Ka Nupepa Kuokoa, Volume LVI, Number 18, 3 May 1918 — E MALAMAIA NA INOA HAWAII KAHIKO. [ARTICLE]

E MALAMAIA NA INOA HAWAII KAHIKO.

Ma ka Poakolu aku la i 'hala i noho ae ai ka halawai a ka Ahahui o na Kaikamahine o Hawaii nei, ma ka home o Kuini Enia, niauka ae nei o Nuuanu, i kamaaina i na mea apau ma ka inoa Hanaiakamalama, ka home kahiko o Kamehamoha IV ame kana moiwahine, a ma ia halawai i hooholoia ae ai e ma- : lama mau ia aku kc kahea ana i na inoa Hawaii i kapaia aku 110 kekahi inau wahi lehulehu ma Honolulu nei. No ka hooko ana aku i keJa hana, ua hooholo kela ahahui, e hoomau aku i ke kahea ana i ka inoa "Leahi/' aole hoi o Diamond Head, elike me ia e kapaia nei i keia wa, a pela hoi na inoa o kekahi mau wahi e ae i hoololiloliia, e hoihoi ia ae ana ma ko lakou mau inoa kahiko i kamaaina i na Hawaii. Ma kela halawai i heluheluia ae ai kekahi mau mea ano nui i pili i ke ola ana o ka Moiwahine Liliuokalani e Mrs. j Lahilahi Webb, he haiolelo mai ia A. I F. Knudsen mai, ame ka Elele Kuhio, me ke meleia ana o kekahi mau mele kahiko, me he mea la, e hoala okoa ia mai aua no na hoomanao ana, no na hana i kamaaina, i ke au o Kuini Ema, ma kela home. Xo ka pono o ka waihona Ke'a Ulaula, e haawi ae ana o Mr. A. F. Knudsen he haiolelo i pili loa ia Hawaii nei, 0 kēla au kahiko, maloko o ka Meraorial Hall, ma ka Papa Hawaii, ma ka hora ewalu o ke ahiahi o keia Poaono, Mei 4, malalo o na hooponopono ana a ka Ahahui o na Kaikaniahine o Hawaii nei. He hapaiua ka ukukomo, o ka hele ana ae e hoolohe i ka haiole!o,-ame na hana no apau e lawelaweia mai ana. a oiai he pomaikai keia no ke Ke'a Ulaula, a he mea waiwai no hoi ka lohe ana aku i na moolelo kahiko i pili i keia lahui kanaka, he mea pono e hele nui ae ka lehulehu e hoolohe i kana haiolelo i lo&a mai ai he mau hoonaauao ana 1 keia hanauna hou. Ua hanauia o Mr. Knudsen ma Kanai, ua holoholo pu iwaena o na keiki Hawaii. ua hui pu me na kanaka kahiko. a ua lohe nui i na moolelo kahiko o Hawaii nei. ma ia ano, e liio aua kana mau mooleio e hoike mai ana ma kela po, i man mea ano hou loa imua o na Hawaii o keia au, ka poe i lihi maopopo ole i na moolelo o ko lakou lahui kanaka ame ko lakou aina. \