Ka Nupepa Kuokoa, Volume LVI, Number 17, 26 April 1918 — KA FEA TERITORE [ARTICLE]

KA FEA TERITORE

He mau pule kakaikahi wale no koe, alaila hoea mai i ka weheia ana aku o kekahi aha fe& nui o ke Teritore miawaho ae nei o Kapiolani Paka, a oiai he nUi ōkoa na la i koe, no ka hoouna ana mai i na īiiea hoikeike o kela ame keia papa like ole, o ka ke Kuokoa e hoeueu aku nei i na kanaka mahiai apau, na kanaka hanai holoholona, e ninau mai ma na ano apau i ke komite fea, i loaa aku ai na kuhikuhi ana, no ke ano e hiki mai ai na mea hoikeike i ka Ava kUpono, e waihoia aku ai imua o ka lehulehuv aole hoi o ka noho pu a kokoke i ka manawa a i ole, hala ka wa pono, alaila ninau mai, o komo ole auanei kekahi mau hoikeike ano nui, e lilo ai i mea e hookaulana ae ai ia Hawaii nei. He nui na inea a kekahi mahele nui o na makaainana i maopopo ole ai, a ina e hoakoakoaia mai ana na mea apau a Hawaii e hoohua nei, me ke kanalua ole ke olelo ae, e loaa ana he makeke maopopo, e hoahuia ai na hūaai, na holoholona, na hanalima ame na hana akamai, no ke kuai ana mai o ka lehulehu.

Ma na huahelu i loaa mai i ke keena poo o ke komite Bona Aie Lahui, i loaa mai ai ka ike. o Hawaii nei kekahi wahi kiekie loa, ma ka haawi ana ae i na kokua i ke aupuni o Amerika, ma ke kuai ana i na bona aie lahui, a he mea hoi na kela ame keia makaainana Amerika oiaio,« haheo ai iloko o kona naau, no na kokua a kakou i hana aku ai no ke«aupuni, iloko o keia wa o ke kaua.