Ka Nupepa Kuokoa, Volume LVI, Number 22, 31 May 1918 — E WEHE HOU IA KA MAKEKE KUAI LIILII TERITORE [ARTICLE]

E WEHE HOU IA KA MAKEKE KUAI LIILII TERITORE

O kela keena kuai liilii o ka makeke Teritore i paniia ai, he mau mahina ae nei i.hala, he mea pono e wehe hou ia i keia wa, i hoopakeleia ae ai kakou iloko o keia w'a pipii o na meakuai apaii, mai ka uku ana aku i na kumukuai nunui o na mea a kakou e kuai ana, ma na makeke e ae o keia kulanakauhale. lie pilikia maopopo loa keia i ikeia e ka poe i maa i ke kuai ana maloko o ka makeke Teritore, no ka mea i keia la ke uku nei lakou ina kahi o ka papalua, a papakolu ma na wahi e ae, mamua o ka lakou e uku ana ma ka makeke Teritore, oiai he hana hoopukapuka ka ka poe ma ia mau makeke e hana nei, āole hoi mai ka poe na lakou ponoi no na waiwai, e kuai hoolilo pololei aku ai i ka lehulehu, e loaa ai na kūmukuai kupono i kulike 'me ka make o ka poe waiwai me ka poe na lakou ke dala. Mamuli o ka hoopauia ana o kela makeke kuai liilii, ua konoia aku na wahi kuai e ae e hoopipii i ke kumukuai o na meakuai, no ka mea. aole he mau wahi e ae,a ka lehulehu e hele ai e kuai, o kela mau wahi wale no i mākaukau e imi mai i na pomaikai he nui elike me ia e hiki ana ia lakou ke hana. Ma ka manao q keia pepa, ua kuhihewa loa ke paniia ana o kela makeke kuai liilii, oiai ma na hoike oiaio e pili ana no na loaa ame na hoolilo o kela makeke, aole he manawa i ikeia ai i ke poho, aka e 01 mau ana na loaa maluna o na hoolilo, a e uku pono ia ana hoi na luhi o ka poe apau ma kela makeke, a iloko o ia manawa hookahi, e loaa aku ana i ka poe na lakou ia mau waiwai, na dala makepono ia lakou, mamua o ka ae ana aku e hoolilo ma na makeke, i ake wale no i ko lakou mau pomaikai iho. a e pulapu aku hoi i ka poe na lakou ia mau meaai.