Ka Nupepa Kuokoa, Volume LVI, Number 45, 8 November 1918 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

NUPEPA KUOKOA, HONOLULU, T. H., POALIMA, NOVEMABA 8, 1918.

 

NUPEPA KUOKOA

SOLOMON HANOHANO, LUNAHOOPONOPONO      HOOPUKAIA I NA KAKAHIAKA POALIMA APAU

POALIMA

 

KA HOPENA O KE KOHO @LELE NO HAWAII NEI

            @@ko o ka enaena o ka hakoko kalaiaina kuloko, @@@ukaia iloko o na la aku la i hala, o ke kulani @@@@@ lahui no Hawaii nei; iloko hoi o na kipehi.  @@@@in@ ame na pahele hoopunipuni, e hookom@ia @@u ana iloko o ka noonoo o na mana koho ba@@@@ keia Teritore, ma kekahi aoao; ame na hoa@@@ ku i ka naauao, ka oiaio ame ka pololei maoli@@@ma kekahi aoao, ua oili mai ke Keikialii Jonah @@@@@ Kalanianaole, me ka lanakila ma ka Poalua @@@@@ i hala, i elele lahui na Hawaii nei i Wakine@@@@ he hoike oiaio hoi, no ka hiki ole ana i ka @@@@@i o na mana koho o keia Teritore, ke puni@@ @ale aku.  i na ano kalaiaina haahaa loa, a ko@@@@@@ pai@@a o ka lanakila ana hoi o ka pono ame @@ @@@@ no ka hanohano ame ke kaulana ou e Ha@@@@ lahui ama Hawaii aina.

            N@ ka eono o na kau a L. L. McCandless i holo @u @ mai ai i ke Keikialii J. K. Kalanianaole, no ke @@@@@@ elele lahui i Wakinekona, no ka eono no o @@ manawa. a na makaainana o keia Teritore, i @@@@ @ho ai iaia maanei, a hookau hou aku la i ka @@@ @ ka hanohano maluna o ke Keikialii Kalanianaole e kupale, a e paio no kou pono e Hawaii ; @ ke Kuokoa nei, e haawi ae nei i na hoomaikai @@@@ i ka hopena o ke koho elele lahui, o ka Poalima aku la.

            Ua hoike mai oukou e na kanaka Hawaii, ma ko @@@@u hookau hou ana aku i ka hanohano maluna o ke Keikialii Kalanianaole, i elele lahui no keia @@@@@@e, i ko oukou naauao, ke kupaa ame ka @@@kee, aole wale i ka hanohano a ko kakou elele @@@@i i paa mau ai no oukou i na makahiki he umikumamaono, aka e hoike okoa mai ana oukou ma @@@@@@a. no ke apono i kana mau hooponopono @@@olelo i hana mai ai no ka holomua ou e Hawaii a no ka pono hoi o kona mau makaainana.

            @@ ka haulehia ana o L. L. McCandless ma ke @@@@@kaloka o ka Poalua nei, aole ia mamuli o kona @@@@ ana he Demokarata. a pela hoi ko ke Keikialii J. K. Kalanianaole kohoia ana a puka, ma o kona @@@ ana he Repubalika, aka, ua haulehia oia, ma@@@@ o ka manaoio ana o ka hapanui o na mana @@@@@@ keia Teritore; aole oia ke kanaka e kupono @@ e hoo@@aia no Wakinekona, no ke ku ana ma @@@aoao o Hawaii nei: a keia pepa e manaoio nei, @@@ea ka loihi a McaCndless i makemake ai e kaili ae i ke@a kulana e lilo aku iaia, aole he manawa a @@ makaainana o keia Teritore e haawi aku ai i kela noho iaia, no ka mea e ku mau mai ana kana @@@ hana iloko o ko lakou hoomanao ana, e pono @@ i na Demokarata o Hawaii nei, e a'o maoli aku @@ iaia. he hoopau manawa wale no ka hoao mau @@@ e alualu i keia kulana ;  o lilo auanei kona ku mau ana i mea paahae no kela aoao kalaiaina, i ku@@ e hoo@eleia aku ai na Demokarata me na noho @oko o ko kakou mau aupuni kalana lehulehu, a e @oonawaliwaliia mai ai kela aoao.

            Ua loaa ka lanakila i ke Keikialii Kalanianaole i keia kau, no ka mea ke ku mai nei kana mau hana apau no Hawaii maloko o ka ahaolelo lahui, a kela @me keia makaainana e haaheo ai; na hana hoi e hoike okoa mai ana i na manao makee iloko on a @@ Hawaii nei, elike me kana i ike ai he pono, a @@na mau enemi kalaiaina e hiki ole ai ke kipehi aku me na kumu kupono, koe wale no ka hoao ana @ kiloi aku i ke lepo, 'aole nae e hiki, no ka mea e @@lao mau mai ana ka oiaio i na manawa apau, he ol@lo hoi e kono ana i ka puuwai o kela ame keia mana koho noonoo akea, e haawi mau aku i ke kakoo ana ia Kalanianaole i elele nau e Hawaii.

