Ka Nupepa Kuokoa, Volume LVI, Number 12, 22 March 1918 — Page 8

Ka Nupepa Kuokoa

KE KILOHANA POOKELA NO KA LAHUI HAWAII.

Teritore O Hawaii.

Keena o ka Puuku, Honolulu, Oahu.

Ma ka hana e hoopau ana i ka THE SCHUMAN BUILDING, LIMITED. OIAI. o ka THE SCHUMAN BUILDING LIMITED, he hui ia i kukuluia a e ku ana malalo a ma ka mana o na kalawai o ke Teritore o Hawaii, i kulike ai me ke kanawai i hooniakaukauuia ma na hana o keia ano, ua waiho ia aiai @oko o keia keena he paiapala noi no @a hoopau ana i ka hui i oleloia, hui pu me kekahi palapala i hooiaioia i hoohui pu ia me ia. elike me ia i koiia ai ma ke kanawai.

NOLAILA, ma keia ke haawiia aku nei ka hoolaha i kekahi mea, a i na @anaka no apau he mau kuleana mamua a e kuleana nei paha i keia ma@wa ma kekahi ano iloko o ka hui i oleloia, e pono e waiho mai i na kue ana no ka ae ia aku o ka palapula noi @ oleloia maloko o keia keena, mamua @e a ma ka hora 12 awakea o ka la 31 o Mei, 1918, a o kela ame keia mea @ makemake ana e hooloheia aku mal@ o ia mea he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu. ma ka hora 12 awakea o ka la i oleloia a e hoike mai i ke kumu. in a he kumu kekahi i wahi e ae ole ia aku ai ka palapala noi i oleloia.

C.J. McCarthy,

Puuku, Teritore o Hawaii.

Honolulu, Maraki 12, 1918.

@2@6---Mar. 15. 22, 29; Apr. 5, 12, 19, 26: May 3, 10, 17.

TERRITORE O HAWAII

Keena o ka punaku, Honolulu, Oahu.

Ma ka hana e hoopau ana i ka L. Y. AIONA LAND COMPANY LIMITED. OIAI, o ka L. Y. AIONA LAND COMPANY, LIMITED, he hui ia i kukuluia a e ku ana malalo a me ka mana o ne kanawai o ke Teritore o Hawaii, i kulike ai me ke kanawai i hoomakau kauia ma na hana o keia ano, ua waiho @ mai iloko o keia keena he palapala nui no ka hoopau ana i ka hui i oleloia, hui pu me kakahi palapala i hooiaioia i hoohuui pu ia me ia , elike me ia i kooiia ai ma ke kanawai.

NOLAILA, ma kein ke haawiia aku nei ka hoolaha i kekahi mea, a i na kanaka no apau he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na ku e ana no ka ae ia aku o ka palapala noi i oleloia maloko o keia keena, mamua @e a ma kahora 12 awakea o ka la 17 o Mei, 1913 , a o kela ame keia kanaka e makemake ana e hooloheia aku maluna o ia mea, he pono e hoea kino ae ma ke k@enn o ka mea nona ka inoa malalo iho maloko o ka Hale Mana Hooko, Honolulu, maka hora 12 awakea o ka la i oleloia, a e hoike mai i ke kumu, in a he kumu kekahi i wahi e ae ole ia aku ai ka palapala noi i oleloin.

C.J. McCARTHY

Puuku, Teritore o Hawaii.

Honolulu, Feberuari @, 1918.

@2@3---Mar. 1, 8, 15, 22, 29, Apr. 5, 12,

19, 26: Mei 3.

MA KE KAUOHA.

HOOLAHA E WAIHO MAI I NA KOI

Mamuli o ka mana i loaa ia u malalo o na kumu o ka Aelike Helu 8 i hanaia o ke Kaiana o Hawaii ame P. F. Hur@ey, no ka hana ana i ka Mahele o Kukaiau o ke Alanui Holopuni o ke Kalana o Hawaii i oleloia, e paa i ke koena e ukuia aku ai i ka Mea Paa Aelike, i ka wa e paa pono ai ka haua, no ka uku ana aku i na aie e kue ana iaia, ma kein ke noiia aku nei ka Poe Paa Aie apau o P. H. Hurley i oleloia, no, a i pili paha i ka Aelike i oleloia, e waiho mai i mea hoomanao o ka lakou koi me keia keena.

