Ka Nupepa Kuokoa, Volume LVI, Number 29, 19 July 1918 — NA HAWAII MA KA NINAU KE'A ULAULA [ARTICLE]

NA HAWAII MA KA NINAU KE'A ULAULA

Eia ka Elele Kalanianaole ke uwalo aku nei i na wahine Hawaii, e kokua ma na hana o ke Ke'a Ulaula ma keia kulanakauhale; he uwalo hoi a inakou e kokua nui nei, no ka mea he hana keia i kono okoa ia mai ai na wahine Amerika apau, e waiho aku ia lakou iho, m'a ka lilo ana i poe e makee ana i keia hana, no ka pono o ko kakou mau pualikoa, ma na kahua kaua. Aole kakou na Hawaii i nele ma ka haawi ana i na kokua ma na ano lehulehu no ke Ke'a Ulaula, aka iwaena nae o na wahine o na lahui like ole e haawi nei i ko lakou manawa no na hana.o ke Ke'a Ulaula, o ko kakou poe wahine kekahi helu haahaa loa, oiai nae he nui na wahine e noho mai nei i kupono e haawi i mau hora kakaikahi wale no o ka pule 110 ke Ke'a Ulaula, mamua o ka hoopau manawa wale, ma na hana waiwai ole. pinepine na manawa a keia pepa i hoeueu mau aku ai ia kakou na Hawaii 110 keia hana kilakila, a oiai hoi, ua ku okoa mai la ko kakou elele lahui iinua. a uwalo aku me na manao kui'o i na wahine o kona lahui oiwi, o ka makou e manaolana nei, aole e nanamaka ia mai ana ia leo poloai o ko kakou elele lahui. Imua e na wahine Hawaii no keia hana kilakila loa! Ma ka hoohuihui ana ina kuluwai liilii i loaa ai ka moana akea. pela auanei e lilo ai ka hana a kela ame keia wahine Hawaii i hana nui, me ka hoopomaikaiia aku o kekahi heluna nui, o na koa i molia aku i ko lakou mau ola, no ka makee i ko kakou mau pono ame ko kakou noho kuokoa ana.