Ka Nupepa Kuokoa, Volume LVI, Number 46, 15 November 1918 — IKEIA HE OULI KAMAHAO MALUNA O KA LANI. [ARTICLE]

IKEIA HE OULI KAMAHAO MALUNA O KA LANI.

I kulike me ka hoakaka a kekahi lo no kelekalaoa uweaole o ka hoikeia ana ae i ka nupepa Advertiser mai ke Kauka E. S. Goodhue mai, e noho mai la ma Molokai i nei manawa, he ouli kamahao loa ka ka i ikeia aku ma ka lewa ma ka hora 7 p.m. o ka po Poa lima i hala aku la, a mai Pukoo, Molo kai, i ikeia aku ai ia ouli kupanaha a o hoakaka ana penei: "Ua ikeia aku ma ka lewa he hae Amerika me ka moakaka loa a e hoo puni ana i ka mahina me na hoku e kau mai ana ma kahi uliuli o ka hae a o na kahakaha uliuli a lamalama iloko o na punohunohu o na ao. He ouli kupaianaha loa ia i ka nana aku me ka ike maopopo loa ia aku e kekahi mau kanaka he umi ka nui," wahi a Kauka Goodhue. Ina he mea oiaio loa keia, alaila o ka hiki ana mai anei keia i ka manawa e hooko ia ai na mea i wanana mua ia e na kaula "e ikeia aku ana na hoailona kupaianaha ma ka lani?" W. S. S.