Ka Nupepa Kuokoa, Volume LVI, Number 24, 14 June 1918 — KE KAKAUOLELO LANE ME NA AINA AUPUNI [ARTICLE]

KE KAKAUOLELO LANE ME NA AINA AUPUNI

Eia ke Kakauolelo Lane o ke keena kalaiaina 6 Amerika Huipuia me kakou iloko o keia mau la, e kilohi ana, e makaikai ana, a e ikē ana nona iho i ko Hawaii nei kulana oiaio, maluna o kekahi mau ninau nui, a na poo aupuni i manao ai e hana mai no kakou; a oiai oia ma Hawaii nei, e kau aku iko kakou mau manaolana, no ka loaa aku o na ike oiaio loa iaia e pili ana i ka ninau aina aupuni ame hookuonoono i na aina aupuni, no ka pono o na makaainana, a makou e manaoio nei, e loaa ana i na makaainana o keia Teritore he kuleana oiaio maluna o ka ninau hookuonoono, mamuli o keia kipa ana mai la o keia luna aupuni kiekie, no ka makaikai ana ia kakou.

Ma kona mau manao hoakaka pokole maluna a ka ninau aina aupuni, aole oia i iho i ka hoike ana ae, o ka mea ano nui iloko o kona noonoo i hoolala ai, a e waiho aku ai hoi imua o ka ahaolelo lahiii, o ia no na mea e pono ai na aina aupuni irb ka hookuonoono ana; o ia hoi na hana ma ka aoao o ke aupuni e lawelawe aku ai, i wahi e lilo 'ai na aina aupuni i mau aina hookuonoono maikai, a, o ka. mea oi aku, o ia no ka haawi ana mai o ke na kokua i ka mea lawe aina hookuonoono, ma na mea piii dala; e hiki loa ai i na makaainana uuku o kahi loaa, ke ku maluna o ko lakou mau wawae me ka maloeloe, a hoohana aku me ko lakou ikaika apau, e hoohua koke mai ai ha aina, i na mēa e pono ai, a e pomaikai ai ka poe hookuonoono. •

Ke manaoio nei keia pepa, ia Kakauolelo Lane e hoohala ana ma Hawaii nei. e loaa aku ana ka ike iaia no ke kaa nui ana o na aina aupuni malalo o na mahiko, pela hoi ka nui o na aina aupuni ma na wahi i kupono ole e hookuonoonoia, a ina i loaa i'o na manao makee iloko ona ame ka mana hooko ma Wakinekona no ka pono o na makaainana, aole a kakou mau kanalua ana, no kana mau hooikaika ana aku, e hoolilo nui ia na aina aupuni maanei nei, i mau aina hookuonoono.

He oiaio, o ka ninau dala ka mea i holopono ole ai ka lawe ana o kekahi poe o kakou i na aina aupuni no ka hookuonoono ana; aka ina e kaa aku ana ma ka aoao o ke āupuni federala, ke kokua ana mai i ke dala, e hkawi ana hoi i manawa no ka mea hookuonoono, e hoihoi liilii aku ai i na dala a ke 'aupuni, me ke kanalua ole ke olelo ae, ua hiki loa i kela ame keia makaainana ke lawe i na home hookuonoono, a e hoohana aku hoi, me ka ikaika o ka manao, oiai ua loaa na kokua maopopo loa, aole hoi elike me keia manawa, ka nele maoli no o ka hapanui o kakou me na makaukau e holopono ai ka lawe ana i na aina hookuonoono, a kauka'i aku mamuli o na kokua ana mai kekahi wahi mai.

Ke mahalo nei keia pepa i ka manao o Kakauolelo Lane i kona hoike ana ae i kona makemake e lohe i ka manao o kela ame keia mea. maluna o ka ninau hookuonoonoia o na aina aupuni; nolaila i hoea aku o Kakauolelo Lane imua o ko oukou mau wahi e na Hawaii, a i ninau aku i ko oukou manao hoakaka maluna o keia kumuhana ano nui, mai hoohakalia iho i ka hoike okoa ana mai i ko oukou mau manao oiaio maoli, o ka loaa aku o na makaukau iaia no kana mau hooponopono ahaolelo e hana mai ai, o kana wale no ia i ake mai ai e haawiia*aku iaia.

Ua nui na aina aupuni i pau na hoolimalima o ke aupuni me na mahiko, pela no hoi me na aina i kokoke e pau ka hoolimalima, oiai ke hamama mau nei ka puka i na makaainana, no ke noi ana mai i ke kiaaina e weheia aku kela mau aina no ka hoo-. kuonoono ana, mai hoohala i ka heoko ana mai i keia'hana i ka \va pono, a e weheia aku hoi kela mau aina aupuni no ka hookuonoono ana; me ke kauka'i ole aku i na mea a Wakinekona e hana mai ana. *

"E ku'i i ka hao oi wela," pela hoi kakou e waiho ae ai i na noi no ka hookuonoono ana i na aina 'aupuni i pau na hoolimalima i na mahiko me ka i'hoohakalia ole. ua pau ka wa no ke kunana wale «ana, a hoopalaleha wale ana, aka he wa keia no ka hana, a he wa no ka iho ana o na- lima i ka }epo o ka honua, a mai hilahila i na hana apau i ku i ka pono, e loaa ai ka nohona kuonoono ana.

He hookahi kumu holomua o na hana hoikeike fea o ke Teritore i malamaia ma Honolulu nei iloko o keia pule. mamuli no ia o ka huki like o na mea apau he mau hana hoikeike ke lakou; a ua hoopomaikaiia aku hoi he mau kaukani o na makaainana. mamuli o ka loaa ana he wa maikai loa e ike ai i kekahi mau mea i hoohua ponoi ia ae e Hawaii nei, e lilo ai keia i kumu hoohalike na na hoikeike o keia ano ma keia mua aku,.e ukali aku ai.