            O na ninau kalaiaina a ke Keikialii Kalanianaole i kukulu aku ai imua o na mana koho o keia Teritore. e waiho ana iaia iho imu o lakou, maluna o ka moolelo o kana mau hana, no na makahiki he umi-kumamaono ae nei i hala, he mau ninau ia au o Hawaii nei e hoohewahewa ole ai, a e hilahila ole ai. a ua hoike mai hoi oia, aole wale i kona kulana keonimana oiaio, ka naauao ame ka makaukau maoli. aka ua hapai mai oia i kana hakoko kalaiaina ana ma kahi o ka hookahi haneri pakeneka, o ka maemae ame ka hanohano, ka mea hoi nana i ume aku i ka manao o ka hapanui o na mana koho, e hoouna hou iaia i Wakinekona.

            O ka wae hou ana ae a Hawaii nei i ke Keikialii Kalanianaole i elele lahui i Wakinekona i keia kau. aole ia he hanohano no ka aoao Repubalika, aku ua olokaaia ae kekahi haawe kaumaha mailuna aku o na poohiwi o ka aoao Demokarata, ma o ka haulehia ana o ke kanaka nana i kumakaia i kela aoao kalaiaina, a i ka Peresidena o Amerika Huipu@@a; ka mea no hoi a na alakai Demokarata kuloko o kakou, i hunahuna ole iho ai, i ka hoike akea ana ae i kona kupono ole, e lilo i paahae no ka aoao Demokarata maanei nei.

            Ma ka aoao o ke Kuokoa, ka nupepa i hoakaka aku i kona mau manao kakoo no ke koho hou ia o ke Keikialii Kalanianaole imua o ka poe heluhelu, maluna o na kahua kalaiaina maemae a pololei maoli no, me ke kapae ana ae i ka hoakaka ana ma na mea pilikino, ke haawi aku nei ia i na mahalo ame na hoomaikai ana i na mana koho Hawaii, no ka oukou mea i hana aku ai ma ka la koho baloka i hala; a he hoomaikai hoi i keia Teritore holookoa, mamuli o ko oukou hoike ana mai i ko oukou naauao maoli, ma ke koho ana me na manao kui o o ka makee, o Kalanianaole ka kakou elele.

            Ua hoohauoliia aku keia Teritore no ka hopena i oili ae ma keia paonioni no ke kulana elele lahui; a ua hoohauoli pu ia aku na hoa oloko o ka ahaolelo lahui, mai na Demokarata a na Repubalika, mamuli o ke ano o ka kakou koho ana o ka Poalua nei. no ka mea, ma o ke Keikialii Kalanianaole, i haawi mai ai lakou i na hooia ana no na kokua e loaa ia Hawaii nei, ma na hooponopono ahaolelo i pili i keia Teritore.

 

NA HOA O KO KAKOU AHAOLELO KULOKO

            Ma keia kau koho baloka o kakou, ua hoike mai na mana koho ma kela ame keia mokupuni, i ko lakou makemake e hoouna i poe Repubalika, ka poe na lakou e hooponopono i na hana kau kanawai iloko o ko kakou ahaolelo kuloko, me ka manaoio, o na Repubalika ka poe hiki ke hooko i ka lakou mau mea i hoike akea ae ai, o ka hooko ana aku. aole hoi i na Demokarata.

            Oiai nae, he eono mau Demokarata i kohoia i keia kau, e lilo ana lakou @ poe paaniia i mua o na Repubalika, a o ka mea wale no nana e hoopakele ae ia lakou, o ia ke komo pu ana aku e kokua, ma na hooponopono ahaolelo apau, a lakou i makee ai no ka pono o ka lehulehu, me ka nana ole, no ka mahaloia mai ma ke ano kalaiaina. no ka mea ua like lakou apau, ma ke ano he poe kauwa na ka lehulehu.

            No na senatoa Repubalika ekolu i kohoia no ka Mokupuni o Oahu nei, he poe keiki Hawaii makaukau wale no, a no ka manawa mua loa no hoi ma ka moolelo o ke koho baloka ma keia mokupuni, i hoike mai ai na mana koho o Oahu nei, i ko lakou lokahi ana e hoouna i poe senatoa Hawaii i ko kakou ahaolelo. a ke Kuokoa e manaoio nei, aole i makehewa ka lakou koho ana, aka e oili mai ana no na hoike oiaio o ka lakou mau hana , a kakou e mihi ole ai, ma ka hookau ana aku i kela hanohano maluna o lakou.