O na koi apau i loaa ole mai ai he hoikeia i kela. keena mamua ae o ka la 26 o Maraki, 1918, aole e hooloheia ma ka hooponopono hope loa a@a e ke Teritore me P. H. Hurley, o ia hoi e ha@aia ana ma kela manawa.

M. G. K. HOPKINS

Lunahooia, Teritore o Hawaii.

6283-Feb. 22; Mar 1, 8, 15, 22.

HOOLAHA.

I na On a Kuleana o Honuaula, Mau.

O ka põe apau he mau kuleana ko la kou a i kuleana paha iloko olaila. malo ko o ka Apana o Honuaula. Maui. ke noiia aku nei e hele mai e ike, a i ole e kakau mai ia

J.M. MONSARRAT.

Loio ma ke Kanawai, 501 Hale Stangenwald, Honolulu. Kelepona 5889.

6875-@

 

HOOLAHA I KA POE PAA AIE O KA HAWAIIAN HOTEL, LIMITED, HE HUI I HOOPAUIA

Oiai ua hookohuia mai ka poe no lakau na inoa malalo iho nei, ma ke kauoha a C.J. McCarthy, Esq., Puuku o ke Teritore o Hawaii, i hanaia ma ka la 29 o Ianuari, 1918, ma ke ano he mau Kahu no ka Poe Paa, Aie ame ka poe Paa Mahele o ka Hawaiian Hotel, Limited, i kona wa i hoopauia ai, me ka imana e hooponopono aku i kona mau waiwai i kulike ai me ke kanawai, nolaila ma keia ke haawi aku nei i ka hoolaha i ka poe apau he mau koi ka lakou e ku-e ana i ka Hawaiian Hotel, Limited, i oleloia, e waiho mai i ua mau koi la i hooiaio pono ia, ma na keena oihana o Smith, Warren & Whitney, na loio no na Kahu malalo iho nei, maloko o ka Hale o ka Banako o Hawaii, ma ke kihi o na Alanui Papu me Kalepa, maloko o Honolulu, T. H., a i ole i kekahi o na Kahu ma ke kino, ma a i ole mamua ae o ka pau ana o kanaiwa (90) la mai ka la aku o keia hoolaha ( o ua la la, o ia no ka la o keia hoopuka mua ia ana ) , o hoole mau loa ia aku.

Hanaia, Honolulu, T.H., Feberuari 15, 1918

A. A. YOUNG,

C. C. von HAMM,

W. H. BAIRD,

Kahu no ka Poe Paa Aie ame ka Poe P@a Mahele o ka Hawaiian Hotel, Limited, he hui i hoopauia.

6282-Feb. 15, 22; Mar. 1, 8, 15

HOOLAHA AKEA.

Oiai ua waihoia ae na hoohalahala ma o na nupepa la no ke ano o na mea i hanaia aku i ka poe kuai mai, e kekahi poe kuai maloko o ka Makeke Kuai I'a, ma ke kihi o na Alanui Moi me Kekaulike, ke makemake nei ka mea nona ka inoa malalo iho nei, Wing Lock Hong Society, he ahahuiu kukaawale, e komo pu ana kona mau lala, he poe Pake wale no e haawi aku i hoolaha akea elike me keia.

1. I kulike ai me na @ula a ka Luna-hooponopono Meaai, ke kuaiia uei na ia apau ma ke kaumaha, a ua hiki i ka mea kuai mai ke nana i ke kaupaonaia ana o kekahi ia e kuaaiia ana eia, me ka maopopo loa o ka nui o kana mea e kuai ana.

2. Ua kauia ke kumukuai ma ke kuai liilii e ka Lunahooponopono Meaai. Ua hiki i ka mea kuai mai ke nana maluna o na papaeleele maloko o na makeke pakahi me ka hoohewahewa oe i ke kumukuai o kela ame keia ano ia i na la apau.

