Ka Nupepa Kuokoa, Volume LVI, Number 48, 29 November 1918 — AOLE E HOIHOI IA MAI ANA NA KOA I KOMO I KE KAUA. [ARTICLE]

AOLE E HOIHOI IA MAI ANA NA KOA I KOMO I KE KAUA.

WAKINEKONA, Nov. 27.—Ua hoolahaia ae e ke Kakauolelo Baker i keia la aole mahele o na pualikoa Amerika i komo maoli aku i ke kaua e hoihoiia mai ana i Amerika mamua ae o ke Karisimaka. O' na pualikoa mua loa e hoea mai ana i keia aupuni ma na la hope o keia mahina. E hui pu ana lakou me na pualikoa i hoopaaia no ke a'o ana maloko o Enelani a e komo pu ana maloko o ia heluna he 362 mau aliikoa, eha mau kahu ma'i ame 6614 mau koa. Ua haalele aku lakou ma ka pule i hala ia Livapula maluna o na mokuahi Minehaha, Lapland ame Orcs.