Ka Nupepa Kuokoa, Volume LVI, Number 22, 31 May 1918 — KA LA KAU PUA MA HONOLULU NEI [ARTICLE]

KA LA KAU PUA MA HONOLULU NEI

Aole he manawa kupono e ae, no ka. hoomanao ana i ka La Kau Pua, elike la me ia i hoomanaoia ae ai e na kaukani o na kaukani o na makaainana, aole wale ma kt komo ana iloko o ke ka'ihuaka'i, aka ma ka ike maoli ana aku no i kekahi hiona e nele ole ai ke komohia ana iho o na minao aloha iloko o kela ame keia makaainana Amerika oiaio. Ua hoomanaoia ka la 30 o keia mahina, i £,a Kau Pua, no ka pono o ria koa i molia aku i ko lakou mau ola, no ka pono o ko lakou aina ame na makaainana, aka o ka mea i oi ae ai na hoomanao ana i keia la ano nui ma ka moolelo o Amerika, o ia no ko kakou hoomanao pu ana, no ka poe i haalele iho i ko lakou aina pe ko lakou phana; a ua pono hoi ka hoomanao ana a ko ke kulanakauhale nei poe, no ka mea aia ma na kahua kaua na keiki Hawaii, e loaa ai ka hoomanao oiaio iloko o kakou, no ko kakou mau keiki ponoii e ola mai nei i keia la, ma ka haawi ana āe i na hoomaikai palena ole i ka Haku o na Haku, ke Alii o na Alii, no ka pakele ana mai o ko kakou ola. lie mau mea aloha pili loa kekahi ia kakou, i haalele mai i keia ola ana, a no lakou hoi na hoailoha ma na pa ilina o kela ame keia ekalesia; ua hoike okoa maoli ae no kekahi poe o kakou i na ' manao no ka lakou mau iwi e waiho mai nei, a i hoike oiaio no ia aloha, ua ku maoli i ka nani ame ; ka mahaloia, ka lakou mau hoohiwahiwa, i waiho iho ai maluna o na he kupapa'u. I O ka' hoomanao oi ae, oiano ka hoomaikai a [ hoonani ana aku i ke Akua no ka poe i hookaheia ' ko lakou mau koko, a i lilo ai hoi ka iakou mau hooikaika ana, i wahi e oili mai ai he mau hopena maikai, e pono ai na mea apau, elike me ia a : kakou e ike pono nei, he maka no he maka; a ma j kekahi olelo okoa ana ae hoi, ke ohi nei kakou i ; na hua ohaha o ka hauoli, oiai ua nohoalii <mai ke kuokoa ma Amenka holookoa apau, a ke hea mai nei hoi ka poe i moe, no na mea i Manaiā aku e lakou. O ka poe i haule hope ko t lakou uku. ana mai i ka lakou nupepa e pono e hoomaiiao koke mai, o konoia mai auanei makou e paa i ka nupepa; no laila ina aia mau na manao makee i keia pepa e loaa mau aku ia lakou, alaila e hoao e lanakila maluna ō ka noho aie ana. E hookoe i ka palaoa huata no ka pono o ko kakou poe koa, a e lawe aku i na palaoa e ae, no ka mea ua laula ia no ka hoohui ana aku i ka poi me ke kupono maoli, i oi aku imua o ka palaoa huita, oiai o ka kakou wale no ia i makemake ai, e loaa he mea nana e hoomahuahua ae i ka poi.