3. Ua hooponopono kekahi poe kuai ia me ka lakou poe kuai paamau, e hoouna mai ana i na kauoha i kela ame kaia la ma ke kelepona. No ka hoolako ana aku i keia poe, e hookaawale a ae ana ka ia e ka poe kuai ia e loaa aku ana ia mau kauoha a mahope e laweia aku ai i ka mea kuai mai. Aole he ia i hunaia malalo o na pakaukau kuai a i ole iiloko paha o na pahu hau a i ole ma kekahi mau wahi e ae paha e ka poe kuai ia koe wale no ka poe i hoouna mua mai i ka lakou mau kauoha.

Eia ke hooikaika nei na lala apau o keia Ahahui ma na ano apau, e hana like aku me ka Lunahooponopono Meaai Federals, a ke hoeueu aku nei lakou i ko lakou poe kuai, e waiho mai imua o ka Ahahui, ma o kona kakauolelo haole la, Pang See, ka mea e noho nei ma kahi kuai o L. K. Tomy & Co., ma ka Makeke o ke Alanui Mor, i na kue ana a i ole ka hoao ia ana paha e kue na @ula hooponopono a ka Lunahooponopono no Meaai, e ikeia ana.

WING LOCK HONG SOCIETY, Ma o PANG SEE la, Kona Kakauolelo ma ka Olelo Haole. Kelepona 3232. Honolulu, Maraki 14, 1918. Pakaukau Kuai Helu 32 ame 33 6286---Mar. 15, 2.

HALA KA MEA ALOHA HE KANE.

I ka Lunahooponopono o ka Nupepa Kuokoa, Aloha oe:---E oluolu oe e hoo komo iho ma kahi kaawale o ka kaua milimili i kela mau huaolelo e kau ae la maluna.

Oiai, ma ke komo ana ae la o ka anela o ka make a kaili aku la i ka hanu ola o Mr. Kum Ing, ke kane a ko makou hoahanau i aloha nui ia, Mrs. Kum Ing, ma Honolulu.

Nolaila, o makou o na lala o ka Ahahui Aloha o na Wahine o Hanalei, Kanai, ma o ko makou mau komite la, ke komo pu nei makou me oe e ka makuahine i hooneleia i ka makua ame na keiki ame ka ohana hoi e auamo pu i kou mau ehaeha ame ua luuluu no kau mea alohaa he kane, a makua hoi o keia aina malihini, i hala aku, me ka manaolana mau no he makua nui ko kakou ma-o.

E kuu Makua e,

Kuu Haku makemae,

I Ou la au e hele ai,

O oe kuu pomaikai.

Ma ka hoopau ana ae i keia, ke haawi aku nei makou apau kou mau hoapaahana o ka Ualoku o Hanalei, i ke aloha a nui nou ame na keiki a kou, i hooneleia i ka makua, ame ka ohana pu hoi; a na ke Akua no e kiai mai ia kakou oiai kakou e noho kaawale ana. O makou no,

HUI ALOHA O NA WAHINE O HANALEI

Ma o na komite la: Mrs. Fanny Samuela, Mrs. Elizabeth W. Werner, Mrs. S. Aarona, Mrs. O. Kuaphui.

Hanalei, Kauai, Mar. 3, 1918.

HE MEA KUPONO NO KA OHANA

He mea pono e hoolakoia kela me keia ohana me ka Laau Hamo Eha a Chamberlain i na wa apau. E hoola koke ia aua ka ma ui i ka manawa pokole ke hoohana koke ia. O ke kua lolo, ke poohiwi lolo, ka eha ma ka aoao ame ka umauma ame ka hui o ka @umatika, o kekahi mau mai ia i ikeia ai ka waiwai o keia laau. E hoao i keia laau hamo, a e hookamaaiua me kona mau ano, e ike auanei oe i kou makemake man ia mea. Eia ke kuaiia nei e ka poe kuai laau lapaan a@ Benson Smith & Co., na akena n@ Hawaii---Hoolaha.

HE HOALOHALOHA NO KA MA KUAHINE MRS MARY BACLE.

