Ka Nupepa Kuokoa, Volume LVI, Number 40, 4 October 1918 — NA LONO LIKE OLE E PILI ANA I KE KAUA MA EUROPA [ARTICLE]

NA LONO LIKE OLE E PILI ANA I KE KAUA MA EUROPA

Ho 50,000 Koa Tureke i Lawepioia e na Pelekane Maloko o Paleaetina , Sept. 30,—Ahiki i ka po I Poalima i Hala aku la he 50,000 koa Tureke paahao\ i heluia e na Pelekane, a | aohe no nae i .pau pono ka helu ana ia i vaflnawa, o keia ka louo i hoikeia ae ma' ke akea e ke keena kaua ma ka po nei. Iloko o ka ikaika o ke kaua ana mai a na Tureke maloko o Liberia ua kaua aku la uo nae na Pelekane ahiki i ke kaa ana o na Pelekane ma kela aoao o ka Muliwai loredane. Ma ka hema mai ua hoauheeia aku e ka pualikoa kaualio Pelekane ka enemi no ka akau mawaena aku o Mekerib, a ua hui aku lakou me na pualikoa Pelekane a lilo mai la o Hedjas. I ka nana aku he liilii loa ko na Tureke pakele aka mai ka paa-ana mai iloko o ka upena a na Pelekane ma na heluna nui. Hoea i Saloniki na Elele Bulegaria Hana MaluMa no ka Hui Ana PARIS, Sept. 30. —O na elele Bulegaria hana nialuhia o ka hoea ana ae la' i Salouiki 110 ke kuka ana no ka hoomahaia o ke kaua me ka manao e hanaia ka maluhia, ma ka po Poaono ka hoea ana ae, a ua-manaoia oiai aohe lono i loaa mai, ma keia manawa, ke imi ae la e wehe i na kukakuka ana me na elele a na luna aupūui a na Aupuni Hui, ina aole lakou i hana pela- i nei manawa. Ua hoomaluia keia mau eleje e ke Keoerala Lonkoff, ke kenerala o ka pualikoa elua Bulegaria; M. Liapcheff, ke kuhina waiwai, ame M. Radeff, he h.oa mua no ka aha kuhina Bulegaria. O ka manao i hooholo mua ia e na Aupuni Hui aole e haawi aku i manawa no ka hoomaha ana o ke kaua ma keia manawa, a e hoikeia aku i na elele ko na Aupuni Hui hoole i ka hoopanee ana i ke kaua, aka nae ua makaukau lakou e konie aku a e kukakuka maluna o na kumu aelike maluhia oiai no e nee mua ana ke kaua. O na kumu aelike e waihoia aku ana imua o na elele Bulegaria he mau kumu aelike kupono ole ke haawiia aku ana ia Bulegaria elike me kana i inakemake ai e loaa aku na kumu aelike maikai loa. Huki na Kelemania i na Pualikoa Ona Mailpko Aku o Kumania WASHINGTON, Sept. 30.—Ke hookaawaleia la mai Kumania aku na pualikoa Kelemania i noho ai maloko o Kumania nhekahi manawa, ma ka Poalima keia hoomaka ana e hookaawale, wahi a ka lono i loaa mai ianei mai ka pohai kalaiaupuni Swiss mai. He lono h'auwawa oiaio loa kekahi e olelo ana no ka hoala kipi ana mai la o ka lahui a ma ka oleloia aia. na luna aupuni Kelemnia ke opeope la me ka awiwi loa i ko lakou mau pono kino a ke lawe pu la i na palapala apau mailoko aku o ka hale hoahu palapala oiai lakou e holo ana. Ua hoikeia mai ma kekahi manawa kokoke i hala aku nei he kanakolu mau pualikoa Kelemania nui maloko o Rumania i ka wa i ninauia aku ai na luna aupuni o ka ( oihana kaua mai Berlin aku no ka heluna o na koa i hiki ke laweia māilaila mai no ka hoounaia ana ae no ke kahua kaua ma ka hapa komo-

