Ka Nupepa Kuokoa, Volume LVI, Number 48, 29 November 1918 — PIHA OHOHIA KA PAINA A NA KANAKA HAWAII Akoakoa na Hawaii ma ka Hokele lana ma ke Kono a ke Keikialii Kalanianaole LOHEIA NA MANAO NO KA HOOLOKAHI ANA Makemake Nui ia e ku na Kanaka Hawaii me ka Lokahi ma ke Ano he Lahui [ARTICLE]

PIHA OHOHIA KA PAINA A NA KANAKA HAWAII

Akoakoa na Hawaii ma ka Hokele lana ma ke Kono a ke Keikialii Kalanianaole

LOHEIA NA MANAO NO KA HOOLOKAHI ANA

Makemake Nui ia e ku na Kanaka Hawaii me ka Lokahi ma ke Ano he Lahui

Maluna o ka papahele eono o ka Ho kele lana, ma ke awakea o ka Poalua aku la i hala, i akoakoa ae ai na Hawaii 0 keia kulonakauhale, no ka manawa mua loa, nia keknhi paina awakea, iloko o na manao ohohia o ka hauoli, e hoomauia aku kela hana elike me ka na haole e akoakoa mau'nei ma na aw;akea Poakolu apau. He halawai keia i hoolalaia e ke Keikialii Kalanianaole, a i konoia aku ai hoi na Hawaii kupono e noho aua ma keia kulanakauhale e hoea ae, me ka ( nana ole i ka aoao kalaiaina, he oiaie, ua hoea ae he heluna nui o na Ha>Vaii, 1 hiki aku ka huina ma kahi o ke ka-nahiku-kumamakahi; a oiai nae he hoomaka wale ana no keia, e oi loa aku ana ka piha, ma keia mua aku, ke' lilo keia akoakoa ana, ma ka.paina awakea i hana kumau. Ma .keia halawai ae ke Keikialii Kalanianaole, kā lunahoomaiu o kela anaina kukakuka, a paina awakea hoi, pela ka Meia Fern, ka Lunakanawai Kaapuni Heen, ka fiev. Akaiko Akana, na Senatoa John H. Wise ame Chas. E. King, ka Lunamakaainana Kumalae, ka Makai Nui Chas. H. Rose, ame kekahi mau Hawaii alakai e ae.o keia kulanakauhale, a ,ua ikeia hoi na manao uilani iloko o ka poe apan i akoakoa ae ma kela awakea, no ke ku like aku he poohiwi i ka poohiwi, he umauma i ka uinauina, ma na hana apau, e hapai ae ana i keia lahui, mai ke anuu haahaa, a kaulike me na lahui e ae, ma na hana apau. No ka hooni ana i ka hana i kaheaia ai na kanaka Hawaii e akoakoa ae ma kela paina awakea, i hoakaka mai ai ke Keikialii Kalanianaole, ua makemike nui oia e loaa i ka lahui Hawaii ka manao lokahi, a i wahi e hoea aku ai ia hopena, he manaoio kona o ka hoakoakoa wale no i kahi hookahi, ma ka malama mau ana i na pains awakea o kela ano, malaila e kukakuka ai, a e lohe ai i na manao hoakaka o kela ame keia mea, maluna o na ninau apau i pili aku i ka pono o na Hawaii. "O ka pilikia nui i ikeia iwaena o kakou, ma ke ano he lahui wahi ana, aohe o kakpu hana lik'e, e ku kaokoa ana kela ame keia nona iho, a i ka manawa e makemake aku ai e loaa mai kekahi mau mea e pono ai, he hana paakiki lpa ka loaa ana, no ka mea ua nele ka lokahi ame ka ikaika. "O ka hoolokahi ana ia kakou, ka lohe ana aku i ua manaō h'oakaka o kekahi poe o kakou, no na mea e pono ai keiia. lahui, he mea auo nui loa ia, ma ke ola iahui ana; a ia kakou e akoakoa mau mai ai ma na paina o keia ano, malaila kakou e hookamaaina pono ai kekahi me kekahi, malaila e lohe ai i na manao e pono ai ke hookoia aku, a e ikeia ae ai kakou he lahiii." Ua hala kekahi manawa i ke Keiklalii Kalanianaole, o ka hoakaka ana i ka mauao niii o kela auāina, nie ka noke ia o kana haiolelo i ka pa 'ij>a 'i, ālaila kahea mai la oia i ka Lunakanawai Kaapuiii' Hee'h, e hrfwiV i kekāhi maU olelo hoakaka pokoie imua o kela anaina. Wahi ana, aole oia i makaukau me kekahi kumuhana maopopo loa, no ke kamailio ana mai, aka uae, ua lokahi kona manao m<C ko ke Keikialii Kalanianaole, he mea pono i na kanaka Hawaii apau, ke ku like a hana like, ma na hana apau e pono ai lakou, ma ke ano he lahui. . • O J. Ordenatein, John H. Wise, Chas. Aehi, Jr., Fred Beckley, Chas. E. King, Chas. Dwight, ka Meia Fern, ame kft Rev. Akaiko Akana, ka poe i kaheaia aku e hoakaka mai i ko lakou mau .manao, o ke ano nui no nae, no na hana e pono ai na Hawaii nva keia mua aku. 0 ka Bev. Akaiko Akana, ka i hoakaka mai i kona manao, aia a hoi na Hawaii i ka lakou mau oihnna kumu, e makee i ke ano o ko lakou noho ana, peln wale no e pono ai na Hawaii. O ka pilikia nui iloko o keia lahui, wahi ana, o ia no ka nele o ka ike ame ka makaukau i ka lawelawe oihana ana no lakou iho, pela hoi ka hoomakaulii ana, aia a loaa keia mau mea ano nui i na Hawaii, e hiki auanei ia lakou ke pii ae ma na anuu kiekie,

C Mr. Wise me ka Meia Fern, kekahi mau mea i hoakaka i ko laua mau manao maluna o ka ninau hale hoolimalima, me ka lilo o ko laua mau manao hoakaka i mea ohohia nui ia. Mamua o ka hookuuia ana o kela halawai kukakuka, ua ap(tnoia ae kekahi manao, no ka hana ana aku i kumukanawai no kekahi ahahui. a waihoia aku iloko o ka lima o kekahi komite, no ka hoolala ana mai i na kahua ame na hana a ka ahahui o na kanaka Hawaii e haua aku ai,