            He Hawaii o Senatoa Chillingworth, a o ka peresidena hoi o ka aha senate no kekahi mau kau lehulehu o ko kakou ahaolelo, e loaa auanei he mau koo nona iloko o ke seante i keia kau, mamuli o ka loaa ana o kona mau kokua, he mau keiki Hawaii no i loaa na hoonaauao kiekieia, a i makee hoi no kou pono e ke kanaka Hawaii, a no ka pono pili laula ou e Hawaii.

            No na senatoa hoi o na mokupuni e ae; he poe Repubalika wale no, he poe no lakou a Hawaii nei, o hilahila ole ai ke olelo ae, aia iloko o lakou pakahi na manao uilani, e pulama i ko oukou mau pono e na makaainana, a e kupale hoi i na hooponopono ahaolelo, e hoopilikia akku ana i ka holomua o keia Teritore, a kakou e hoomaikai ai i na mana koho o na mokupuni lehulehu, i ka naauao o ko lakou wae ana mai i ka poe kupono i poe kauwa na kakou i keia kau ahaolelo.

            No na lunamakaainana hoi, e haawiia na mahalo kiekie ana i na mana koho o Hawaii ame Maui, mamuli o ke koho hou ana mai nei i na kanaka a lakou i hoao ai, a ike i ko lakou kupono me ka makaukau a i oi loa aku hoi, ma o ka wae ana ae o ko Hawaii Hikina poe, i mau Repubalika ka lakou e hoouna mai ai i ka ahaolelo ; mamuli auanei o ka like ana o ko lakou aoao kalaiaina me ko na lunamakaainana o Hawaii Komohana, e huki like ana lakou, ma na ninau apau i pili akku i ko ka lehulehu mau pono, elike me ka lele like ana o na manu o ke ano hookahi.

            No na lunamakaainana hoi o ka apana eha, aole he hoohewahewa ana no ko lakou kupono maoli, ua hoike mai lakou, ma o ka lakou mau hana iloko o ka ahaolelo o na wa ae nei i hala, a maa ka lakou mau lawelawe oihana ponoi ana, he mau hoaloha lakou no Hawaii nei, me ka nana ole ma ke kulana a ma ka ili paha, he poe i loaa na manao makee no Hawaii, a i makee pu hoi i kou pono e ke kanaka ilihune ; me ka makaukau e hana mai i ke kaulike ame ka pololei.

            Ma ka apana elima hoi, he mea minamina ka haule ana o kekahi mau moho Repubalika naauao, a makaukau ; mamuli o ka nana ole ana o na mana koho o kela apana i ke kulana makaukau a kupono o na moho apau, aka ua paakiki wale no lakou maluna o ka aoao kalaiaina. a wae ae la i elima Demokarata, me hookahi Repubalika ; a kakou e kau aku ai i na manaolana. mailoko mai o lakou, e oili mai ana no he mau hana, e hauoli ai, na mana koho o ka apana elima, a pela hoi me ke Teritore holookoa, ke pili aku lakou me ha hoa Repubalika oloko o ka hale o na lunamakainana.

            No na lunamakaainana o ka Mokupuni o Kauai, i ka nana aku, o ka ninau home hookuonoono ka ninau nana i haawi aku ia Mr. J.S. Chandler i noho iloko o ka hale o na lunamakaainana, a pela hoi i na Repubalika ekolu, ina pela i'o, alaila ke lana nei ko makou manao. o ka oili ana mai o hookahi Demokarata ma kahi o ka Repubalika i haule, maluna ia o na kumu maikai, a na mana koho o Kauai, e hilahila ole ai i ka mea a lakou i hana mai ai, ma ka Poalua aku la i hala.

            Ua hala aku la na la o ke kupikipiki-o, ua nohoalii hou mai ka maluhia, he hookahi mea a kakou i koe e kakali aku ai, o ia no ka hoea mai i kahi o ka lakou hana, a ma o ka hana auanei e hiki ai ia kakou ke ike aku, i ka mea e kumakaia ana i ka hanohano a na mana koho i hookau aku ai maluna o lakou.

 

HILIHEWA KE ALOHA IA McCANDLESS

            O ka hoopii e ku-e ana ia L. L. McCandless no ke ku-e ana i na rula hooponopono meaai, ma ka hoopii loa ana i ke kumukuai o kana laiki, ua hoopuka mai nei ka aha kiekie, no ke ku-e i ke kumukanawai, ke kumukuai i kauia e kela komisina ; nolaila e ike mai oukou e ka lahui, aole he aloha iloko o McCandless nou e ka mea ilihune, no ka mea ua wehe hamama ae oia i ka ipuka, no na Pake e hoopii mai ai i ka poi, i ka i'a, me na meaai e ae, a ke hokokoke mai nei ka manawa e pau ai kuhihewa, no ka hilinai a oukou i haawi aku ai i kekahi haole, i makemake wale no i kona pomaikai iho, aole no ko oukou pomaikai e ka poe ilihune.

