Ka Nupepa Kuokoa, Volume LVI, Number 14, 5 April 1918 — NA HUNAHUNA MEAHOU O LAIE. [ARTICLE]

NA HUNAHUNA MEAHOU O LAIE.

Mr. Sol, Hanohano, Aloha kaua: —E oluolu mai i kou lokomaikai atne kou ahonui e hookomo iho hoi ma kahi kaawale o ka kaua milimili i punahele ia e na kini makamaka, mai ka la puka a ka la komo i ka ilikai. Ma ka Poakolu, la 6 o Maraki, 1918, i haalele mai ai i keia hanu ana i na ea huihui o keia ola ana, o Mrs. Kulia (w). Haalele mai la i ka ohana a waiho ke kino i ka lepo. Ua piha iaia na makahiki he 51, a hala wale aku la. Ma ka hora 7 ponoi o ke kakahiaka, Mamki 22, i pauaho mai ai o Mrs. Kini Pele Kaio i keia ola ana, waiho iho la i ke kane, na keiki, moopuna, a niau aku la i ke ala hoi ole inai, waiho iho la i ka puolo o ka luuluu me ke kaumaha na ka ohana e pauauma aku mahope nei. Aloha no ia wahine o ka aina kaulana. Eia Ewa la ua haunaele, ua ohi wale i ka i'a hamauleo, he oluolu, heahea, hookipa i na malihini ame na kamaaina e kipa mai ana; ua piha iaia na makahiki he 55 o ke ola ana, a hoi aku la i ka lepo. Ma ke kakahiaka Poaono nei o ka. la 23 o Maraki, 1918, i kalewa ae ai o Mr. iosua Manoha i kaha mau kini kulolo maluna o ke kaa hukilima, ma na ipuka hale o Laie nei, ine ka niii o ka leo. Kulolo! Kulolo! HapaluA mtikana! Ua like ka liliha me ke puaa, ke hu la ka moiuona mawaho. He u 'i mai hoi kau i ke keiki kalua kulolo o Kauai. He ma'u ia wahi meahou o na pali Koolau, a nau hoi ia e ke kapena ame kou mau aela e kau e ke mio iho ma kahi kaawale. Owau iho no ke kiu hauu ineahou, me ka oiaio. W. K. APUAKEUAU. Laie, Maraki 24, 1918.