Ka Nupepa Kuokoa, Volume LVI, Number 40, 4 October 1918 — UA HUKA IHO LA KA MAKANI HE IAIKI I NA MAKA ALOHA O KUU MAKUA-REV. O. NAWAHINE [ARTICLE]

UA HUKA IHO LA KA MAKANI HE IAIKI I NA MAKA ALOHA O KUU MAKUA-REV. O. NAWAHINE

, E ke Kilohana ahonui a ka Lahui, ame kou.ltapena Sol. Hanohano, anoai hoi: Me ke kaumaha i ka haawe a ke aloha, Ina aweawe paa ole a ka waimaka, E lu heleloi ana i ka lau o ka lihilihi, "Kaia iho la e ka makari kaahaaha, Mokaki aku la» i ke kai o Niu a, Niua loko kaupe'a i ke aloha, I ka hoomamalu e malu i ka malu a ke j a °' I ka ueuwe a ka pihe molulolea, Ke wa mai la i ke kula o Kakani-lu-a, Auwe kuu makuakane e! Maloko o ka leta mai ko'u kaikunane haku mai, R. J. K. Nawahine ka mea e noho pu ana me ko makou papa, i ike iho ai au i ka hele ana aku o Rev. Obcka Nawahine i ke ala mau o na mea apau, a liookuu iho la i na luhi o keia ao hananui, no ka wa mau loa. Ua hanauiā ko makou papa, ma ka aina Konohikilua o Olowalu/ Maui, ka aina hoi i holo i ke mele a Kaulunae. He konohiki lua ka la ia Olowalū, i ka la i ka makani kahi aoao; mai ka {>uhaka mai o Ainana, kona makuakane ame Maikai kona mama, malaila no oia i hele ai i ke kula i kona wa kamalii, a mailaila aku a komo i*Jke kula o Lahaina-luna; i kona puka ana mai, ua koho i ka oihana kahunapule ana i kupaa ai a hala aku la me ka naueue ole. I ka loaa ana o kona pilikoolua, ua hoohua mai la ko laua puhaka ia ma ' kou ka laua mau keiki he 22 ka nui, a ua hala e mamua o laua na makua ho 16 keiki, a koe makou 6 e ola nei, hookahi aia i ka hauoki o Kaleponi, a 5 I hoi makou i kē one oiwi nei. 1 Ua hala eno ko. makou mama Napuaikawaokele, kana wahine mamua, a noho koolua ole oia a hala aku la, aole no hoi i lawe hou mai i koolua nona, a ua j waiho iho oia ia makou e u aku nona | ma keia aoao o ka muliwai. 1 Ma ka oihana kahunapule ana i koho ai, malaila no ka hapanui o kona hana ame na hanalima i mea e pono ai keia ola ana. Ua noho kahuhipa oia no kekahi mau ekalesia a ma ka Ekalesia o Waihee oia i noho loihi ai, ahiki i kona wniho ana i ke kihapai no ka elemakule palupalu ,ahiki iho la i ka hookuu ana o kona uhane i ka halekino, a nihi malu aku la ka hele ana, he palaiki ka inoe ī ka pua, i ka la hoe o Oulikemae, i ka pe 'a kapu o kukulu o Kahiki e, ilaila ka ka lele ana aku nei o ke kino lau manamana o kuu papa, e kuoe hookahi ana i ke ala ololi, e kikeke ana i ka ipuka pilikia, no ka weheia mai, a hui me kona hoolapawai, ka hoaloha

hookahi wale no, ma kela aoao. Auwe kuii makua hele loa e! E Mrs. Lucy Kappi e, kuu hanaumua e noho mai la i ke ala ulili o ka aina kihiloa, ua ike mai la paha oe i ke aka kino paha'oha'o o ko kakou papa e hele aku la e ike ia oe. E Robata Nawahine e, kuu hoku kaikunane nana i hopmoe aku la i ko kakou makua i ka |)oli o Kumuhonua, a übi iho i na ma'ka o ko kakou makua i ke koloka o ka maluhia mau loa, aia no me oe kuu puuwai aloha makua. Ia oe hoi e aiuana, e uoho mai la i hauoki o Maleka i ke hoa la lilo, ma ke a'ia'i pepa oe e ike iho ai ua hala ka makua. Ia olua hoi e o'u inau hoahanau, Mra. Lydia Kekuewa e noho mai la i ka aina wai puolo i ka maka o ke ao, ame Mrs. Lucy ManBfield kuu pokii; auwe kakou e, ka ike ole i 'ka hanu hope o ka makua! Woho maikua ole kakou i ke ao nei hookahi makua o na lima. E uwe aku ana au ia oe e Opeka i ka uhi ae a ka malu hekuwawa, ke waha iho la i ke kula o Kama'oma'o, i kapa kupiini no ka aina kuahiwilua. He makalua uo ko ke aloha e pee ai o ka houpo, na ka waimaka e hauiui ikea la, E ke aloha e, ua eha au ia oe a! Mamuli o ka loihi o kona noho ana ia Waihee, ua lilo maoli ia i home kulaiwi no koda noho ohana ana, a lilo maoli i kupa kamaaina no na Wai Eha, ahiki i kona moe pu ana iho la me ka makani he laiki, a na ke kaahaaha la'i o Niu i uhi iho la iaia i ke kapa eleele a hoomoe iho la me- ka malie iluua o Hanakauluna o Welehu ka malama. Me ka nui, aia aku la paha kuu papa i ka aina a maua e mele like ai i keia mele: Aina e, he aina uli, 1 Ke hoea mai o mai; Paapu i na hua nani, » Kahe mau ko ia la wai, Aia la, ke awa e, ' • Ane ■ komo a. maha ae, Kuu na pe'& pae ano, Pau ka ino, malu mau. Oiai au iloko o ka ohu pohina o ke aloha makua, ke pahola aku nei au i ko'u puuwai aloha me oukou e na ohana ame na makamaka, na hoaloha i kupuni iho ma ka aoao o kuu papa ame na mea apau i panai mai i ko lakou mau lima aloha no kana huaka'i hele loa. O ka malu o ke Akua me oukou apau. Owau no iloko o ke apo kaumaha a ke aloha, MRS. MAIKAI DUDOIT. Haokamakea, Waialua, Molokai, Sept. 19, 1918. W. 8. 8. PENBAOOLA, Florida, Sept. 24.— Ekolu mau kanaka lele i ka lewa o ka mokukaua i make ma ke ano ulia i nehinei a ekolu poe hou aku i hoehaia i ka manawa o ka mokuea i haule iho ai mai kahi kiekie mai a iloko o ke Kaikuono Penaaeola.