 

Nuhou Kuwaho

 

PARIS, Oct. 31.-O ka aelike hoomaha i ke kaua i hanaia mawaena o na Aupuni Hui ame Tureke ua kakauinoa ia i keia la ma Minos, ua hoolahaia ae ia lono e ke kuhina kaua.

 

LONDON, Oct. 31.-I kulike me kekahi lono kelekalapa i ka Nupepa Evening Standard, ua haawipio aku la ke Kenerala Tureke o ka pualikoa e kaua ana maloko o ka apana aina o ka Muliwai Tigris i na Pelekane me hookahi pualikoa nui holookoa ame ka hapanui o elua mau pualikoa e aku.

 

LONDON, Nov. 1.-Ua haawipio mai la ke aumokukaua Auseturia holookoa i na elele a ka ahaolelo hou loa i hookumuia e na Slav ma ka hapa hema, elike me ka hoakaka a ka lono kelekalapa o keia auwina la o ka loaa ana ae i ke Central News Agency.

 

OCPENHAGEN, Nov. 1.-Ua lilo holookoa a ke paaia mai la e ka lahui Croatians ke kulanakauhale poo aupuui Croatia, a ua kukala ae lakou i ko lakou hui ana me Italia, wahi a ka lono kelekalapa mai Berlin mai.

 

COPENHAGEN, Nov. 1.-He palapala ka i hoounaia mai e ke Kauna Karolyn i ka Nupepa Tageblatt ma Berlin e hoakaka ana i ka hookahuli aupunilanakila maloko o Budapest me ka hookaawaleia ana mai la o Hunegari mai ke aupuni moi mai ame ke kukuluia ana ae o ke aupuni repubablika.  Ua laweia ae e ka ahaolelo lahui ke aupuni a ua ikeia aku e ka oihana koa ame ka oihana makai kou maua.

 

AMSTERDAM, Nov. 3.-Kokua nui na Kelemania malama hala banako ame na kanaka kalepa i ka hoopauia o ke kaua ma ka hapa komohana ina no he kulike ole na kumu aelike kuikahi hoopau kaua me ka Kelemania i makemake ai, wahi a ka lono ma ke kelekalapa.  Ma ka oleloia ua hoounaia aku kekahi mau elele e keia poe i ke aupuni me kekahi palapala e hoakaka ana no ke aponoia ana o na kumu a na Aupuni Hui i hoakaka ai no ka hoomaha ana i ke kaua ina no e koii mai ana o Kelemania e haawi aku i kekahi mau mea waiwai.

 

WASHINGTON, Nov. 4.-Maloko o ka hoike a ka Adimarala Sims i loaa ae ai i ke Kakauolelo Daniels i keia la ua hoakakaia maloko olaila kekahi moolelo o ka lele ana a kekahi mokulele a na mokukaua i hoolakoia me ka Motor Liberty i ike ole ia ka lua me ia ma ka moolelo.  He eiwa hora ka loihi o ka lele ana oia mokulele i ka lewa me eha mau kanaka o ka oihana kaua, me elua poka pa-hu elima haneri paona pakahi ke kaumaha, elua mau pu mikini ame kekahi mau galani lehulehu o ka ailaea.

 

PARIS, Oct. 31.-O ka laina uweaolelo e moe ana mawaena o Agram, Fiume, Budapest ame Vieuna, ua pau i ke okiia.  Ua okiia e na pualikoa Slovak ke alanui kaaahi mawaena o Vienna ame Berlin, elike me ka lono kelekalapa mai Zurich mai i ka Nupepa Journal.

 

NEW YORK, Oct. 31.-Ua hui na peresidena mua o Amerika Theodero Roosevelt ame William H. Taft i keia la ma ke noi ana i ka lahui i Amerika e koho i mau Repubalika ka hapanui o na hale a elua o ka ahaolelo.  O keia ke  no i mua loa o keia ano i haku a i kakauinoaia e elua mau peresidena mua.  Ua hoomakaukauia ke noi i ko laua wa e noho like ana maloko o ka hale halawai o ka Ahaolelo Uniona ma ke kulanakauhale o Nu Ioka.

 

BERNE, Switzerland, Nov. 6.-Ua hoolahaia ae e ka aoao kalaiaina Socialist Kelemania kekahi palapala e olelo ana, ua noiia aku nei e Phillip Scheidemann, ke alakai o ka aoao kalaiaina, me ka apono ana mai a na hoa o ka aoao Socialist, ke kuhikuhi puuone Maxmilian e waiho aku imua ponoi o ke Kaiser i kekahi noi e haalele mai oia i ka nohoalii.

