Ka Nupepa Kuokoa, Volume LVI, Number 20, 17 May 1918 — KE KOMISINA O NA MEAAI. [ARTICLE]

KE KOMISINA O NA MEAAI.

Uoko o keia manawa kupilikii o ka aina e halawai nei me kakou, mamuli o na hopena o ke leaila, ua ili aku maluna o ke komisina o na meaai ke ko'iko'i o ka hoopakele ana ae i na makaainana o keia Teritore mai ka poino mai, aote wale ma ka imi ana aku i na alanele apau e hooiAahuahuaia ae ai ka hoouluia ana ame ka hoohua arla mai o ko kakou mau meaai kulhko iho nei, aka ma ke kau pu ana aku kekahi i na kumukuai o na meaai, e hoopakeleia ae ai ka poe ilihāhe, mai na kaki kiekie a ka poe kalepa e kaki nei i ka lakou mau waiwai. Ke haawi aku nei'keia pepa i na hoomaikai ana no ka laweia ana mai o kekahi maii hooponopono ahaolelo ana iloko o keia kau kuikawa, maluna o ka ninau pili i na komisina meaai ame na meaai, he ninau keia i pili loa aku ika pono o ka lehulehu, a ina ua hoohemahema keia komisina i ka hana i hookauia aku maluna ona, a ua lawa ole, paha ko lakou makaukau, ma ka hooko ana aku i ka hana i makemakeia, alaila he mau kumu kupono ia e hoopauia aku ai ko lakou noho hou ana ma kela komisina, a e kohoia maii i poe hiki.ke hooko i ka hana. Ua hookaawale ke kau ahaolelo aku nei i liala, i kekahi haawina <lala mahuahula no ka hoohair£i ana aku o kela komisina, ma 'ka hoohoihoi ana e kanu nui ia ke £alo, ka laiki ame na meaulu e ae, i lilo i mau ai kupono na na makaainana o Hawaii uei, a lioea \vale.mai nfte i keia manawa, āole he hoike oiaio o ka lakōu mau mea i hana ai. Ua haawi aku ke kanawai i ka mana ia lakou e kau j na maluna o na meaai; aole nae lakou i hooko aku ia mana, aka ua hookuukuu wale ia aku na oihana kalepa apau ma Hawaii nei e kau i ka lakou mau kumukuai, i papalua iho i na kumukuai 'a lākou e kuai ana he mau mahina wale aku nei no i« hala. Aia i'o no he mau kumu kupono ma ka aoao o ka poe kalepa e hoopii ai i ke kumilkuai o na meaai iloko o keia martawaj he mea pono nae i keia komisina e ike; mamuli o.ka noii pono ana, aole i kauia mai na kumukuaiikiekie, np ke ake e loaa na pomaikai nui, aka he pomaikai kupono no, e poino ole ai ka lakou oihana. Ke kakali aku nei na makaainana i na mea a keia kau kuikawa o ka ahaolelo mai ai no keia komisina, me'ka inanaolana e hoopauia ae na 'hemahema ame na pilikia o ka wa i hala, a e hoauheeia aku hoi na pilikia e kau okoa mai nei imua o ko kakou niau maka i keia manawa, e hele aku ai i ka*po)iihihi, elike me ka nee mau ana aku o keia kaua imua.