LVI, Number 12, 22 March 1918 — Page 6

Ka Nupepa Kuokoa

KE KILOHANA POOKELA NO KA LAHUI HAWAII.

HE MOOLELO NO

BEDERA

Ka Moi o Peresia

AME KO

GIOHARE

Ke Kamaliiwahine o ke Aupuni Samanadala

I kela ame keia la ua hoouna aku la oia i na koa ma o amaanei no ka huli no i ka Moi Bedera, a me ia nui no nae o kana hooikaika ana, aohe no he wahi ike i hoihoiia mai iaia e pili ana nona.

Nolaila, o ka hauoli ana i moeuhane ai no ka aeia mai o ke Kamaliiwahine Giohare a no ko laua hoohuiia ae hoi ma ka mare me ka Moi Bedera. ana i manao ai he hana ia e hanaia ana a holopono. ua hooloiia ae i haua hoopilikia koikoi mau i upu ole ia.

Ma ia hope mai haalele iho la oia i ka hooponopono ana i ke aupuni iloko o na lima o ka makuahine, ahiki i ka loaa ana mai o kekahi nuhou maikai a ino paha no ke keiki, a hele aku la e noho moi maluna o ke aupuni Samanadala, a oiai oia malaila ua kaa mai malalo o kana hookele ana na hana apau o ke aupuni. me kona makaala mau i ka haawi ana aku i kana mau hoohanohano ana i ka moi, oiai nae, he pio ka Moi a Samanadala nana ia manawa.

Ma kela la hookahi a ka Moi Selcha i hele aku ai no ke aupuni o Samandala. ua hoea mai la ka Moiwahine Gulenare. ka makuahine o ka Moi Bedera. ua noho mai la a haohao no ka hoi ole aku o ke keiki me ka makuakane no ka halealii. i ke aupuni a ka makuahine e noho hoomalu ana. a holo okoa mai la no ko laua aupuni.

I ka hala ana o na la ekolu o ke kaawale ana aku o ka Moi Bedera me ka Moi Seleha no ka huakai hahai holoholona ua hoomaka ka Moiwahine Gulenare e haohao no ka hoi ole mai o laua. o na kanaka e ae a ka moi o ka hele pu nui ana ka i hoi mai, aole nae ka Moi Bedera ame ka makuakane kekahi pu mawaena o lakou.

Ua ninau aku oia i ka poe i hoi mai ai. aole nae hookahi o lakou i hoike mai i kahi mea e pii ana no laua. a ke ike la no oe. e ka mea heluhelu i ke kumu, aia laua i ke aupuni kai ia manawa.

Ua koho koke ka moiwahine ua mamao loa paha ka laua hahai ana mahope o na holoholona hihiu, elike me ia ikeia i kekahi mau manawa lehulehu mamua aku, oia ke kumu o ko laua hoi koke ole mai. eia nae. mahope o kona kali ana a hala kekahi mau la hou. aohe no he hoe mai, nolaila ua pilihua loa kona noonoo a ulu mai la na kuko ino koho wale o kela ame keia ano. ua halawai laua me ka poino, nolaila, elike me ke ano o na makuahine i pili ke aloha i ka lakou mau keiki. ua hiki ole ke hoonanaia ahiki i ka maopopo ana o ka hopena.

Ua hooko oia i keia manao on a, nolaila, me kona hoike ole aku i kekahi o kana mau wahine kauwa no kona hele. a mahope o kona kauoha ana aku ia lakou ua makemake oia e noho mehameha oia hookahi wale no, a iaia no ka ike aohe mea e ike mai ana iaia. o kona lele aku la no ia iloko o ke kai, i kaawale ae ai na manao hoohuoi mai iaia aku, oia hoi, ua lawe maoli ia no e ka Moi Seleha ka Moi Bedera no ke aupuni kai.

Iaia i hoea aku ai i ke aupuni o ka Moi Seleha, mai hookipaia aku paha oia e kona makuahine me ka hauoli, in a aole i hoohuoiia kona kumu o ka hoea ana aku.

"E kuu kaikamahine." wahi a ka makua hine, "ua maopopo iau aolu nou ke kumu o kou hoea ana mai la ianei, no ka mea. he hao wale no keia hoea ana mai la ou. I hoea mai la oe no kou makemake e loaa aku ia oe kekahi ike e pili ana i ka Moi Bedera ame ka makuakane, aole anei oia ka mea oiaio?