 

BERLIN, Nov. 6.-He hoike na ke kuhina nui ka mea i hoolahaia ae maanei i keia la e olelo ana he mau elele Kelemania ka i haalele iho ianei no ke kahua kaua ma ka hapa komohana no ke kukakuka ana no ka hoomaha i ke kaua a no ka maluhia me na Aupuni Hui.

 

WASHINGTON, D. C., Nov. 6-He lono kelekalapa i ka nupepa mai na pualikoa Amerika mai maluna o ke kahua kaua Sedan ke olelo ana iloko o na la hope eha ua oi aku mamua o 160 mokuea ame kekahi heluna nui o na baluna Kelemania i kiia ae a haule i ka honua e na Amerika.  Mai ka la 12 mai o Sepatemaba i ka manawa o ke kaua ana a na Amerika ma St. Mihiel, ma ka olelo a na Amerika, he 431 mau mokuea a na Kelemania i kiia ae e lakou a haule i ka honua.

 

Nuhou Kuloko

 

            Ua hoopaneeia ka hoopuka ana aku i kekahi mau palapala a ua makamaka i hoouna mai ai i keia keena, a loaa kahi kaawale o ka nupepa.

 

            Nui ka hana o ko Honolulu nei poe, ma ka Poaono aku la i hala, i ka hoomaemae i ko lakou mau pa, ma na wahi like ole o keia kulanakauhale.

 

            Eia ua Kepani kalepa o keia kulanakauhale iloko o keia mau la ke hoolala mai nei no ka hoopii hou ana i ke kumukuai o ka laiki, i wahi e nui ai ko lakou mau pomaikai.

 

            Ma keia Poalima ae, ka la hope loa e uku ai i ka hapa hope o na auhau waiwai me ka ukupanee ole, mahope aku o kela la, e kauia ana he umi pakeneka paku'i, no kela ama keia dala.

 

            Aole he hana nui e ae iloko o keia mau la, o na kamailio wale no e pili ana i ka hopena o ke koho baloka, me ka nui uae o ke kuaki ma ka aoao o ka poe i haule, a hauoli hoi. ka poe i puka iho nei.

 

            He lono kelekalapa ka i loaa mai i Honolulu nei, ma ka Poalua aku la i hala, e hoike ana, no ka hookohuia ana mai nei o John H. Wise i lala no ka papa komisina o na moku, ma kahi o M. G. Correa.

 

            Oiai aole i pau pono mai na hoike i ka loaa, no ka hopena o ke koho baloka ma ka Mokupuni o Niihau, ua ala ae na manao hopohopo o koonei poe, no ka lanakila o Chas. A. Rice maluna o John Kealoha, no ke kulapa senatoa.

 

            Maloko o ka luakini o Kawaiahao ma ke Sabati aku la i hala i malamaia ae ai na hana hoonoho i ka Rev. Akaiko Akana i kahu no kela ekalesia, imua o kekahi anaina nui makolukolu i hoea ae, no ka ikemaka ana i na hana ma kela la.

 

            Mamuli o ka haawi ana ae o ka aha kiekie i ka olelo hooholo, no ka pono o L. L. McCandless, no ka loaa o ke kuleana iaia e hoopii ai i ke kumukuai o ka laiki, eia ka poe kuai poi me kuai i'a ke hoopii pu mai nei i ke kumukuai o ka lakou mau meakuai i keia mau la.

 

            Ma ka halawai a ka papa lunakiai ma ka po o ka Poakolu nei i hoike ae ai na hoa o kela papa i ko lakou manao ku-e i ke kii ana aku i na loio mawaho, no ko lakou manao kanawai, no na ninau i pili loa i na hana a ka papa lunakiai.

 

            O ka hulahula a na Kaikamahine o Hawaii, i hoolaha ai e haawi ae no na koa o ka Papu Kamehameha ma ka hale o ka Outrigger Club, ma ka la 23 o keia mahina, ua hoopaneeia, mamuli o ka loaa ana mai o ke kauoha e papa ana i ka hoakoakoa ana o na koa ma kekahi anaina o kela ano.

 

            No ka loaa 'ole o kekahi kaa otomobile i na lunanana koho baloka o ka mahele koho o Waimanalo i helewawae okoa mai ai lakou no ka hoihoi ana mai i ka hoike, a hoea i ke kaa uwila ma Nuuanu, a mai ke kaa uwila mai hoi a ku ana iloko o ke keena o ke kakau olelo o ke Teritore.

 

            Ma ka Poalua nei i haule ai he eke dala, me kanaiwa dala oloko mai ia Mrs. John Mahuka aku, me ka lilo o kela haule ana i kumu hookaumaha loha aku i ka manao o keia wahine kanemake, no ka mea o ka loaa koke ana mai no ia o kela mau dala, he ukuhana no kana kane, o ka make ana aku nei ma ka pule i hala.