Ma ka liula o ke ahiahi o ka Poalima, Feberuari 22, 1918, ma ko laua home ma Koloa, Kauai, a imua hoi o ke alo o kana mau mea aloha, kana mau lei i biipoi ai ame kana kane i pili aloha ia iloko o na makahiki he nui wale, o ko laua walea a hooluana ana iloko o ke aloha maemae o ka ma@e, ka waihona hookio o na mea uni i hele a luhiehu mai ko kakou Makua aliha mai, ka Mea Ihiihi loa ma na lani, a malaila no ka uhola ana o na manao hooulu o ka wahine, ame ke kane no na mea e pili ana i keia ola honua ana, o ia hoi ke kaana ana i na mea e hauoli ai, e pela hoi i na mea e kaumaha ai; a o keia mau mea ae la, ua puunaue ia ia e ka makuahine nona keia hoomenao ana ame kana kane ana i aloha ai, oiai laua ma keia ola aua; aka nae i ka wai loaa mai ai o ke kauoha mai kona Makua aloha mai ka lani mai, ma ka wa i ole loia ae, u@ hooko aku la oia ia polai mai kona Makua mai, a o ka hele aku la no ia e hoolohe ana i kona Mea Kiekie, a waiho iho la i keia kiuo he lepo; a hookoia ae la ka ko kakou Haku i kana mau haumana i ka olelo ana aku: "Na ka poe make no e kanu i ka poe make"

o ka makuahine nona keia hoomanao aloha ana, Mrs. Mary Ba@le, o ko makou makuhine no ia ma o ka Haku la.

Ua hoohanohano aku makou iaia ma keia inoa: "He kiai no ka Ekalesia Euanelio Ahahuina Hawaii mua o Koloa." He kiai naue ole no ka ekalesia i oleoia, a hala wale aku la. "Pomaikai ka poe make, ke make lakou no ka Haku."

Kona kulana iloko o kona ekalesia:

1. He kumu no ka papa a na makuahine o ke Kula Sabati i na makahiki hala aku. 2. He hoakuka ame lunahoomalu o ke komite haipule o ka Ahahui C. E. Makua. 3. He hope peresidena no ka ahahui o na wahine "Hui Aloha a Manawalea o Lihue" ma Koloa noi.

Nolaila, o makou kona poe hoa lawehana na hoahanau o ka Ekalesia i oleloia na haumana o kona Kula Sabati i oleloia, na lala o ka Ahahui C.E. i oleloia ame na lala o ka Hui Aloha a Manawalea o na Wahine i oleloia, ke komo pu aku nei makou me oukou, na mea aloha a ka makuahine aloha i haalele mai ma o na komite la, ke kaana like ana i na haawina ehaeha a ke aloha hooniua puuwai no ka makuahine i haalele mai ia kakou.

Hooholoia, o ka makou leo pule i ko kakou Makua, ka Mea Kiekie loa, e hooma@a mai ia oukoua ka ohana i hookaumahaia, a Nana no e hoopomaikai mai ia oukou:

Hooholo hou ia no, e hoounaia i hookahi hope o keia olelo hoalohaloha i ke kane ame ka ohana o ka mea i haalele mai; a i hookahi kpe ma ka nupepa Kuokoa ame Puuhonua o na Hawaii; a e hoopaaia keia ma ka Buke Moolelo o kona Ekalesia, Kula Sabati, C.E. ame Hui Aloha.

SOL. K. KAULIL,

HENRY BLAKE,

Komite Ekalesia;

MRS. HENRY BLAKE

MRS. KAWENA KAULILI.

Komite Kula Sabati;

MRS. GEO. KAUPIKA,

MRS. MARY PIIMOKU,

Komite C. E;

MRS. HENRY BLAKE,

MRS. OLOPUA,

Komite Hui Aloha.

KUUPAU I KA HOLO O KE KAA HALAWAI NAE ME KA PILIKIA

Mr. Lunahooponopono, Aloha nui oe:--Ma ka la 27 o ka mahina i hala i hookui ae ai elua kaa oto truck ma Hana, Maui, he mau kaa hana keia no ke kalana, a loaa keia pilikia, me ka eha ana o kekahi mau kanaka hana.