"Ina no ka Moi Bedera kau makemake e lohe aku i kahi mea nona. ke hoike aku nei au ia oe aoher au mea e hoike aku ana nona no kona wahi e noho mai la i nei manawa, o kau wale no e hoike aku ua hoea mai laua ianei, ua ike au iaia. a mai ia laua mai no kou lohe ua holo loa mai no ka laua ianei me ka hoike mua ole aku ia oe, a ia manawa ike iho la au e haohao ana oe me ka hoehaeha nui ia aku o kou noonoo.

Alaila hoakaka mai la ka makuahine i na mea apau i hanaia. elike me ia i pau mua ae nei i ka ikeia e oe. e ka mea heluhelu. a me ka nalowale honua ana o ka Moi Bedera, ana o ke koho ana ua hoi hou la i ke aupuni o Perseia, eia ka aole.

"Ua kauoha au i na kanaka e hele e huli iaia." wahi a ka makuahine."o ka Moi Seleha no hoi kekahi i hoouna i na kanaka e hele e huli. aole nae hookahi o ia poe i hoi mai a hoike ua ike a i ole ua lohe lakou i kekahi mea e pili ana nona.

"Ma keia la aku la ka Moi Seleha i hele aku la a lawe i ka hooponopono ana o ke aupuni o Samanadala malalo o kona mana, a hoonoho iho nei iau nau e hookele i keia aupuni.

"Ua hoopaaia ka Moi o Samanadala maloko o kona hale alii i nei manawa. a ke noho mai la oia he pio i nei manawa oia ko ka Moi Seleha kumu o ka hele ana aku la e malama ia aupuni. a ia manawa like e huli aku ana oia i ka Moi Bedera.

"Mamua aku nei ua huliia oia maanei a maloko o ke Aupuni Samanadala, aohe i loaano keia manawa e manaolaua iho kaua e ike hou ia akuana no kona helehelena ma keia mua aku i ka manawa a kaua e ike ole ai e hoea mai ana nae oia ia manawa."

Aole hiki i nei mua olelo a ka makuahine ke hoonana aku i ka noonoo o ka Moiwahine Gulenare, no ka mea, he manao koho wale aku no ia aia iloko o ka Moiwahine Gulenare i hooluuluu loa ia ka noonoo, ke kaumaha kahi i loku hala ole ai. o kona noonoo ia manawa ua kaawale loa kana keiki aloha mai iaia aku, no ka manawa pau ole, nolaila, helelei iho la kona mau waimaka me he mau pakua eloelo la no ka hooilo, a maluna o ka Moi Seleha. kona kaikunane kama hoahewa nui loa ia manawa.

I ka ike ana aku o ka makuahine i ka pili kaumaha loa o ke kaikamahine hoao aku la e hoonana a e hoomaalili ae i ke aloha i ka i ana aku:

"He meaoiaio no ko kaikunane ka hewa, aole i pono kona kamailio ana aku ia oe no ka mare koke o ka moi opio me kona maopopo mua ole i ka manao o ka makua nana ke keiki, ua pono no paha ia kamailio ana aku ana ia oe no ia mea in a la hoi e waihoia eia a kaawale ka moi opio ma kahi e loa e lohe ole mai ai i ka olua kamailio ana.

"Mai pono no kana laweana mai i ke keiki in a kuka mua aku me oe a apono maikai mai oe, eia ka, o kona lawe mai no ia me kou ae a ike ole mai i ka laua hele ana, a i lilo ai ia hele malu ana mai a laua i mea hoopilikia aku i kou noonoo.

Aka oiai aole i maopopo loa i keia manawa ka make o ka Moi o Peresia, malia ke ola mai nei no oia o ka maopopo ole nae o kona wahi e noho mai nei i nei manawa eia kou manao, e pono oe e hoi e malama i ke aupuni elike ka loihi me kona kaawale ana mailaila mai, no ka mea, o kahi kupono loa, ia nou e noho ai, i nana aku i ka hookele pololeiia mai o na hana o ke aupuni.

"E ike ana no oe i ka liilii loa o ka pilikia o ka malama ana i na hana o ke auouni e mau ai ka maluhia elike no me ia au i haalele aku la, in a no kou hoike aku imua o ka lahui i kaawale mai no ka moi mai ke aupuni mai no kekahi manawa no ka hele wale ana mai no e ike ia makou, a hoi aku no," wahi a ka makuahine.

I ka lohe ana o ka Moiwahine Gulenare i nei mau olelo ao maikai a ka makuahine, hoomakaukau iho la oia no ka hoi aku no ke aupuni Perseia, a he manawa ole no hoi ia hoi ana aku ana hoea ana i ke kapitala. mamua o ka hiki ana i kekahi poe ke ike ua kaawale oia i kahi mamao no kekahi manawa.