 

            A hoea wale mai i keia manawa, aole i maopopo na kumu oiaio, no ka mea nana i pephi ia Char a make, a i waiho hoi ma ke alahao, ma kahi i piiia ai e na huila o ke kaaahi, ma Moanalua ae nei.  Ua haawi ae nei nae ka oihana kaua o Amerika maanei, he uku makana o elima haneri dala, i ka mea e hoike ae ana i ke ano i make ai o kela kanaka.

 

W.S.S. - NO KA NUI O KA OHANA PAKELE MAI NOHO I KAWA

            Ua hopuia he Pake o Adama Wong ka inoa, ma kekahi mau la aku nei no ke kuai ana i kekahi omole kini i kekahi koa, a ma ka noho ana o ka aha federala a ka Lunakanawai Vaughn ma ka Poakolu nei, ua ae ake o Adam Wong i ka pili o ka hewa iaia, a ua kau ia mai ka hoopai dala he $150 me na koina o ka aha.

            O ka wahine ame na keiki elima a Wong kekahi i hoea pu ae imua o ka aha, no lakou ke kumu i hoopa'i paahao ole ia ai o Wong, no ka mea ua hoakaka mai ka Lunakanawai Vaughan pela i ka manawa i kau mai ai i ka hoopa'i, aole ona makemake e hoouna iaia i ka halepaahao mamuli o ka wahine ame na keiki.

            Ma ka olelo a Wong imua o ka aha he $60 wale no kona loaa mahina a me ia mau dala oia e malama ai i kona ohana, o na keiki hope loa he mau mahoe he mahina wale no iwaho mai ka hanauia ana mai.

 

KAA MA KA AOAO O NA REPUBALIKA KA HAPANUI O NA MOHO O KA HALE

            NU IOKA, Nov.6-Ma ke koho paloka i malamaia ma na wahi apau o ke aupuni ma ka la i nehinei o ka hua i loaa ma ia koho ana oia no ke kaa ana i na Repubalika ka mana hoomalu i ka hale o na lunamakaainana me ka hoemi pu ia mai o ka hapanui o na Demokarata maloko o ke senate, elike me na hoike i hoihoi ia mai ma ke aumoe o ka po aku la i hala.

            Mawaena o na Demokarata i maopopo haule oia o Champ Clark, ka lunahoomalu o ka hale o na lunamakaainana ame Henry Ford.

            Ma ke aumoe o ka po Poalua, he umikumamakahi mau noho hou i maopopo no na Repubalika maloko o ka hale o na lunamakaainana he hapa wale no nae o na hoike i loaa mai na wahi koho mai, a he ekolu no ke seante.

            Mamua he ewalu mau hoa Demokarata ka oi aku maloko o ke senate a he eha ma ka hale o na lunamakaainana.  Ma ka ka Lunahoomalu Hayes olelo ma ke aumoe o ka po nei, ke komite Repubalika lahui no ka hoouka kaua kalaiaina, ua hooiaio loa ia mai ke kaa o ka mana hoomalu o ka hale malalo o na Repubalika.

Koho Hou ia o Joe Cannon

            Mawaena o na Repubalika i koho hou ia oia o Cannon ame Mann o Ilinoi, Penikelewania, ame Merelana i kohoia ai na Repubalika, a no ke anihaniha loa o ka haule o na Demokarata maloko o kekahi apana o ka hopena ua hahani loa na paloka o kekahi aoao mahope o kekahi.

            O ka hoike piha pono wale no no ke kulana kiaaina i hoihoiia mai ma ke aumoe o ka po aku la i hala i ikeia ai ke kohoia ana o ka paa paloka Repubalika maloko o na mokuaina o Penikelewania, Konetikuta, ame Kaleponi.  O na paloka i oi aku o ke Kiaaina Whitman o Nu Ioka, me he mea la he mau paloka ia e haule ai kona hoa paio Alfred Smith ma Nu Ioka Nui.

            He kanalua loa ke koho hou ia o ke Senaton Weeks, he Repubalika o Masakuseta i ka nana aku.

            Me na apana ahaolelo 120 o ka Mokuaina Misiouri i hoike ole ia mai, e hoike ana uae na huahelu i loaa mai i ka nele o ko Champ Clark, ka lunahoomalu o ka hale o na lunamakaainana, koho hou ole ia a he lunahoomalu hou ana ma kona wahi, a oiai he mau Repubalika ka hapanui o na hoa o ka hale he lunahoomalu Repubaika aku ana ka mea maopopo loa no ka hale.