Eia ka moolelo i loaa ai i kou meakakau: I ka wanaao Poakolu, ua hoea mai na kanaka hana no kahi e kali aku ana na kaa, no ka lawe ana aku i kahi o ka hana i makemakeia. I ka makaukau ana o na kanaka e kau iluna o ke kaa, ua hoomaka aku la ke kaa mua e holo, oiai e poeleele ana no ia manawa, hora eha me ka hapa ia manawa.

He elima minuke paha ka mamao o ke kaa mua, hoomaka aku ana ka lua o ke kaa e holo aku mahope. Oiai o ke kaa mamua e holo la he wahi i pukukui uuku kona, o ke kaa hoi mahope aku nei e kuupau aku nei i ka holo, aole on a i pukukui; ekolu hapaha mile paha mai ka halekaa aku, hookui aku nei ka kaa mahope aku nei o ke kaa mamua. Ua puiwa na kanaka o ke kaa mamua no keia pilikia, no ka meu, aole ike aku o keia poe i ke kaa mai mahope, no ka poeleele ame ka hoa ole ia o ke kukui.

I ka manawa i ike aku ai o ke kiakaa o ke kaa mahope aku nei i kela kaa ma mua, aole e hiki ke hoopaa i ka holo o kona kaa, oiai he ekolu anana paha ke ka-wa, o ka hookui aku la no ia mahope. He ekal@ no kanaka hana ame ke kiakaa maluna o ke kaa mai mahope, o Geo. Naihe ame D. M. Kalana, o ko laua mau kuli ka i poholehole; o Wile Wailehua ame Ham, he mau eha no ka i loaa ia laus.

O eia põe i eha, aole lakou i haule ilalo, aka iluna iho no o ke kaa ko lakou wahi i eha ai. Nakekahi mau lima kokua i kii mai ia lakou, hookauia maluna o ka otomobile a laweia i ka have kauka, malaila lakou i lapaauia mai a@ aka, e hala ana he mau la alaila pau kela pilikia. Ina paha he holo me ke kupono aole e loaa he mau pilikia.

Kou kiu, F.M.

Hana, Maui, Mar. 1, 1918.

 

HOOHUILA MA KA BERITA MAEMAE O KA MARE.

I ke Kapena Ahou@ o ka Mokulana i ke Kai, Mr. Sol. Hanohano, Welina pu kaua:--E oluolu mai kou hanohano in a he wahi keena koe o kou moku no kau wahi puolo mae mae e kau ae l@ maluna, a nau hoi ia e lawe aeie aku ma na ale hanupanupa o na kai ewalu, i ike mai ai na lehulehu puni meahou, o kaua, e nanea ana ma na home o lakou, no ka hoea aku o ka kaua milimili, ka ipukukui malamalama o ka Moana Pakipika nei.

Ma ke kakahiaka nui poniponi o ke Sabati, Mar. 3, 1918, i awaiauluia ae ai o Joseph Haili Keahi Jr me Miss Mary Perry, ma ka berita maemae o ka mare e ka luakini o Maliekamalu. Ua ukali puaku no na makua o kek ane ma ka laua huakai no ka mare, o ia hoi o Mr. ame Mrs. H. Keahi.

I ka pau ana o ka mare ua hhuli hoi ma la lakou maluna o na otomobile no ka home o na makua o ko kane ma ke kula panoa wela i ka la o Punalau i "Ka Ua Palipoikaohu o Honokohau i Maui," oiai hoi ka ohana e noho aku ana me na makaukau apau no ka hookipa ana mai i ka paa mare, maluna o na pakaukau i luluu a luhiehu no hoi me ua mea e eha ai o Hanale ia Koni Bulu.