hana, o ka pane i loaa mai aole mau pualikoa i hiki ke laweia mai Eumania mai oiai aia he manao hoala kipi mawaena o ka lahui Ilumania e kupono ai na pualikoa Kelemania apau e paaia ma Rumania no ka hoomalu ana ia lakou. Ma Kahi o na Haneri Kaukani ka Nui o na Paahao Kelemania i Paapio LONDON, Sept. 30.—Ma ka hoakaka ana no na kaua emi hope a auhee a na pualikoa Kelemania ma ke kahua kaua ma ka hapa komohaua ua haawi pu ia mai kekahi hoakaka no na koa poino nui hewahewa iloko o keia kaua hoee nui a na Aupuni Huiia mahope iho o na koa makolukolu ponoi a lakou i poino iloko o ka lakou kaua nui mai ka mahina mai o Maraki, la 21, a i ka la 17 o lulai. Ua kohoia mamuli o na hoike a na kenerala lehulehu like ole i loaa mai o ka heluna ilui o na koa Kelemania i poino i na Pelekane, Palani, Amerika ame Belgians he 200,000, ma na paahao wale no. Aole i komo pu maloko o keia huina ate la na koa.paahao i laweia iloko 0 na la elua a ekolu i hala. Ma ia manawa like o ka huina o na koa. i make ua oi loa aku ke koikoi ke hookaulikeia. He 3000 *mau pu kuniahi i laweia a ua oi aku mamua o 20,000 pu mikini, a mawaho ae. o ia kekahi heluna nui o na lako kaua e ae. O keia mau huahelu 1 hoikeia ae la no ke wale no keia*ma ka hapa komohana, aole i komo pu na koa paahao i laweia mai ai ma Palesetine a ma Bulegaria. Ke hui pu !ia me keia ae la o ka heluna o na Koa a ka enemi i paapio aia ma kahi kokoke loa aku i ka 350,000. Auhee na Bulegaria Ihope Mamua Aku o na koa a na Aupuni Huiia NEW YORK, Sept. 30.—Maluna o ke kahua kaua o na mokupuni Bolakana oia niau ke auhee ana a na koa Bulgars me ke ku ole inai e hakaka oiai na Aupuni Huiia e nee aku ana imua ma kela a ma keia laina o ke kahua kaua a ke hoomau aku la no na Pelekane ame na Helene i ke alualu ana i na koa Bulgars ahiki i ke komo ana iloko o Bulegaria. . O na- pualikoa a na Aupuni Huiia i oi aku ka holokiki loa imua, oia na koa Serbians ame na Ita!ia. Ua Hlq mai ia lakou na lalani mauna Plashkovitza e moe ana ma ka hikina aku o īshtib. He kokoke loa aku lakou j Charevo he eono mile wale no ka mamao mai ka mokuaina 'Bulegaria mai. ka nee ana a na pualikoa Siberians mai Veles aku ke hele la me ka awiwi loa a aia "lakou i nei nianawa ma ka akau aku o kela kulanakauhale. Ma kahi mamao loa ua hiki loa ia lakou ke ike aku i ka pii ana ae o ka uwahi a pouli ka lewa e hoike mai ana he mau ahi nui ke a mai ana ma na wahi e hoopuni ana i ke kulanakauhale Uskub, ke ki o ka laina pale holookoa a na Bulegaria, a he mau hiohiona no hoi e hoike mai ana no ka hoomakaukau ana o na Bulegarians e haalele iho ia wahi mamua o ka hoea ana aku a ! na Aupuni Huiia. Na Wahi Nui i Lilo i na Italia O Kraphevo, kekahi o na kahua ano nui a waiwai a Bulegaria he 25 mile

ma ka akau aku o Mo»astir a he 15 miJe ma ke komohana ae o Pi'ilep, ua lilo pio inai ]a i na Italia, oia ka nuhou i hoikeia mai ianei maloko o ka hoike a ke kuhina kaua mai Eoma mai. Ua hoauheeia aku e lakou ka enemi mai na niauna aku mawaena o na Muliwai Cerna ame VeJika, a ke halawai mai la me lakou he liilii loa na ku-e mai a ka enemi. Kakauinoa o Bulegaria i ka Aelike Hoopau Eaua me na, Aupuni Huiia PARIS, Sept. 30.—Ua aponoia e Bulegaria na kumu aelike hoopau kaua a na Aupuni. Huiia no ka hoopau'ana i ke kaua e nana aku ana no ka hana kokeia 0 ka maluhia. Ua halawai na elele Bulegaria i hoea mai ai ma ka ]*> Poaono ma ka la i nehinei a ma keia la me na elele a na Aupuni Huiia, a ua hooholo ia kekahi aelike hoopau kaua maluna o ke kahua 1 hoakakaia e na -Aupuni Huiia. w. s. s.