            Ma na hoike piha pono ole i hoihoiia mai Kaleponi mai ma ke aumoe i ikeia ai ke kohoia ana o ke Kiaaina Stephen, ma ke ano he Kiaaina Repubalika mamua o Theodore Bell, ka moho kuokoa.  He Demokarata o Bell mamua.

            Ua ikeia ma na hoike i hoihoiia mai ke kulanakauhale mai o Topeka, o ke Kiaaina Arthur Capper ame Henry Allen o Wichita, ka i kohoia i mau senatoa.

 

W. S. S.

KUU BEBE ALOHA UA HALA

            Mr. Solomon Hanohano, ka Lunahooponopono o ka nupepa Kuokoa, Aloha oe-E oluolu oe no'u kauwahi kaawale o na kolamu o kau nupepa, ka'u puolo, o ia hoi kela poomanao e kau ae la maluna, i ike mai ai na makua, na kaikuaana, na kaikunane, na kupuna ame ka ohana a maua e noho ana mai ka la puka ma Kumukahi, a ka welona a ka la i Lehuua.

            Oiai ma ke kakahiaka nui Poaha, Oct. 24, 1918, ma ka hapalua hora ewalu, ua oluolu i ka Makua ma ka lani ke kii ana mai i ka uhane o kuu bebe Mineva Polehuua Pau, a'u i aloha nui ai a hookaawale aku la mai ke kino aku a waiho iho la i ke kino lepo na'u e u aku ame ka ohana.

            Ua hanauia kuu bebe aloha mai ka puhaka mai o Mrs. Mary Ann Kekai (w) ame Mr. William E. Pau (k) ma Honokaakai, Hamakua, Hawaii, a ua piha iaia he elima makahiki, umi-kumamakahi mahina ame umi-kumamalima la o ka hanu ana i na ea hu'ihu'i o keia ola ana.

            Nolaila au ha'i aku nei ia oe o Hilo, e ka Ua Kanilehua e, ua pau kou hoopulu ana i na papalina nohenohea o kuu bebe aloha, huli ae au nana i na wahi a'u e hele ai me kuu bebe aloha, me he la oia wale na a e ao.

            E Hamakua e, ua pau ka pa ana mai o kou makani kihiloa maluna o kuu bebe aloha, a ua pau no hoi ka hehi ana a kona mau wawae palanehe i kou mau alanui ooi.

            E kuu Papa e, Mr. W. B. Pau, eia au ke hoonana ae nei i ke aloha i kuu bebe heleloa.  Hamohamo au i ke kuala o Puna, aohe wahi mea a ike aku i kuu bebe A'u i aloha nui ai.  Auwe kuu aloha kuu minamina pau ole i kuu bebe, kuu nui kuu lau kanaka o ka au ana mai i keia aina malihini, auwe kuu aloha, kuu luuluu, kuu kaumaha pau ole i kuu bebe heleloa.

            No laila, ke haawi aku nei au i ka'u hoomaikai i ka Makua Peresidena o ka apana o Aleamai, oia hoi o Keola Kailimai. no kana mau mapuna waimeli i hanai mai ai ia'u ame ko'u ohana e akoakoa ana.

            Nolaila e oluolu e ka Makua Peresidena Keola Kailimai, e lawe aku i ka'u mau hoomaikai, a na ka Makua ma ka lani e hoomama ae. i na kaumaha i kau iho maluna o'u ame kou ohana.

            Me keia mau mea apau i hoikeia ae la maluna, ke hooki nei au maanei me ke aloha i na keik hoonohohua o kou papapa'i.

            O makou no me ka luuluu. WILLIAM E. PAU, MRS. MARY ANN K. PAU, WILLIAM K. PAU, JR. J. K. PAU JR., ESTHER PAU.

Papaikou, Hilo, Oct., 27, 1918.

 

KA MAUA MEA ALOHA UA HALA

            Solomon Hanohano, Lunahooponopono o ke Kuokoa, Aloha oe:-Ina he wahi mi kaawale kekahi o ka Nupepa Kuokoa, e oluolu hoi oe e hokomo iho i ka maua wahi puolo ukana, nona na wahi lalani pokole e kau ae la maluna.

            Ma ka hra 4 p. m., October 16, 1918, ua kii mai la ka make a lawe aku la i ka hanu o ka maua keiki aloha, a waiho iho la i ke kino lepo i mea na ka ohana e paiauma aku ai.  Eia iho kahi moolelo pokole o kona mau la o ke ola anad a hala wale aku la.

            Ua hanau ia ka maua keiki aloha Joseph W. Burrows ma ka la 8 o Feberumi kaawale kekahi o ka Nupepa Kutoba, 1918; nolaila ua piha iaia he 8 mahina me na la keu 8 o ka hanu ana i na ea oluolu o keia ao a hala wale aku la.  Aloha no!