Haawi koke aku la oia i ke kauoha i kekahi o kana mau kauwa e hele e huli i ka poe i kauohaia ai e huli i ka moi, kana keiki. a in a no ko lakou loaa ana. no ka mea ua maopopo aia ia manawa kahi o ka moi e noho ana a e hoi koke mai ana no oia maloko o kekahi manawa pokole no kona aupuni.

Ua kauoha pu aku la oia i na luna aupuni e hoolaha aku ma na wahi apau o ke kulanakauhale holookoa ua maopopo kahi o ka moi e noho ana ia manawa, a ua kokuaiamai keia manao o ka moiwahine e na kuhina ame na luna upuni apau, a i ka holopono ana o nei hana hoomau aku la oia i ka hookele ana i ke aupuni me ka maluhia me ka holomua o na hana apau. elike no me ka wa e hookeleia ana e ka Moi Bedera.

MOKUNA XII.

E waiho kaua, e ka mea heluhelu i ka Moiwahine Gulenare e hookele ana i ke aupuni o Peresia, a e huli hou ae ka kaua nana ana ihope i ka Moi Bedera. Ua ike kaua mamua ae nei ua lilo ka Moi Bedera he manu, a ua laweia e ke kauwa wahine a ke Kamaliiwahine Giohare a haaleleia iluna o ka mokupuni i nohoia e na kanaka.

I ka ike ana o ka Moi Bedera oia hookahi wale no ke noho ana ma kahi ana i haaleleia ai a he kino manu hoi kona, ia manawa ua hookahaha nui ia kona noonoo, no ka mea. he kino kupanaha loa kona ia manawa a e make ana paha oia i na kanaka o ia mokupuni in a no kona ikeia mai.

O kekahi mea nana i hookaumaha loa i kona noonoo oia kona ike ana iho iaia aia ma kahi ana ia manawa, a aia la mahea ke upuni o Peresia kahi i ku ai a pehea la kona mamao mai kona aupuni mai, a pehea aku la la ka noonoo o kona makuahine nona ame ka ohana apau, a pela hoi me kona mau luna aupuni ame na makaainnana.

Ua lilo keia mau mea apau i mau mea hoouluku loa me ka hoehaeha loa i kona noonoo, a no na manawa lehulehu kona hoahewa ana iaia iho. no ka mea mamuli o kona makemake ana e lilo ke Kamaliiwahine Giohare iaia, eia nae, na ua mea la no ana i aloha ai i hana mai la iaia a lilo ana he manu, aole paha auanei oia la e ike hou aku ana i na maka o kona makuahine aloha.

Ina i loaa iaia ka ike, a i ole hooiaioia mai paha ka ikaika hiki i kona mau eheu ke lawe aku iaia maluna o ka moana akea ahiki i kona aupuni, heaha ana la ka pomaikai e loaa mai ana iaia ma ia lele ana. o ka poino nae ana e ike ino ana nona ihp he kino manu kona e hiki ole ai i na mea apau ke ike mai oia ia. ka Moi Bedera o Peresia?

Aole mea hookahi e ike mai ana o ka Moi Bedera oia o Peresia he manu ka lakou mea e ike mai ana, aole hookahi mea e ike mai ana he kanaka kino manu oia, nolaila, he oi aku ka pono nona e noho iho no ma kahi ana e noho ana i kanaka noloko o ka nahelehele. he nui na mea e pono ai oia malaila, he nui na huaau, he nui ka wai, a he nui no hoi na meaai e ola ai oia elike me na manu e ae, a maluna no hoi o na lala laau e hiamoe ai i ka po.

He kulana haahaa loa keia i loaa iaia mai ka nohoalii hanohano loa mai o Peresia kona iho ana a i ka like ana me na holoholona, a mai ka halealii mai hoi i luhiehu i na mea nani o na ano like ole a i ka noho ana iloko o ka nahelehele, kahi kupono ole no kekahi alii nui o noho ai, hookahi no kumu nui i halawai ai oia me keia pilikia o kona iini ana e loaa o Kapo iaia.

I ka hale ana o kekahi mau la o ka noho na o ka Moi Bedera ma keia ano kino hiki ole ke hooluoluia mai ka noonoo. ua hoea mai la ma kahi ana e noho ana kekahi wahi kanaka kamaaina hapauea akamai loa i ke pahele manu he kanaka kiamanu paha ma kekahi olelo ana me kana upena.a i kona ike ana mai i keia manu nani lua ole o ka hulu ana i ike ole ai mamua aku, iloko o na la a pau o kona ola ana, ua piha loa iho la oia i ka hauoli no ka mea, o kona make wale ae no hoi koe, akahi no nae oia a ike i kekahi ano manu hulu unani elike me keia.

