Ka Nupepa Kuokoa, Volume LVI, Number 49, 6 December 1918 — WAIHO LOA IA KA HIHIA I KA AHA KIEKIE. [ARTICLE]

WAIHO LOA IA KA HIHIA I KA AHA KIEKIE.

O ka hihia o na lunakiai o ke Kalana 0 Hawaii, o ka hooloheia ana mai nei imna o ka Lunakanawai Kaapuni Quinn ina Hilo, ma ka Poakahi o ka pule aku nei i hala, ua waihoia aku la imua o ka aha kiekie 110 k.a hooholo ana mai 1 kekahi mau ninau kanawai i paioia imua o kela aha. No kekahi mau hora ka hooloheia ana o ka hihia o ka Lunakiai A. M. Cabrinha, me ka noke ana o na loio o na aoao a elua i ka paio, a oiai ua ikaika ka paio ana a W. H. Smith, ka loio o ka mea i hoopiiia, no ka hookuu ana iaia, ua hoomoe nae ka Lunakanawai Kaapuni Quinn i ka haawi ana i kana olelo hooholo, koe wale no ka waiho ana aku ( la na ka aha kiekie e hooholo mai, no ke kupono e aeia aku ke noi a ka loio o ka mea i hoopiiia ame ka ole. Ua hele ka oloko o ke keena hookolokolo a piha i ka poe makaikai, no ke ake e ike i ka hopena o ka hihia, a ke aupuni e ku-e ana i na lunakiai, a e hoolohe hoi i na paio kanawai ana, mawaena o ka Hope Loio Kuhina Lightfoot ame ka Loio W. H. Smith. Ua hoopaneeia aku la ka hihia o ka Lunakiai Cabrinha a ka la 6 o ka mahina ae nei o lanuari. w. s. s.