Nolaila, mawaena o na hora 10 ama 11 i hoea mai ai na mea mare ame@ makua, e ukali ana no mahope o ka laua mau keiki i aloha nui ia. Noaila, i ka hoea apa o na mea mare ma ka home o ko laua mau makua, ua hoomaha liilii laua no kekahi mau minuke elima a oi aku paha, alaila, ua makaukau na mea apau maluna o na pahau kau 2 i hoomakaukauia e ka ohana ame na komite hookipa, Mrs. Annie Kalama, Mrs. Kalei Ah Fon, ke kaikuahine o ka mea mare, ame Mrs. Emily Atkins. Nolaila ua hookipa mai na komite i na mea mare mamua a o ka ohana mai no hoi mahope a piha na pakaukau i hoomakaukau ia; aka, mamua nae o ka noho ana o na mea apau maluna o na papaaina, ua hoolaunamua ia aku la na mea apau i ke paa mare, no ka lululima uloha pu ana hoi me laua. Iloko nae o ia mau minuke ikiiki o ke aloha o ka ohana e lululima aloha pu la me na mea mare, a i ka pau ana ae, ia manawa i haawina ae ai he leopule e Geo. Kauhi i ka Makua Lani kiekie loa, o ia hoi e loaa i na mea mare ka nohona kupono a maemae ame ka hoohua nui ana mai iloko o ko laua nohona kino ana; alaila, ua noho iho na mea apau maluna o na papaaina a "help themselves" wahi a kanaka.

I ka wa nae a na mea apau e walea ana i ka ono o na mea apau i hoomakaukauia maluna o keia mau papaaina ono, ia mauawa i puiwa hikilele ae ai na mea apau ame kou mea kakau nei, i ke kani kikikou ana mai o na kahuli leo lea o na lalani mauna o E@ke, mamua o ka lanai o ka @umi aina o na mea apau e haupa aha mea na kuhikuhiuia ono o na mea apau i hoomakaukauia me keia mau lalani mele kaulana:

"Imi au ia oe ke aloha la,

Ma na paia aala o Eeke;

Ihea la oe kahi nalo iho uei,

Hoi mai no kaua e pili."

I ka hooki ana ae hoi o ua mea apau mai keia mau papaaina ae, ia manawa i loheia aku ai he leo hooho hauoli no ka hoea ana mai o na lede hanohano o ka ahahui o na Honoapiilani, malalo o ke alakai ana a ka peresidena o ia ahahui, Mrs. Mina Apo. Nolaila, i ka makaukau ana o ke komite hookipa mai la i keia mau lede hanohano o ka Ua Paupili maluna o ka papaaina. Ia manawa i houhenehene mai ai ke Kai Malino o Kona Glee Club, me keia mau lalani mele kaulana o ua lai nei e ehu.

He aloha e a o Kona e,

I ke kai e maokioki e!

Mahope iho o keia papaina i hoea mai ai na keiki o ka Malu Kukui poina ole o Kaukaweli me kekahi o ka lakou kumu, Wm. Makaena, a hookipaia mai la no lakou e na komite hookipa o ka la, maluna no o na papaina i luluu mau no me na meaai ono o kela ame keia ano, e hiki ole ai i kou mea kakau nei he helu papa aku apau pono.

O key no hoi ka papaaina hope i hookipaia mai e na makua, no ka hanohano o ka laua mau keiki, ka ohana ame na Jehulehu i kipa mai ma ko laua home. A no ka hoomau ana aku i na hauoli no na hora i koe o ka la, a no ka hanohano hoi o na mea mare ame ke lehulehu na ka Lahainaluna boys no ia o kela ulu kukui poina ole o Kaukaweli me ka lakou mau mele ui ame kela "steel player" mai ia C. R. Lindsay Jr mai, ke keiki a ka hope makai nui o Lahaina i hala.

Nolaila, na keia mau puukani opio i hoonanea ae i kela anaina nui makolukolu i hiki aku paha ka huina i ka 250 a oi aku, ahiki i na hora 3 ame 4 o ka @o ka auwina la, a hoi kela ame keia me na manao hauoli a hoomaikai nui i na makua na laua ke kama, i awaiaulu ia ae la me ka iwipolena o ka Mookupuni o Oahu a Kakuhihewa.

Mawaena o na hora 5 ame 6 o ke ahiahi ana iho i huli hoi mai ai na ohana i koe, o ke kama nona ka la.

