Ka Nupepa Kuokoa, Volume LVI, Number 46, 15 November 1918 — HE HOALOHALOHA NO KUU KUKU [ARTICLE]

HE HOALOHALOHA NO KUU KUKU

Mr. Lunahooponopono o ke Kuokoa, Aloha oe a nui;—Oluolu mai kou aho-; nui no'u hoi kekahi wahi kaawale o kou keena, No ka'u puolo o ka waimaka, i ike mai na ohana ame na makamaka o kuū kuku hele loa. Uft oluolu i mana loa i ke kii ana aku i ka hanu ola o kuu kuku ma kōna wahi noho ma Papaikou, Hilo, HaWlkii, i ka la 23 o ka mahina o Okatoba, 1918, a niau palanehe aku la i ka peliku o Kane, ua imi akn la ia Papalauahi e hoonipo ana me Niolopua i ka aina moeuhane. Auwe ka ehaeha 0 ka naau ke hoomanao ae i na hana maikai a kuu kuku. Ma ka Maunakea o ka la 28 nana hoi 1 hii hele mai i ka elele waha ole o ka ehaeha (leka), wehe ae la au a nana iho lā i ka manaō. Auwe me ka hikilele ame ka naau luuluu ame ke aloha mokumokuahua, aia hoi e ha'i mai ana, o kuku Makapili, ua haalele mai oia i keia ola ana i ka Poakolu o kela-pule aku nei. Auwe kuu kuku, kuu aloha pau ole ia oe, o ka hele no ka kau, manao ole ae he moopuna. Heaha la hoi ka'u hala i hana ai au i hoomaka e mai ai iia'u! Auwe kuu ike ole i ka hanu hope o kuū kuku; oiai, eia au i keia aina maliliini e noho nei, ua oki ae ke kai kaawale au mai ka aina mai. Ua hanauia kuu kuku iloko o ka makahiki o ko kakou Haku, 1820, a hala aku la nia ka la 23 o Okatoba, 1918; nolaila ua piha iaia na makahiki he 98 a oi. Auwe kuu kuku, kuu aloha p.au ole ia oe, o ka hele no hoi kau a manao ole e hoi mai. E ka ua kanilehua ame ka muliwai 0 ka punalua ia wahi a maua me kuu kuku e hele ai i ka huki limu eleele. Auwe, kuu kuku e, ua pau kou hele hou ana ma keia mau wahi. Ia oe e Ililo Hanakahi ame ka Muliwai o Waiakea, ua ike aku nei paha oe ia kuku i hala aku nel* Kii aku hoi oe a hoihoi mai 1 ike aku hoi ftu i kuu kuku. E Papaikou e ame Pueopaku, eia aku nei o kuku Makapili ihea? 0 ka kuku hele no hoi a manao ole ae he moopuna. Auwe ka luuluu o ka na«iu kuu aloha i kūu kuku. Ua eha hoi au ika eha lima ole a ke aloha. Āuwe kuu kuku hele loa e, oiai au iloko o ko 'u wa uuku ke helē no maua i kabi e, hele no au mahope o kona kua, kahi a 'u e kau mau ai; pii ana i ke kualiiwi, hele aua i ke kahawai, iho ana i ke kahakai, eia no au mahope o kona kua. Ua hookau mai uo ka ma'i maluna ons, he oolea a he wa nawaliwali a'ū i hoomaopopo iho ai, ua palupalu mai. Iloko no hoi o keia makahiki 1918; i ka mahina o Febe?uari, la 8„ i huli hoi aku ai oii i ka aina hanau, eia ka o ko'u ike hope ana ia i ka helehelena o kuu kuku no ka wa mau loa. Aole oia ke hele mai āna, aka owau ke hele aku ana i ou ln; elike me ka ka Buke Nui i palapala ai, o ke kanaka i hanaūia e ka wahine, he hapa kona mau la, ua piha i na piopilikia. Mai ka lepo hiai no oe a e hoi hou āku no oe i ka ldpo. O ka'u hoi ia e aloha ae nei ia Maunakea, ndu hoi i hii hope aku i kuu kūku ma na a)e honupanupa o ka moana.. Me keia mau kanaenae o ke aloha uo kuū kuku, ke pule nei au i ka Haku nana ho e hoomama mai i ko kakou mau lūuluu, a ke hoomaikai aku nei au i na makamaka ame na hoaloha o ka aina i ka oukou mau poke pua i hoo-weM-wehi i-ho maluna o ke kino wailua o kuu kuku aloha, a ke mahalo aku nei n0 hoi au i ka poe liapai pahu ame ka poe i ukali aku ma kona huaka'i hele loa, no kona halelua. Oluolu e lawe aku i ka'u mau hoomaikai, a ke hoomaikai aku nei a-. i na keiki limahei 0 ke keena o ka nupepa Kuokoa ame ka Lunahooponopono no ka ae ana mai i kekahi rumi no'u. Owau iho no me ka luuluu no kuu kūku hele loa, , * MRS. LOKALIA NAWAI. 130& Liliha Bt., Honolulu. —*r. 8. a.