Ka Nupepa Kuokoa, Volume LVI, Number 40, 4 October 1918 — HOOPAUIA KEKAHI MAU LIMAHANA O KA PAPA OLA. [ARTICLE]

HOOPAUIA KEKAHI MAU LIMAHANA O KA PAPA OLA.

Ma ka la hope o ka mahina o Okatoba nei, e pau ai ka ohi ana o kekahi mau lunanana eono o ka papa ola i ko lakou mau uku mai ke aupuni aku, i kulike ai me na mea i hoikeia ae ma ka Poalua aku nei i hala, no ka mea ua hoike maoli ia aku ka lohe i kela poe no ko lakou pau ana mai ka lakou hana aku ma ka la hope o,keia mahina.

O ka poe i hoikeia aku ai ka lohe ia lakou, no ko lakou hoopauia ana mai ka hana lunanana aku o ka papa ola, oia *o Daniel ltfcGregor, Jos. E. Santo», John L. Osmer, G. K. Luke, B. C. Bavliss, ame W 3- Hopkins, he poe kanaka Eepuhalika, a i hookohuia hoi ma ko lakou mau kulana pakahi, mamuli o ko lakou lawe ana i ka hoike no ko lakou kupono a makaukau. Ma na mea i hoomaopopoia, e haawiia aku ana he lioomaha o elua pule i kckahi poe elima o lakou, e hoomaka ana mai ka la 15 aku o keia mahina, a no kekahi iho o lakou ,aole i maopopo kona hoomaha. Aole he mau kumu i hoikeia aku i kela poe no ko lakou hoopauia aku mai ka noho lunanana ana no ka papa ola, koe wale no ka nianaoia ana, o keia hoopauia ana mai la o kela mau lunanana eono, no ka hoemi ana mai no ia i na limahana o ka papa ola. He mau makahiki lehulehu ka noho hana ana o keia poe malalo o ka papa ola, a i ikeia hoi o lakou kekahi poe i kamaaina loa i na hana, a i ikeia no hoi ko lakou makaukau mamua o kekahi poe e ae. Ua oleloia ae, aole no ke kalaiaina mai ke kumu o ka hoopauia ana aku la o kela mau lunanana ,eia nae ma kekahi mau manao kohokoho, he hoomaka wale ana no keia no kekahi keehina i hoolalaia e kaiehu aku i na Repubalika, e hoea hou mai ai i ka manawa o ke-. kahi poe kahiko e hoopauia ai, a hoonohoia ai i poe Demokarata ma ko lakou mau wahi. ,