Nolaila i ka hooki ana ae i keia makapeni maluna o ke aiai laumania o keia mau apana pepa liilii, ke hoomaikai nui nei keia makapeni i na makua na laua ke kama kane, i hokeia ae la maluna no ka olua lokomaikai nui i pahola mai i ka ohana ame ka nui lehulehu apau i hiki aku e komo pu i ka hauoli ana no ka olua keiki i haalele mai la i ka pili aloha pu ana me olua na makua, a pili aku la oia me ka mea ana i lawe ae la i hoa ohumuhumu pu nona, ma na meahuna apau o keia nohona kino ana. No ka mea, ua ai, ua inu a kena i na mea maikai apau i paholaia mai ia makou ka ohana ame na lehulehu no apau, a ua hoi puolo pu no hoi i ke alo o na alii wahi a ka olelo.

Ke plue pu nei hoi i ke Akua no na keiki a kakou no ka hooloaa ana mai i nohona maemae, aloha a kuikahi pu ana i na la apau o ko laua nohona, hauoli iloko o keia ao nui akea, elike me ka loko maikai ana mai o ko kakou Makua Lani e hooloihiia ko laua mau ola a kanikoo, palalauhala, kaikoko a moe i ka moena o ia hoi ka ke Akua ola.

Ke noi pu nei ohi i ka oluolu o ke komite hookipa, e hoonui ae i ko oukou eleu a makaukau ma ka oukou hana no kekahi manawa e hoea hou mai ana, i kau mau aku no ka hoomaikai no oukou na lala ekolu o ke komite hookipa.

Nolaila, maluna ae o na mea apau, ke pule pu nei au no kakou apau e hooloihiia mai no ko kakou mau ola apau, a olino hou mai ia la kamahao a poina ole hoi.

Me ka Lunahooponopono âme kou mau keiki onin hua mekada poina ole kou welina hope. Me ka haahaa,

DAVID KAPAKU.

Honokohau, Mar. 3, 1918.

HCI LUULUU I KE ONE O HANAKAHI.

Mr. Lunahooponopono o ke Kuokoa, Aloha nui kaua:--E oluolu hoi oe iau e ahai aku ma na kaiaulu aloha o kaua i kela mau wahi huaolelo walohia e kau ae la maluna, i ike mai ai na kini, na ohana o kuu moopuni aloha.

Oiai, ua ha@lele mai i keia ola ana i ka la 26 o Feberuari, 1918, kuu moopuna Miss Mary Lehia Nihipali i aloha ia, i keia ola ana, a hoi aku la ka uhane i ke akua, ke kino i ka lepo, a ko iho la kana i olelo mai ai, o ke kanaka i hanauia e ka wahine he hapa kona mau la, ua piha nae i ka popilikia. Ua nui no na hooikaika ana a ke kauka, aole nae ia he mea e lanakila ai.

Ua hanauia mai oia mai ka puhaka mai o Wm. H. Nihipali, ma Hauula nei, i ka mahina o Augate 25, 1903; nolaila, ua piha iaia na makahiki he 14, a make wale aku la uo.

Nolaila, ke haawi nei au i ka mahalo i ka poe i ala pu me au i ka po ame na ohana, a oi loa aku kou mahalo i na kumukula i ao iaia ame kona mau hoa kula i holewa pu aku i kona kino wailua no kone home lepo.

Me ka mahalo. Owau mau no,

SAM. M. NIHIPALI.

MAKE I ALOHAIA MA PUNALUU.

I ka Lunahooponopono o ka Nupepa Kuokoa, Aloha oe:--E oluolu e hookomo iho ma kahi kaawale o ke kino lahilahi, ka uwila o ka paeaina. Mamuli o ke kipa hale ana mai a ka anela o ka make, ma ka Poaha, ka la 28 o Feberuari, 1918, a lawe aku la i ka uhane o Mr. Kanae Nui Palila, ma ka home ma Haleaha o kana kaikamahine hookame, Mrs. Helen H. Holi, e malama aloha i ka pono o ke ola elemakule ana, a he nui kana mau elemakule ana e pulama nui ne@me kona aloha.

