Ka Nupepa Kuokoa, Volume LVI, Number 49, 6 December 1918 — E HOOMAU ANA I KE KOMO ANA I NA LOLE KOA. [ARTICLE]

E HOOMAU ANA I KE KOMO ANA I NA LOLE KOA.

I kulike ai me na lioike i loaa mai i keia kulanakauhale ma ka Poaono aku la i hala, mai Wakinekona mai, e aeia aku aua na koa e hookuuia ana mai ka oihaua koa maij e hooniau aku i ke komo ana i ko lakou mau lole koa no na mahina ekolu.

O ka manao i hooholoia ai no keia hoomau akii o ua koa i ke komo ana i ko lakou mau lole koa, mahope o ka hookuuia analnai, i ole ai lakou e halawai me ka pilikia, nia ke kuai koke ana aku i na lole o na naakaainana, aka e hala he mau mahina ia lakou, ma ka noho hana ana mamua o ko lakou kuai ana aku i lole hou no. lakou, a waiho i na lole koa.

Ma ka manawa o na makaainana ma Oahu nei i komo aku ai iloko o ka oihana koa, ua haawi aku lakou i ko lakou mau lole i ke Ke'a Ulaula, a ua hoounaia aku paha kela mau lole, no ke leokua ana i ka poe pilikia ma Europa, nolaila ua nele maoli kekahi poe i na lole no lakou e komo koke aku ai, pela iho la i haawiia aku ai i manawa no lakou e noho hana ai ,a loaa mai ke dala, no ke kuai ana i mau lole hou.

Ua hoike ae o Kenerala March, ke poo o ka oihana koa, ame ke Kakauolelo Daniels o ka oihana kaua, maloko o Amerika Huipuia wale no, e komo pu ana me Hawaii nei, aia ma kahi o ka 1,700,000 kanaka e hookuuia ena mai ka oihana koa mai. E nana pono ia ana ke kulana ola kino o kela ame keia kanaka, e hooponoponoia ana hoi kona mau aie, ame kona ukuhana, a ua hoounaia aku hoi na pepa pa'ihakahaka ma na wahi apau i waeia ae ai na kanaka opio i poe koa.

O na koa apau e hookuuia ana, e loaa ana ia lakou ka uku o hookahi mahina, elike me ko lakou mau kulaua pakahi; a ua aeia no hoi ka poe e makemake ana e noho maoli iloko o ka oihana koa, elike me ka lakou mau mea e hana aku ana, no ka aeia mai, a hooleia. mai paha.