Ka Nupepa Kuokoa, Volume LVI, Number 38, 20 September 1918 — HIKI OLE KE HOI KOKE MAI. [ARTICLE]

HIKI OLE KE HOI KOKE MAI.

o ka hoao ana o kekahi mea e hoea j koke mai i Honolulu nei mai Kapalakiko mai, aole ia he hana maalahi, elike me ka leka a ka Hope Kukeawa Raymer Sharp o Honolulu nei, i kakau inai ai i kona poo ma ka oihana maanei nei, a ke mo-ku mai la oia me kona ohana ma Kapalakiko, ahiki i ka loaa ana he mokuahi nana e hoihoi mai ia lakou. Ma kana leka e hoakaka mai ana oia ua hiki no ke loaa he wahi nona hookahi maluna o kekahi mokuahi, aka no kona ohana, he paakiki loa ka loaa ana. No keia hoea koke ole mai o Mr. Sharp i Honolulu nei, ua lilo ia i mea ano nui loa i ka Luna Kukeawa Frank]in, no ka mea oia pu kekahi i makemake e hele hoomaha, a e kakali wale ana no oia o ka hoi mai o kona hope, 0 kona wa ia e hele hoomaha aku ai. ——— W. S. S« —— LONDON, Sept". 16.—TJa lokahi na nupepa Pelekane apau me na olelo oolea e hoole ana i ka manao no ka hiki 1 na Aupuni Huiia ke lawe mai a noonoo me ke kuio i na hoakaka a na Mana Waena no ka hanaia o ka malnhia ma keia manawa. O ka mana6 a Kelemania i haawi mai ai ia Belegiuma ilo ka hanaia o ka maluhia kaokoa ua manaoia ia ma ke ano he hana hoohaehae hilahila ole. WASHINGTOX, Sept. 16.---He $2,000,000 a oi aku i hookaawaleia e ka Ahahui Ke'a Ulaula no ka hana kokua maloko o Suitalana. 0 ka hapanui o nei mau (lala e hooliloia aku ana no ka poe i hoopaaia maloko o ia aupuni a e haawi ia aku ana na kokua i ka poe i holo aku ilaila iloko o ka nele ame ka hune.