Ka Nupepa Kuokoa, Volume LVI, Number 48, 29 November 1918 — KUU MEA ALOHA HE WAHINE. [ARTICLE]

KUU MEA ALOHA HE WAHINE.

I ka Nupepa Kuokoa, Honolulu, T. H., Aloha oe:—E oluolu mai kou ahonui no ka'u puolo kekahi kowa kaawale o kou mau kolamu waiwai nui, a nau hoi ia e aha'i mama aku ma na ipukahale o kela ame keia home, au e kipa aku ai, i ike mai ai na kini, na makamaka ame na hoaloha o kuu wahine aloha i haalele mai ia'u; a hoko-o ao la lioi i ka pili aloha & maua, no na makahiki he 26 i kaahope aku la. Ua hanauia kuu wahine aloha ma Wailuanui o na pali Koolau o Maui, i ka 1863, mai ka puhafcfc. mtii o Kahiniau (k) ame Mokunialamalama (w); nolaila ua piha iaia na makahiki he 55 o ka hanu an& i na ea oluolu o keia ao inea. . Mamuli o ka haawina ehaeha i kau iho maluna o kona luaui makuakane i ukali mai ai oia mahope ona, i kona wa he walii kaikamahine wale no o eiwa makahiki. Pae ma Kalawpapa nei i ka 1872, a hoohuiia maua ma ka berita maemae o ka mare i ka 1892, a haalele mai la ia'u i ka la 12 o Novi, 1018. Nolaila ua hiki no ia'u ke olelo ae he kupa a he kamaaina oia no keia aina a ka popilikia i noho ai. He nui wale na ano maikai i pili aku me kuu wahine, a'u a ke kane e haaheo ai. Ua loaa mai no ia mamuli o ka mau ana o ka pumehana o ke aloha mawaena o maua. He wahine aloha, puuwai hamama, o hea ana i ke kanaka nui a i ke kanak'a iki, e kipa a e kaana pu hoi i na inea maikai apau o keia ola honua ana. Ua pili aloha ia e maua na la wela o neia aina anu, na po hu'ihu'i o ka hooilo. O ka'u ia e au ae nei, aole nae ia ma ka poli. Ua pio, ua pouli ka malamalama o kuu hale ame kuu ola | ana. E ahonui hoi oe e hawanawana iho | ma na pepeiao aloha o na hoaloha o maua o Mrs. Hokela Holt, ua pauaho mai i keia ola ana, ka la alohi o ko ola ana oke kanaka. Ua uhiia ae la e na hakumakuma pouliuli o ke% kumakena, a naue aku la ka anoi, naue pu no me ka waimaka, he mana ka ia'u e kuewa i ke ali me ka luuluu. Ke haawi aku nei au i ka'u mau hoomaikai a nui loa i na makamaka ame na hoaloha i laulima pu mfei me a'u i na hora hope o kuu wahine, a ke hoomaikai pu aku nei hoi au i ke Kauka W. J. Goodhue no kana mau hooikaika pauaho ole, e hoopakele i ke ola o kuu wahine, a ua hiki ole no nae, mamuli o ka nui o ka nawaliwali, ahiki ole .i ka mana o ke kanaka ke hoopakele ae. A ko ae la ka ka B*ke Nui, o ke kanaka i hanauia e ka wahine, he' hapa kona mau la, a ua piha i na popilikia. Me oe e Mr. Lunahooponopono ko'u aloha, ame na keiki ulele hua kepau ko'u anoi. Owau iho no me ka pailmako. KOBT. HOLT. Kalaupapa, Molokai, Nov. 18, 1918.