            O ka 18 keia o ka nui o na hua a ke Akua i haawi mai ai, ua lawe aku ka make he 7 a koe he 11 e ola nei.  Aole au kona papa i ike i kona hanu hope.  oiai ua hele au ma ka'u hana maamau o ia ka lawai'a, ahiki ae la ke kii a ko maua pokii ma ke kino, Mr. Joe Joao. a ha'i ae la o bebe Joe ua hala.  Auwe no hoi ka puiwa o ka noonoo!  O ka hana iho la no ia i ka noho o kahi lio a hoi mai la me ka naau luuluu.

            Hiki no hoi i ka hale hora 9:30 a. m., e waiho ae ana ke kino puanuanu o kuu keiki aloha, e hoopuniia ana e kona mama na kaikuahine ame ka ohana.

            Ma ka hora 2:30 p. m. ua malamaia he wahi anaina hipule hope loa nona e ka Rev. Alexander George, a i ka pau ana ua laweia aku la kona kino lepo a hoomoeia aku la ma ka ilina o Kapaakea, a ko ae la no hoi ka mea a ka Buke Nui i olelo mai ai: "E hoi ka lepo i ka lepo, no ka mea, no ka lepo mai oe."

            Nolaila, hoomaikaiia ka inoa o Iehova, Nana no i haawi mai, a Nana no i lawe aku.

            Ke haawi aku nei maua i ka hoomaikai i ka poe apau i komo pu mai me maua iloko o ko maua mau hora o ka luuluu.

            O maua iho no kona mau makua iloko o ke kaumaha,

MR. J. R. BURROWS, MRS. J. R. BURROWS, Kaunakakai ,Molokai, Oct. 31, 1918.

 

W. S. S.

HE HOOMAIKAI AKU.

            I na hoahanau, ha haumana Kula Sabati, ame na lala C. E. o ka Ekalesia Hawaii mua o Lihue, Kauai;  Aloha oukou:

            Ua lohea ko oukou leo hookipa ma o ke komite malama ola, W. Hyde Rice, o ko oukou ekalesia i na lala o ka Aha hui Kula Sabati o ka Mokupuni o Kauai nei, e wehe hamama ana i ka ipuka o ko oukou luakini no na hana a ka Ahahui Kula Sabati, ame na mea e oluolu ai ke ola kino o na lala.

            Ke hoike nei, o makou na lala o ka Ahahui Kula Sabati o ka Mokupuni o Kauai, i noho ma ke kau o Okatoba 16 ame ka la 17, 1919, ma ko oukou luakini, ke haawi aku nei makou i ka makou hoomaikai nui i ka poe i oleloia elike me ia e ko oukou komite malama ola i hookipa ai i na lala o na aha ekolu, ua hamama i'o a ua hanai i'o ia na lala, ahiki i ka hookuuia ana o na hana o ia kau me ka hauoli.

            Oluolu e lawe aku i keia hoomaikai, o Iehova maluna o na mea apau.

            Na ka Ahahui Kula Sabati, Mokupuni 'o Kauai, T. H.

            Ma o ABBIE K KAAUWAI, Kakauolelo Ahahui Kula Sabati, Mokupuni o Kauai.

            Hanaia ma Kapaa, Kauai. Oct, 19, 1918.

 

Aole no ka "La Wale No."

 

            O ka poe i loaa ke kuahanenee i kela me keia la, ka nalulu, ke poniuniu me ka pilikia o ka puupaa, he mea maa ko lakou imi ana i laau e haawi mai ana i ka oluolu mau loa mai keia mau pilikia mai, aole no ka "oluolu wale no i ka la hookahi."  No na makahiki i oi aku i ke kanakolu i ku aku ai na Huaale Kuahaneenee Puupaa a Doan i na aui@i o ka manawe-ka hana kilakila loa mamua o na mea apau.  He mau kaukani o na olelo hoike i loaa mai, mai ka poe i loaa na pomaikai e hoike ana i na pomaikai mau loa-no ka wa pau ole, ua hoike mai k manawa i na hopena maikai.  Eia he hoike na kekahi o kou poe kanaka ponoi:

            "Ke lolo mai kou kua-E hoomanao i ka inoa.  (Mai pono nei wale aku no i na laau no ka puupaa)-E noi maopopo aku no na Huaale Kuahaneenee Puupaa a Doan, a mai lawe i laau e ae.  Eia ke kuaiia nei na Huaale Kuahaneenee Puupaa a Doan e ka poe kuai laau apau ame ka poe malama halekuai, a i ole, e hoounaia aku no ma ke ekeleka ke loaa mua mai ke kumukuai e ka Hollister Drug Co., a i ole e Benson Smith & Co., na akena no ka Paeaina Hawaii.-Hoolaha.