I kona kokoke ana mai ma kahi kupono, alaila, hohola ae Ua oia i kana upena me ka hookahihi ana maluna o na nahelehele, a oiai he kanaka oia i paulehia ma ia hana o ke pahele manu, ua nui ole ka luhi ame ka manawa i hala iaia ma ia hana ana no ka mea ua paa ua manu nei iaia, o kana mea haohao, he kupaka na manu apau ke paa i ka upena, i nei manu nae hoi he kew aku a ka laka.

No kona piha hauoli loa no ka paa ana o nei manu, oiai ke kilohi wale la no oia ma o a maanei e nana ai i ka nani o ka hulu, ohi awiwi mai la oia i kana upena, o kela o keia a pau kahi wahi o ka upena i ka nahaehae i ka laalaau aohe nae on a nana nui iho no ia nahaehae. no ka mea, he hana maalahi wale no iaia ka hono ana ae a paa hou, a i ke kau ana ae o ka upena i ke kua , pee aku la hoi no ka hale me me ka piha hauoli. no ka mea ua waiwai kana hana o ia la.

Iaia i hoea aku ai i ka hale hoopaa aku la oia i ka manu iloko o ka hale manu he hoolako mau oia ia mea i kona hale i wahi e hoopaa ai i na manu e loaa ana iaia a oiai aia no kela manawa i ke kakahiaka. o koua lawe aku la no ia i ua manu la ana noloko o ke kulanakauhale.

Iaia no hoi a hoea aku i ka makeke. ua ike mai la kekahi kanaka okoa aku iaia e paa ana i ka halemanu me ka manu iloko o kona lima. a hele mai la a hui me ia a ninau mai la no ke kumukuai o ka manu.

Ma kahi o ka pane aku o keia wahi kanaka no ka ninau a ke kanaka makemake mai e kuai i ka manu, ninau aku la oia i kana hana me ia manu in a e lilo aku ana iaia.

"Auwe!" wahi a kahi kanaka i makemake mai ai e kuai, "heaha aku hoi auanei ka hana i koe o ka pepehi iho no hoi a kupa aku i meaai."

"O, in a o kau mea ia e hana aku ana no keia manu. aole au e ae aku ana e kuai ia oe! Me ko ike mai no ka hoi he manu nani loa keia o ka hulu au i ike ole ai i kahi manu olike me keia ka nani mamua, alaila pepehi iho la ka oe, ka i no he malama i milimili.

"Eia hou o ke kummukuai au i haawi mai la no keia manu he liilii kona waiwaiio mamua o ka waiwaiio o nei manu. Aole paha o na wahi apana dala keokeo kau e minamina aku ai, oiai ma kau hoomaopopo iho in a no ke kuaiia aku i ka poe waiwai a minamina i nei manu. e oi loa aku ana ka mea e loaa mai ana iau mamua o kena wahi apana daa uuku au i haawi mai la." wahi a kahi kanaka nana ka manu.

"Ina hoi ha pela. pehea hoi oe i ka umi dala ma ke gula a nau hoi ka manu a kaua?" wahi a kahi kanaka makemake mai e kuai i ka manu.

"Auhea oe e ike mai oe ua elemakule au, a ma kau hoomanao ae i nei manawa. aole au manu i ike ai i ka nani o ka hulu e like me ko keia ; e nana mai no hoi oe la, ua like ka hualali o kona mau hulu me ko ke gula.

"E lwe aku ana au a haawi aku i nei manu ma ke ano he makana i ka moi; oia ka mea i ike i ka waiwaiio o nei manu; paaia aku no kau wahi dala omilumilu i mea kuai io bipi nua."

Aohe ku kou ana iho a ua wahi kaaka nei ma ka makeke kuai kana, e ninau aku i ke kumukuai o ka manu.a i ka hoea ana aku, ku iho la mawaho mai o ka puka o ka halealii, a nana aku la ma o a maanei no ka ike aku i kekahi o na kanaka o ka halealii alaila kuhea aku.

Ma ia manawa ana e ku ana aia ka moi ma kahi kokoke i ka puka aniani kahi i noho ai, oia kai ike mai i ua wahi kanaka nei, alaila kahea aku la oia i kekahi o kona ma luna i poaia e hele mai, a kauoha aku la e hele a ninau aku i kahi kanaka e ku mai ana no kona makemake a in a he manu kuai kana, e ninau aku ike kumukuai o ka manu.

