Ka Nupepa Kuokoa, Volume LVI, Number 15, 12 April 1918 — KA MOI ALEKOHOLA MA HAWAII NEI [ARTICLE]

KA MOI ALEKOHOLA MA HAWAII NEI

Ma ka po o ka Poakolu aku la i hala, i hoea mai ai i ke panikuia ana o na hale inurama ame na.hale kuai waiona apau ma ka Mokupuni o Oahu nei, ke keehina hikimua, e kaiehu holookoa ia aku ai ka Moi Alekohola mai keia Teritore aku, a keia pepa e īnanaoio nei e hoea mai ana i ka lilo ana aku o Hawaii nei i Teritore maloo ma keia hope aku. Aole he manawa i ike nui ia ai ka holomoku ana 0 ko Honolulu'nei poe, o na lahui like ole i ke kuai 1 ka waiona, elikb me na la e kokoke loa ana i ka manawa e paniia ai na ipuka o na wahi kuai waiona apau, no ka manao o kekahi poe e hoahu i waiona 110 lakou ma na home, a i ole e hoahu paha ma ke ano, e kuai hoopukapuka aku, no ka ohi ana i kekahi pomaikai nui. Heaha ka waiwai ame ka pomaikai o ka hoahtf nui ana i ka waiona ma na home, ina e pahola mai anā ka hookapu waiona holookoa ma .keia Teritore, iloko ae nei o ka mahina o lulai, ma o ke kanawai federala, e noonooia mai la no Hawaii nei maloko o ka ahaolelo lahui ? O ka poe kuai waiona, o lakou ka i pomaikai, mamuli o ka pau ana o ka lakou waiona i ke kuai hooliloia aku i ka lehulehu, aka no ka poe i kuai nui aku i ka waiona, e lako wale ana no lakoU i ka waiona no kekahi mau mahinā pokole, a e hoomaalili ia aku ana hoi ko lakou ono rama, ma ka .hiki ana ke loaa ka rama, i ka wa nae e pau ae ai kā wāiona i hoolakoia, a oiai e kapu loa aku ana ke kuaiia o ka waiona ma Hawaii nei, e lilo ana i hana nui, a i hana hoopilikia mai, ka uumi ana i ka ono i ka rama, a makou e manao nei, he hana naauao loa, ka hoopau loa ana i ka inu rama i keia manawa, a e nele hoi na home i ka waiona e pono ai, mamua o ka hooko mau ana aku i ka ono o ka puu, a i ka wa e loaa ole ai ma keia hope aku, e ku a pilikia maoli ana ka noonoo. 0 ka poe i kuai nui i ka waiona no ke ana aku i ku-e i ke kanawai, no lakou ka ke Kuokoa e a'o aku nei, mai hoao e hookomo aku ia oukou iloko o ka pilikia, no ka mea he ko'iko'i loa ka hoopa'i no ka poe apau e ahewaia ana no keia hewa kuai waiona iloko o keia manawa, i kaa aku ai ka hooko ana i ke kanawai iloko o ka lima o na luna oihana federala maanei nei. 1 ke panikuia ana o na halekuai waiona apau ma keia mokupuni, ke manao nei keia pepa, ua hoea mai i ka hoopakeleia ana ae o kdcahi mau ohana lehulehu mai ka pilikia ae o na wa i hala, mamuli 0 ka lilo ana o ka waiona i kumu nana e ume nui aku i na dala a ka mea e hooikaika ana i ka pono o kona ohana; a ma keia hope.aku, e lilo ana oia i meā kokua aku i kona ohana; ma ke kuai ana i na mea kupono no lakou e pono ai; na mea hoi i h'ooneleia aku ai lakou, a i hookomoia aku ai iloko o ka noho pilikia ana. Me ke kanalua ole no hoi ke olelo ae, e ha'o ana na hana karaima i ike mau ia o na wa ae nei i hala, 1 ala mai mamuli o ka waiona, a e lilo ana ka poe inu waiona apau ma keia hope aku, i poe hoolilo i ka lakou mau dala, no kekahi inau mea maopopo loa e pomaikai ai lakou ilio, a e hoopomaikai ia aku ai na ohana ame ko lakou mau hoaloha paha. He mea oiaio loa, ua hoalaia mai na manao huhu, hoonaukiuki a kuaki iloko o ka poe kuai waiona, ame ka poe inu waiona, no keia hookapuia ana o ke kuaiia o ka waiona ma Oahu nei iloko o keia wa o ke kaua; ka hana hookahi no a na kanaka o na wahi i pahola aku ai ka hookapu waiona ma Amerika i huliu ai, a elike nae me ka loli hikiwawe a.na ae o ia poe ku-e, mai ko lakou mau manao hoonaukiuki mai, a i na manao mahalo me ka! hoomaikai, pela no auanei na hopena oiaio, e oili mai ana ma o kakou nei, ke nee malie aku kakou imua, me ka hoomanawanui, e ike ana no kakou i na pomaikai, ame na hua ohaha, .mamuli o ke kipakuia ana aku o ka Moi Alekohola mai o kakou aku. E kau aku i ko kakou nana ana imūa, a e ike no auanei kakou me ka hoohewahewa ole, o kakou o ka poe ilihune, ka i hoopomaikai ia mai, ma o keia hookapu waiona la, ma ke koe ana o ka kakou mau dala, a kakou e hoopu'ipu'i mau aku ana i na pakeke o ka poe lloko o kela oihana maanei.

E kuai i bona aie lahui nau i keia manawa, a hala na makahiki he umi, e hoi hou mai no ia ia oe, me ka ukupanee mahuahua, o ka mea oi aku, o ia kou lilo ana i mea kokua aku i ke aupuni ma keia kaua.