Ua hanauia o Kanae Nui palila ma moaula, Halawa, Molokai, i maraki 13, 1822, a i ke 96 paha o kona mau makahiki. Ua mare oia i na wahine ekolu, aole ana keiki. He kaikaina kona o Mr. Kanae Liilii, a ua haalele i kana wahine ma keia ao, Mrs. Wawae K. N. Palila. He kanaka oluolu a makaala hana a hala wale aku la me ke aloha poina ole nona.

Owau no me ka haahaa,

SOL. D. NUUHIWA.

Punaluu, Koolauloa, Oahu.

HALAWAI A KA AHAHUI AUANELIO AHAHUINA O KA MOKUPUNI O KAUAI.

E noho mai ana ka Ahahui Euanelio Ahahuina o ka Mokupuni o Kauai o Mano, ma ka halepule a luakini Hawaii o Lihue, ma ka Poalima ekolu o ka mahina o Aperila o ia ka la 19, ma ka hora 10 a. m.

Nolaila, ke haiia aku nei ka lohe i na Kahu Ekalesia Hawaii, na Kahu Ekalesia Pake, na Kahu Ekalesia lapana, na Kahu Ekalesia Pilipino ame na Ekalesia Uniona, na Haiolelo, na komite, ame ua lunahoomal yo na ekalesia, e hele mai me ka makaukau me ka oukou mau hoike makahiki i ka noho ana o ka aha. E makaukau pu mai me na hoike a ko oukou mau elele pakahi.

E oluolu pu mai na Ahahui Hooikaika Kristiano o na ekalesia, na peresidena, na alakai ame na elele pakahi, me ka oukou mau hoike me ka makaukau no na hana o ia mau la e noho ai ka aha.

E oluolu pu mai na Ahahui Manawalea Aloha o ka Mokupuni o Mano, na peresidena ame ka oukou mau elele, ame ua Ahahui Kaahumanu, e hele mai me ka oukou mau hoike, me ka makaukau, ka eleu ame ka mikimiki.

Ke uonoi pu ia aku nei na Kahu Kula Sabati Nui, na Kahu Kula Sabati Apana, ame na elele e hele pu mai me ka lakou mau hoike me ka makaukau.

Ke nonoi pu ia aku nei na Ekalesia, na Kula Sabati, na Ahahui C.E., e makaukau pu mai me na mea pili i ka malama ola o keia aha.

Oiai, ua eleu a makaukau e mai la na Kahu Kula Sabati Nui i ka laua hana, nolaila, e eleu mai na Kula Sabati i na haawina ame na himeni iloko o umi minuke wale no, hana mai no hoi a miomio me ka eleeleu a hoihoi, oiai, he hoike Kula Sabati Nui keia e upuia aku nei e hiki mai ana.

E ala a e ku, e Kona, e Haalelea, na Koolau a hui mai ma Puna, Lihue, Kauai, no ka nani o ka ke Akua hana iwaena o na Ekalesia, na Kula Sabati ame na C. E.

JAS. H. K. KAIWI,

Kakauolelo o na Aha.

Niumalu, Kauai, Mar. 8, 1918.

OLELO HOOMAIKAI

O makou, na lala apau o ka Ahahui Hooikaika Kristiano o ka Ahahui C.E. o na Mokupuni o Maui, Molokai me Lanai, ke haawi aku nei makou i ua hoomaikai nui i ka Ekalesia, ke Kula Sahati, ka Ahahui Hooikaika Kristiano o ka Ekalesia o Kaahumanu, no na mea maikai i haawina mai ia makou me ke aloha pumehana, ka hookipa ana, ka malama ana i na lala o keia aha me na mea e oluolu ai ke kino, a i mea hoi e poina ole ai ia makou na mea maikai i haawiia mai ia makou, e pela pu no hoi me ke komite malama ola; nolaila ma keia mau manao maluna, ke pule nei makou i ke Akua Nana no e haawi mai i na pomaikai, ke aloha, maluna o oukou apau loa. Me ka haahaa,

MOSES M. KAHIAPO,

K. O. C. E., Mokupuni o Maui, Molokai me Lanai.

Pauwela, Maui. T. H.