Manawa ole ku ana ka luna o ka moi i poaia imua o ua wahi kanaka kaimanu nei a ninau aku la in a he manu kuai kana a heaha la ke kumukuai o ka manu.

"Na ka moi keia manu au i lawe mai la ma ke ano he makana nau iaia; he lilo aku nei ko keia manu iau i ke kuai aka no kou ike ana i ka nani o keia manu a manao mai nei aole no hoi paha e nele ana ko ka moi makemake i nei manu o kou kumu ia o ka lawe ana mai nei ianei.

"Ke noi aku nei au aia ma ou la e ae mai oia e lawe aku i nei manu i milimili nana no ka mea he noho ae nei no hoi a o kou elemakule no hoi keia aole au i ike i kekahi manu hulu nani elike me keia mamua." i pane mai ai kahi kanaka kiamanu.

O ka lalau la no ia o ka luna o ke alii i ka halemanu a lawe aku la imua o ka moi a ia hiki ana aku i aku la "I mai nei kahi kanaka i lawe mai ka oia i keia manu i makana nana ia oe e ke alii aohe ana kumukuai i hai mai nei o ka i wale ana mai nei no he makana keia nau.

"Eia hou i mai nei o kona elemakule no ka keia aole nae oia i ike i kekahi manu hulu nani elike me keia iloko o na la apau o kona ola ana e like me ka hiki iaia ke hoomanao.

"He kanaka ka ka mea i haawi mai nei hookahi dala iaia no keia manu ua hoole aku nei nae oia i ke kuai a i aku nei ka e lawe mai ana oia i ka manu i makana nana ia oe."

"Ina pela e kii aku oe i umi apana dala gula u a like me hookahi haneri ia, a haawi aku iaia i aku oe aole keia he kumukuai no keia aka, he makana nau iaia, elike me kana makana i haawi mai la nau.

O ko ka luna eleu aku la no ia a loaa na apana dala gula he umi, a iho aku la a haawi i kahi kanaka, a nau ia e ka mea heluhelu e ike nou iho, i ke ano o ua wahi kanaka la ia manawa.

"Me ka mahalo,"wahi a kahi kanaka kiaimanu me ka lamalama ana ae o na maka no ka piha hauoli ia ike ana mai i ka hulali aku o na dala lelo iloko o ka lime o ka luna a ke alii.

"Ua nui loa mai la keia kumukuai in a he kumukuai keia no ka manu." wahi hou a kahi kanaka," aka, oiai au e mea ilihune heaha auanei ka haalele ana aku ua loaa mai la i ka mea waiwai."

"Aole keia he kumukuai no ko manu i lawe mai nei he makana keia na ke alii i haawi mai nei nau. elike me kau makana i haawi aku nei iaia. pela no hoi oia i panai mai nei i nei makana nolaila la ea, e ka hoaloha, e lawe aku oe me ka manao maikai"

I ka holopono ana o keia, kaha aku la kahi kanaka kiamanu hoi me ka piha hauoli. I ka hoi ana aku hoi o ka luna o ke alii imua o ka moi. kauoha mai la ka moi iaia e hookomo ae i ka manu iloko o kekahi halemanu nani. a e hoolakoia aku me na meaai a pau i kupono na ka manu e ai ai iloko o kekahi pa gula me ka wai iloko o kekahi kiaha gula, elike me ke ano o ka hulu o ka manu.

Oiai ka moi e makemake ana e ee aku iluna o kona lio no ka hele ana i ka hahai holoholona, a ua lawe ole ka manawa nona e nana pono iho ai i ka manu kauoha mai la nae oia i ka luna nui oloko o ka halealii e malama loa i ka manu me ka maikai loa ana e ike ana a iaia e hoi mai ai ia wa e lawe aku ai imua on a no kona nana ana iho.

O ka hele hoi ia o ka moi i ka hahai holoholona a hala he mau la a ia hoi ana mai ana a no ka paanaau o ke kauoha a ke alii laweia mai la e ka luna o ka halealii ka halemanu a waihoia iho la mamua o ka moi i hiki ai iaia ke nana pono iho i ka manu lalau iho la oia a paa ae la iloko o kona mau lima a nana iho la me ka makemake nui iloko on a no ka loaa ana iaia o kekahi manu nani.

"Pehea, ua hawi anei oe i kekahi meaai maikai nana?" i ninau aku ai ka moi i ka luna nui.

"Ae, e kuu Haku ua haawi au i na meaai maikai loa au i ike ai he kupono na ka manu e ai aiʻ e ike iho no hoi oe e ka moi i ka piha o ke pa i na meaai eia nae ma kau nana ana me he mea la aole ia i ai i kekahi meaai no ka mea oia mau no ka piha o ke pa aohe i emi iho."

Ia wa kauoha aku la ka moi e haawi mai na meaai e ae na ka manu a na a manu e wae i kana meaai ono e makemake ai a he manawa ole ahu ana na meaai o kela ame keia ano mamua o ka manu.

Oiai ke pakaukau ua pau i ka haliiia a e hoomakaukau ia mai ana na meaai no ka lawe ana mai iluna o ke pakaukau. a i ka makaukau ana mai iluna o ke pakaukau aina a e noho ana ka moi ma ke poo o ke pakaukau a e haoia ana no hoi na meaai iloko o na pa i ka wa i haawi ai ka moi i ke kauoha e haawiia na meaai o kela ame keia ano na ka manu. ua upaipai ae la ka manu i kona mau eheu i ka wa o na meaai e haoia ana a lele aku la mai ka lime aku o ka moi a ku iluna o ke pakaukau a hoomaka iho la ke kiko ana i ka palaoa ame kekahi mau meaai e ae e muu ana iluna o ke pakaukau me ka lele ana mai kekahi pa aku a i kekahi.

"Kahuhu!" kupanaha maoli ka ka hana a nei manu." wahi a ka moi a ia manawa kena aku la oia i kekahi o na kuene e kii aku i ka moiwahine a e hele mai e nana i ka manu ame kana hana kupaianaha.

Me na huaolelo liilii loa ke kuene o ke kamailio ana aku i ka moiwahine e hoike aku ana i ko ka moi makemake iaia e hele mai iloko o ka rumiaina, aohe nae i hoakaka aku i ka hana i makemakeia ai oia e hele koke mai. I ke komo ana mai o ka moiwahine a ike i ka manu huna ae la oia i kona helehelena me kona uhiinaka a anehe aku la e hoi hou noloko o kona rumi.

Ua hookahahaia ka moi no ia huli ana aku o ka moiwahine e hele ia manawa aole kekahi o na kanaka i poaia iloko o ka rumiaina a i na wahine kauwa i komo pu mai ai me ka moiwahine i ninau aku ai ka moi i ke kumu o ko ka moiwahine hana ana mai iaia ma ke ano hoowahawaha loa.

Ia manawa i huli mai ai ka moiwahine a olelo mai la "E ka moi aole oe e hookahahaia ana i ka wa au e ike iho ana o keia manu au e ike ae la aole ia he manu maoli elike me kau i manao wale ai aole ia he manu aka he kanaka."

"Heaha!" wahi a ka moi me ke kahaha loa. "Ea, e ka inadame maikai" me ka oi loa aku o kona kahaha ia manawa mamua o ko ka wa mamua aku. "aole loa e hiki ana ia oe ke hoololi i kuu noonoo he kanaka keia manu he manu oia ma na ano apau au e ike mai la aole he kanaka, elike me kau olelo. ua ano e ia anei kou noonoo?"

"Aole i ano e," wahi a ka moiwahine. "o kou ike keia, a i mea nae nou e ike a e hooiaio mai ai i kau mea i olelo aku nei, e hoolohe mai or, no ka mea, aole ou makemake e hoohenehene a i ole e hoopunipuni aku paha ia oe e ka moi aohe mea oiaio e ae mawaho ae o kau mea i olelo aku nei imua o kou hanohano. A ke hooiaio hou aku nei au imua ou o ka manu ae ike aku la mamua ou, o ka Moi Bedera ia o ke aupuni o Peresia, ke kaikikane a ka moiwahine kaulana Gulenare o ke aupuni kai. a o ke keikikane hanauna hoi a ka Moi Seleha o ke aupuni kai e noho moi mai la no ia aupuni i nei manawa; a o ka moopunakane hoi a ka Moiwahine Farake, ka makuahine o Gulenare ame Seleha, ua hoololiia ae i kino manu e ke kamaliiwahine Giohare. ke kaikamahine a ka Moi o Samanadala."

I hoopauia ae ai na manao kanalua apau iloko o ka moi hoakaka mai la ka moiwahine i ke kumu o ka hoololiia ? ae o ka Moi Bedera i manu ; ua ukiuki ke Kamaliiwahine Giohare no ka hoopaaia ana o ka Moi Samanadala. kona makuakane, iloko o ka halealii ma ke ano he pio e ka Moi Seleha, a no ia hanaia ana o kona makuakane ma ke ano ? pio i kau mai ai i keia hoopai maluna o ka Moi Bedera ka moi i manao aku iaia i wahine.

Ua hoopau kokeia ko ka moi pohihihi ia manawa. no ka mea ua maopopo iaia ka mana kupua o kana moiwahine e ike i na mea kupaianaha apau, a ua kaulana oia ma ke ano he moiwahine kilokilo.

No ke aloha o ka moi i ka moi o Peresia noi mai la @ me ka haahaa i ka moiwahine, e hoihoi hou ae oia i ka moi o Peresia elike me kona ano kanaka mamua aku me ka @ kupua i loaa iaia. oiai he ano kaulana maikai ole loa @ Moi Bedera ke nana aku ia manawa.

Ua haawi koke mai la ka moiwahine i kona ae a i mai @ nae. "E oluolu hoi ha oe e hoi ae iloko o kou rumi i nei manawa me ka manu, a nau ia e hoihoi hou ae i kona ano mamamua iloko o ka manawa pokole, a ia manawa oe e hookani aku ana oe iaia i ke kanaka ui au e mahalo iho ai."

Ua pau ka ai ana a ka manu ia manawa i kona lohe ana ae i nei kamailio a na alii no kona hoihoi hou ia ae a i kona ano kanaka elike me mamua, aole ia i haawi mai i ka moi i manawa nona e hopu iho ai a hapai aku iaia. aka hele mua aku la oia noloko o ka rumi o ka moi a ka moiwahine i olelo mai ai.

Ua hoea koke aku ka moiwahine iloko o ia rumi he manawa pokole mahope iho me kekahi kiaha wai e paa ana iloko o kona lima i piha i ka wai. Iaia i komo aku ai namunamu liilii iho la oia i kekahi mau huaolelo a ka moi i lohe ole mau ai i ke kiahawai ahiki i ka paila ana ae o ka wai alaila lawe ae la oia i kekahi wai iloko o kona lima a pipi aku la maluna o ka manu me ka hoopuka pu ana ae i keia mau huaolelo.

"Ma ka mana o ka huaolelo hemolele pohihihi loa au e hoopuka aku nei a ma ka inoa hoi o ka Mea Mana @ Nana i hana i na hana kupaianaha ma ka lani iluna a ma @ honua nei ka mea hoi Nana i hoala mai i ka mea make mai ka make mai a i kokua mai hoi i ke ao holookoa ke kauoha aku nei ae e haalele oe i kou ano kino manu i kea manawa. a e hoi ae a kou kino mua i hanaia mai ai e ka Mea Nana i hana i na mea apau."

Aohe i pau pono aku ia mau olelo a ka moiwahine, ma kahi o ke kino manu a ka moi i ike ai mamua iho, ua ike aku la oia i kekahi moi opio kanaka ui ana i ike ole ai i kahi kanaka ua elike me ia mamua maloko iho o kona aupuni.

Ia manawa haule koke iho la ka Moi opiio Bedera maluna o kona mau kuli me kona mau maka e kulou ana ilalo me ka hoomaikai ana ae i ke Akua mana loa no Kona lokomaikai palena ole no ka pomaikai i loaa mai la iaia ia manawa.

Mahope iho o kona ku ana ae iluna hopu mai la oia i na lima o ka noi a honi ihp la no ka hoike ana mai i kona hauoli ame kana hoomaikai, a ia manawa i lele aku ai ka moi a apo hauoli no ka ike ana aku iaia ua loli ae a kona kino kanaka.

"A ike pono oe e ka moi i ka oiaio o kau mau mea i hoakaka aku ai ia oe aole keia he manu aka he kanaka opio ui. He moi no Peresia." i pane aku ai ka moiwahine. "Ua hoopauia ae la anei kou kanalua?"

"Aohe kou he kanalua. aohe no hoi he hoomaloka no ka mea ua maopopo iau kou ike kilokilo ame kou mana aka he kahaha kou no ka lokoino maoli o ka mea i hanaia mai e kela kamaliiwahine aloha ole maluna o ia nei; ua hala aku ia nae hoi kana make. wahi a ka moi, mahope o kona hookuu ana aku i ka Moi Bedera.

He makemake ko ka Moi Bedera e haawi mai i kana hoomaikai i ka moiwahine, eia nae, ua oili mua aku la ka moiwahine a hoi pololei aku la noloko o kona rumi moe. a no ka makemake loa o ka moi e loaa i manawa kupono no lana e ike ai, kauoha aku la oia i kekahi o na kauwa a ka moi wahine e hele a hoike aku i ka moiwahine e hele mai a hui me laua ma ke pakaukau aina.

Ua hookoia mai ka kauoha a ka moi. a no kekahi manawa loihi ko lakou noho ana maluha o ke pakaukau. I ka manawa i pau ai ka lakou ai ana a hoi nui ae la aloko o ka rumi hookiipa, ua ninau hou mai la ka moi i ke kumu o ko ke Kamaliiwahine Giohare hana ana i kekahi hana lokoino @ ma o ka hoolili ana ae iaia kekahi moi opio ui a lilo manu a ia wa i hoakaka aku ai ka Moi Bedera i na mea apau elike me ia i makemakeia mai ai e ka moi e hoike aku.

I ka pau ana o kana moolelo elike me ia i pau mua ae @ i ka ikeai o oe, e ka mea heluhelu, ua piha loa ka moi i ka huhu no kela hana a ke Kamaliiwahine Giohare, a ua hoopukaia ae eia kekahi mau olelo ikaika e ahewa ana ma @ ano apau.

"E hoopoina kakou i ka noonoo hou ana maluna o keia kumuhana maikai ole a e hoike mai iau ano ina he mea kekahi au e hana aku ai no kou pono." wahi a ka moi.

"E ka moi o ka aie au i aie nui aku ai ia oe, ua nui loa @ e hiki ole ai iau ke hookaa, nolaila au i noonoo iho la e pono au e noho kanaka aku malalo ou iloko o na la apau o koa ola ana no ka haawi ana aku ia oe i na hooiaio ana apau @ ka hauoli nui au e ike nei no kou hoopakele ana i kuu ola.

"A oiai nae hoi, aole oe i kaupalena i kou lokomaikai @ kaʻu noi ia oe. e oluolu oe e i kaupalena i kou lokomaikai @ kau noi ia oe. e oluolu oe e haawi mai i moku nou e hoi aku ai i kou aupuni i Peresia ; ke hopohopo nui nei au i nei manawa e lilo ana kou kaawale loihi loa ana mai kou aupuni mai i mea nune nui ia e kou lahui kanaka, a e haunaele ai paha ka noho ana o na kanaka, a ina aole kela e makuahine, no ka mea, aole au i hoike aku iaia no kou hele mai.

"Eia hou ua ike no oe i ka manao o na makuahine he piha ko lakou aau i ke aloha no ka lakou mau keiki. a me he mea la aia iloko on a na manao ulupuni ke hana la i ka po ame ko ao me ka moaa ole o ka maha, no kona noonoo ino mai no kou hopena i maopopo ole iaia."

He noi manicai keia i ka manao o ka moi. nolaila, ua haawi koke aku la oia i kona ae me ka oluolu loa e hiki ana e @ iaia. Ma kekahi la ae ua hooko ka moi i kana hoohiki ma o ke kauoha ana aku i na kanaka kapili moku apau o kona aupuni, a he manawa ole ua paa ae la ka moku i ke @ a hoolakoia mai la me na mea apau e pono ai ka moku @ kekahi no hoi ia o na moku maikai loa i kapiliia malo@ ia aupuni.

I ka makaukau ana o ka moku a hoolakoia no hoi @ kanaka, na lakko ai, ka wai ame na pono e ae apau e lako @ ka moku; aole i poina ka moi i ka hoolako ana ia moku me na koa.

I ka malie maikai ana o ka moana a loaa no hoi ka makani maikai, ee aku la ka Moi Bedera iluna o ua moku @ mahope o kona haawi ana aku i kana mau hoomaikai @ ole i na moi lokomaikai o ia aupuni o kana mau olelo @ loa o ka olelo aka aku. " i noho a i ku ka makemake e @ ae e makaikai i ke aupuni o Peresia, e hoike mua ae ia @

MOKUNA XIII.

He maikai ka makani e pa ana ia manawa mahope o ka moku. a oiai ka moku e holo ana me ia maikai aole ulia @ ino i ikeia a hala na la he umi, aka nae, i ka hala ana @ mau la ua loli mai la ka pa ana a ka makani ma ke kukulu hema. hoomaka mai la ke kai e ooloku. pii mai la na @ a kawahawaha, hooinaikaika loa mai la ka pa ana a ka makani ahii ika hakihaki ana o na kia, pou na pea i ka nahaehae. a paialewaia ae la ka moku i o a ianei me he wahi apana papa la e olepelepeia ana e na ale, a i ka hope loa. ikaia ae la ka mou a ili iluna o na puu pohaku a pau iho @ i ka nahaha.

(Aole i pau)